කොලොන්නාව සභාපති පැහැරගෙන යෑමේ උත්සාහයට දුමින්දගේ මස්සිනාත් හවුල්

කොලොන්නාව නගර සභාවේ සභාපති රවීන්ද්‍ර උදයශාන්ත මහතා පැහැරගෙන යෑමට දැරූ උත්සාහය පිටුපස පාර්ලිමේන්තු මන්ත‍්‍රි දුමින්ද සිල්වා මහතාගේ මස්සිනා කෙනෙකු සිටින බව මේ වනවිට අනාවරණය වී තිබේ.

දුමින්ද මන්ත‍්‍රීවරයාගේ එක් නැගනිය විවාහව සිටින්නේ වෙලෝනා ව්‍යාපාරයේ හිමිකරුගේ පුත‍්‍රයා සමගය.

ආරක්ෂක ලේකම්වරයා කොලොන්නාව සභාපතිවරයාව පැහැරගෙන යෑමට සුදුවෑන් කල්ලිය යොදවා ඇත්තේ එකී දුමින්ද සිල්වාගේ මස්සිනාගේ ඉල්ලීම මතය. 

ලසන්ත ඝාතනයට පටලවන බව කියා ජෙනරාල්ට එරෙහිව සාක්ෂි අරන්

සන්ඬේ ලීඩර් පුවත්පතේ කර්තෘ ලසන්ත වික‍්‍රමතුංග මහතාගේ ඝාතනයට හා රිවිර පුවත්පතේ කර්තෘ උපාලි තෙන්නකෝන් මහතාට අමානුෂික ලෙස පහරදීමේ සිද්ධියට, ජෙනරාල් සරත් ෆොන්සේකාගේ ආරක්ෂාව භාරව සිටි හමුදා සාමාජිකයන් පිරිසක් පැටලවීමට ආරක්ෂක ලේකම්වරයා දැරූ උත්සාහයක් මේ වනවිට හෙළිදරව් වී තිබේ.

ජෙනරාල් සරත් ෆොන්සේකා මහතා හමුදා සක‍්‍රීය සේවයෙන් විශ‍්‍රාම ගෙන ජනාධිපතිවරණයට ඉදිරිපත් වීමෙන් පසුවද යුද හමුදා සෙබලූන් 10 දෙනෙකු නීත්‍යානුකූල නොවන ආකාරයෙන් තමන්ගේ ආරක්ෂාව සඳහා යොදාගත් බවටත්, එම සෙබලූන් රාජ්‍ය පාක්ෂිකභාවයෙන් ඉවත්කිරීමට කටයුතු කළ බවටත් වශයෙන් චෝදනා හතලිස් එකක් යටතේ සරත් ෆොන්සේකා මහතාට එරෙහිව ආරක්ෂක ලේකම්වරයාගේ බලපෑම් මත නීතිපති දෙපාර්තමේන්තුව විසින් පවරා ඇති නඩුව ඊයේ (13) විභාගයට ගත් අවස්ථාවේදී අධිකරන භූමියට පැමිණ සිටි හමුදා සාමාජිකයෙකු මේ පිළිබදව තොරතුරු රැසක් නීතීඥයින් පිරිසකට පවසා තිබේ.

වැල්ලම්පිටිය හිටපු පොලිස් ස්ථානාධිපතිට විරුද්ධව චෝදනා පත‍්‍රයක් සැකසේ

වැල්ලම්පිටිය හිටපු පොලිස් ස්ථානාධිපති, දැනට පොලිස් ක්ෂේත‍්‍ර බලකා මුලස්ථානයට මාරුකර සිටින පොලිස් පරීක්ෂක එස්.ඒ.ආර්. සමරනායක මහතාට විරුද්ධව උසස් නිලධාරියෙකු දෙනු ලබන වාචික හෝ ලිඛිත නියෝග ඉටු නොකිරීම සම්බන්ධව චෝදනා පත‍්‍රයක් මේ වනවිට පොලිස් මූලස්ථානය තුළ කෙටුම්පත් වෙමින් තිබෙන බව අප වෙත වාර්තා වේ.

වැල්ලම්පිටිය හිටපු පොලිස් ස්ථානාධිපතිවරයාට එරෙහිව මෙසේ චෝදනා පත‍්‍රයක් කෙටුම්පත් වෙමින් පවතින්නේ පසුගිය දා වැල්ලම්පිටිය ප‍්‍රදේශයේ ජනතාව විසින් පොලීසියට අල්ලා භාරදෙනු ලැබූ සුදුවෑන් රථයේ යුද හමුදා මිනිමරුවන් එසැනින්ම ඉහළ පොලිස් නිලධාරීන්ගේ උපදෙස් මත නිදහස් නොකිරීම සම්බන්ධයෙනි.

