මහින්ද අයියාගෙන් බැසිල් මල්ලිට කනේ පහරක්

‘‘දේශපාලනඥයන් දේශපාලනය කළ යුත්තේ මිල මුදල් ඉඩකඩම් හරි හම්බ කිරීමට නොව ජනතාවගේ සුභසිද්ධිය සඳහා බවත්, ඉස්සර දේශපාලනඥයන් එසේ කලත් අද දේශපාලනඥයින් කරන්නේ බඩවඩා ගැනීම පමනක් බවත්, එවැනි දේශපාලනඥයින්ට එස්.ඞී. බණ්ඩාරනායක වැනි මහත්මා දේශපාලනඥයින්ගෙන් ඉගෙන ගැනීමට බොහෝ දේ ඇති බව’’ ජනාධිපති මහින්ද රාජපක්‍ෂ මහතා 24දා අරලියගහ මන්දිරයේදී පවසා තිබේ.

ජනාධිපතිවරයා එසේ පවසා ඇත්තේ ජනවාරී 24 වන දිනට උපන්දිනය යෙදී තිබුණ ගම්පහ දිස්ත‍්‍රික් හිටපු පාර්ලිමේන්තු මන්ත‍්‍රී එස්.ඞී. බණ්ඩාරනායක මහතාගේ ජන්මදින උපහාර උළෙලෙට සහභාගී වෙමිනි.

ජනාධිපතිවරයා මෙසේ පවසා ඇත්තේ තමන්ගේ බාල සොහොයුරු ආර්ථික සංවර්ධන අමාත්‍ය බැසිල් රාජපක්‍ෂ මහතාද එම අවස්ථාවට සහභාගීවෙමින් සිටියදීය. ජනාධිපතිවරයාගේ කතාවෙන් උත්සව සභාව කුතුහලයෙන් ඇළලී ගොස් ඇති අතර එහි සිටි සියලූදෙනා වරක් බැසිල් රාජපක්‍ෂ අමාත්‍යවරයා දෙසත් වරෙක ජනාධිපතිවරයා දෙසත් බලමින් සිට ඇත.

විදුලියට බදවාගත් හෙළඋරුමයේ පිරිස් ගැන පරීක්ෂණ

විදුලි බල හා බලශක්ති අමාත්‍ය පාඨලී චම්පික රණවක මහතා විසින් විදුලි බල මණ්ඩලයට බඳවාගෙන තිබෙන හෙළඋරුම සාමාජිකයන් පිළිබදව වාර්තාවක් ලබාදෙන ලෙස ජනාධිපති මහින්ද රාජපක්‍ෂ මහතා විදුලි බල අමාත්‍යාංශයේ ලේකම් එම්.එම්.සී ෆර්ඩිනැන්ඩෝ මහතාට නියෝග කර තිබේ. චම්පික ඇමතිවරයා හෙළඋරුමයේ සාමාජිකයන් 900කට වැඩි පිරිසක් පසුගිය කෙටිකාලය තුළ විදුලි බල මන්ඩලයට බදවාගෙන ඇති බවත්, ඔවුන් ඇමතිවරයාගේ දේශපාලන බලය අතට ගෙන එම ආයතනයේ ජ්‍යෙෂ්ඨ නිලධාරීන්පවා නොසලකාහරිමින් කටයුතු කරන බවත්, අමාත්‍යාංශ ලේකම්වරයා, ජනාධිපතිවරයා වෙත පැමිනිලි කිරීමෙන් පසු ජනාධිපතිවරයා ඉහත නියෝගය කර තිබේ.

මෙසේ බඳවාගත් පුද්ගලයන් ගේ පෞද්ගලික තොරතුරු හා ඔවුන් සේවය කරන ස්ථාන පිළිබද තොරතුරු වාර්තාවක් තමාවෙත ලබාදෙන ලෙස ජනාධිපතිවරයා එහිදී අමාත්‍යාංශ ලේකම්වරයාට දැනුම්දි ඇත.

ප‍්‍රංශයේ ඓතිහාසික බැස්ටීලයේ දි ජෙනරාල් සරත් ෆොන්සේකාට නිදහස පතයි

එක්සත් ජාතික පක්ෂයේ නායක රනිල් වික‍්‍රමසිංහ මහතාගේ අධීක්ෂනය මත ගරු මහා ලේකම් තිස්ස අත්තනායක මහතාගේ දැනුම් දීමෙන් පසුගියදා පැරීසියේ එජාප ශාඛාවේ නිලධාරීන් විසින් සිර ගතකර සිටින හිටපු හමුදාපති ජෙනරාල් සරත් ෆොන්සේකා රණ විරුවාගේ මානව අයිතිය රැකදෙමින් නිදහස් කරන මෙන් ඉල්ලා කරන මහජන පෙත්සමට අත්සන් එකතු කළේය. සරත් ෆෝන්සේකා යන නම උච්චාරනය කිරීම පවා මරන බියක් සාමාන්‍ය ජනයා තුල ජනිත කර ඇති අද වැනි යුගයක; ඉහත පෙත්සම මගින් ඒ සදහා බොහෝ කරුනු රාශියක් සමාජයට දැන්වීම හා එම විෂය සම්බන්ධව මහජන හදගැස්ම අවබෝධ කර ගැනීමට හැකිවීම ඉතාමත් අගේ කොට සැලකිය යුතු වටිනා අවස්ථාවක් වුයේය.

රටින් පැන්න මාධ්‍ය නඩය රටට එරෙහි කුමන්ත්‍රණයක

වරින් වර ජනමාධ්‍ය වාර්තා නමින් බේගල් අත හැරීම පුරුද්දක් කරගෙන සිටින දිනමිණ කඩමාල්ලේ විජයානි අද තවත් හැල්ලක් වමාරා තිබේ. එම ලිපිය මේ සමග අමුණා ඇත. මේ විජයානි වමාරා ඇති කතාවේ එක කරුණක් හෝ ඔප්පු කිරීමට ඇයට හැකිද? ඇය කියන එක කරුණක් අප බියපත් කරයි. එනම් ආරක්ෂ හමුදා විසින් හෙට පැවැත්වෙන ජනමාධ්‍ය උද්ඝෝෂණයට ප‍්‍රහාරයක් එල්ල කරනු ඇති බවයි. විජයානිට දැන් අවහ්‍යව ඇත්තේ ජනමාධ්‍යවේදීන්ගේ ලේ සුවද බැලීමට ද?

අද එල්ටීටීඊ සහායකයින් ලෙස මාධ්‍ය සංවිධාන වලට අවලාද නගන විජයානි එල්ටීටිඊයට බලය තිබූ සමයේ එහි ගජ මිතුරියක් විය. එහි ත‍්‍රිකුනාමලයේ නායක එලීලන්ගේ සමීප මිතුරියක වූ ප‍්‍රභාකරන් අබියස ආඩම්බරයෙන් ජායාරූපයකට පෙනී සිටින්නේ නිකමට ද?

CSN සමඟ තරඟ කිරීමට MTV අලුත් වෙයි

සිරස මාධ්‍ය ජාලයේ සහෝදර නාලිකාවක් වන Chanel One MTV නාලිකාව ඊයේ සිට නව මුහුණුවරකින් ප්‍රේක්ෂකයින් අතරට ගෙනඒමට ඔවුන් කටයුතු යොදා තිබූ බව වාර්තා වෙනවා.

ඒ අනුව ඊයේ සිට එම නාලිකාව MTV Sports ලෙස නම් කර තිබෙනවා.

දේශීය හා විදේශීය ක්‍රිඩා වැඩසටහන් සහ ක්‍රීඩා නාලිකාවන් මේ ඔස්සේ ගෙන ඒමට ඔවුන් බලාපොරොත්තු වන අතර එමඟින් CSN චැනලයට තරඟයක් දීමටද ඔවුන් බලාපොරොත්තු වෙනවා.

SECහි නව අධ්‍යක්ෂක ධුරයට දේශපාලන බලපෑම්

සුරැකුම් පත් හා විනිමය කොමිෂන් සභාවේ (SEC) අධ්‍යක්‍ෂක ජනරාල් ධූරයට නම් කිහිපයක් ඉදිරිපත් වී ඇති අතර ඒවාගෙන් දැනට හර්ෂ ෆර්නෑන්දු හා නිශාන් සුමණධීර යන අයගේ නම් තෝරාගෙන ඇත. 

මෙහි හර්ෂ ෆර්නෑන්දු යන මොහු නීතිවේදියෙකු පමණක් වන අතර කොටස් වෙළඳ පල ගැන කිසිඳු ආකාරයක පළපුරුද්දක් නැති අයෙකි. නිශාන් සුමණධීර නීතීඥයෙකු , බැංකු කරුවෙකු , තැරුව්කාර සමාගම් දෙකක සභාපති ධූරය හෙබවූ අයෙකි. 

දැනට කොටස් වෙළඳ පලේ කඩා වැටීම සම්බන්ධයෙන් මෙම තනතුරට පුද්ගලයෙකු ඒමට පමා වීමද බලපා ඇති අතර කොටස් වෙළඳ පොල තැරුව්කාර සමාගම් විසින් ජනාධිපති මහින්ද රාජපක‍ෂ මහතාගෙන් ඉල්ලීමක් කර ඇත්තේ මෙම තනතුරට මේ සම්බන්ධව දැනුමක් ඇති අයෙකු පත් කරන ලෙසටයි. 

අධිවේගී මාර්ගයේ ආසන වෙන්කිරීමේ පහසුකම නවතා දමයි

පෞද්ගලික බස්රථ ධාවනය ඇරඹේ
දක්‍ෂිණ අධිවේගී මාර්ගයේ පෞද්ගලික මගී බස්රථ සේවාව අද (27) සිට ආරම්භ කෙරෙන වන බව වාර්තා වෙනවා. ඒ අනුව ප්‍රථමයෙන්ම පෞද්ගලික බස් රථ දෙකක් අද උදෑසන 9.00ට ධාවනය සඳහා එක් වුණා.

ජාතික ගමනාගමන කොමිෂන් සභාව විසින් එම බස්රථ නියාමනය කරනු ලබන අතර මේ වන විට ලංකා ගමනා ගමන මණ්ඩලය මගින් බස්රථ 6 ක් ධාවනයට අනුමැතිය දී තිබෙනවා.

දක්‍ෂිණ අධිවේගී මාර්ගයේ ගමන් කෙරෙන ලංගම බස් සඳහා මගීන්ගෙන් අයකෙරෙන රුපියල් 400ක ගාස්තුවම පෞද්ගලික බස් රථ මගින් සදහාද අයකරනු ලබන බවයි වාර්තා වෙන්නේ.

ආසන වෙන්කිරීමේ පහසුකම නවතා දමයි

ශිහාන්ගේ Home Coming උත්සවයක් නෑ

පෙරේදා විවාහ දිවියට ඇතුලු වූ ශිහාන් මිහිරංගගේ නැවත ගෙදරට පැමිණීමේ උත්සවය අද තිබෙනු ඇතැයි බොහෝ දෙනා බලාපොරොත්තුවෙන් සිටියද එවැන්නක් නොමැති බවයි අප වෙත වාර්තා වෙන්නේ. 

පෙරේදා අතිනත ගත් ගීෂ්නි ක්ලමෙන්ටා සිල්වා සමඟ, අලුතින් මිලදී ගත් කඳානේ නව නිවසට ශිහාන් ඊයේම පැමිණ තිබෙනවා. 

ඉන්පසු පවුලේ ඥාතීන් හා හිතමිතුරන් සඳහා සුහද සංග්‍රහයක් පවත්වා තිබෙනවා. මින් පසු ඔවුන් දෙදෙනා ජීවත් වන්නේ කඳානේ පිහිටි එම නව නිවසේයි.

ශිහාන් මිහිරංගගේ ගම වැලිවේරිය වන අතර ඔහු අධ්‍යාපනය ලැබුවේ කඳාන "දි මසනොඩ්" විද්‍යාලයෙනි. ඔහු විවාහ වූයේ එම පාසලේ කී‍්‍රඩාභාර ආචාර්යවරයා වන උපාලි සිල්වාගේ දියණිය සමඟයි.