‘‘සුදුවෑන් ගැන හොයන්න ගිහින් තරුපටි ගලවා ගන්න බැහැ’’ බොරැල්ල පොලිස් නිලධාරින් කියයි

පෙරේදා (12) වන දා උදසන බොරැල්ල 34 වත්ත ප‍්‍රදේශයේදී සුදුවෑන් රථයකින් පැහැර ගැනුනු ‘මාලූ පි‍්‍රයන්ත’ නැමති අයගේ අතුරුදහන්වීම සම්බන්ධයෙන් සිදුකරන පරීක්ෂනවල ප‍්‍රගතිය පිළිබදව සොයාබැලීම සඳහා අප බොරැල්ල පොලීසිය හා දුරකථනයෙන් සම්බන්ධ වූ විට නම සඳහන් කිරීමට අකමැති පොලිස් නිලධාරියෙකු පවසා සිටියේ ‘‘සුදුවෑන් ගැන හොයන්න ගිහින් තරුපටි ගලවාගන්න බැහැ. පේනවා නේද වැල්ලම්පිටිය  ඕ.අයි.සී ට වෙච්ච දේ?’’ කියාය.

ඩිපෝ කිහිපයක ලංගම සේවකයෝ වර්ජනයේ - ජයාරූප

නියමිත දිනට වැටුප් ලබා නොදීම, හිඟ වැටුප් ලබා නොදීම වැටුප් විෂමතා ඇතුළු ඉල්ලීම් කිහිපයක් මුල් කර ගනිමින් ලංකා ගමනාගමන මණ්ඩලයට අයත් ඩිපෝ කිහිපයක සේවකයින් මේ දිනවල වැඩවර්ජනයක නිරත වෙනවා.

ඩිපෝ රැසක සේවකයින්ට පෙබරවාරි මාසයේ මාසික වේතනය නියමිත දිනට ලැබී නැහැ. ශ්‍රී ලංකා ගමනා ගමන මණ්ඩලයට සෑම මසකම රුපියල් මිලියන 589 ක් මහා භාණ්ඩාගාරයෙන් වෙන් කළ යුතු වුවත් මේ වන විට ලබාදෙන්නේ රුපියල් මිලියන 223 කට ආසන්න මුදලක් බව ඔවුන් පෙන්වා දෙනවා.

අවිස්සාවේල්ල, ඇඹිලිපිටිය, මහනුවර උතුර, මහනුවර දකුණ, මීගමුව, අම්බලන්තොට, කෑගල්ල යන ඩිපෝ මේ වනවිට එම වෘත්තිය සමිති ක්‍රියාමාර්ගය ක්‍රියාත්මක වෙන අතර අම්බලන්තොට ශ්‍රී ලංකා ගමනා ගමන මණ්ඩලයේ සේවකයින් ආරම්භ කර ඇති වැඩ වර්ජනයේ අද තෙවෙනි දිනයයි.

විමල් වීරවංශ ඇමරිකන් විරෝධී විප්ලවය අරඹයි

ඊයේ දිනයේ හයිඩ් පාර්ක් කෝනර් හි පැවති ජනහමුවකදී ඇමරිකානු සන්නාම වර්ජනය කලයුතු බව කි විමල් විරවංශ මහතාගේ සංක්ෂිප්ත කතාව අප ඔබ වෙත ඉදිරිපත් කළා.පහත දැක්වෙන්නේ එම කතාව හා එම අවස්ථාවේ විඩියෝවයි.

"කොල්ලෝ කෙල්ලෝ ලංකාවේ තරුණ තරුණියෝ...ඇමරිකානු සන්නාමය..එක්සත් ජනපද බ්‍රෑන්ඩ් නේම් එක..කොකා කෝලා නොබී අත ඇරියොත් ආන්න එකත් විරෝධත්වයක් තමයි එකසත් ජනපදයට දෙන..උන්ගේ සන්නාම කොකා කෝල පෙප්සි කෝලා නොබී..මැරෙන්නේ නෑනේ හත්වලාමේ...!

මර්වින්ගේ චිත්‍රපටයේ ප්‍රධාන නිළිය පබා

මහජන සම්බන්ධතා හා මහජන කටයුතු අමාත්‍ය ආචාර්ය මර්වින් සිල්වා කැලණියේ ප‍්‍රාදේශීය මන්තී‍්‍රවරුන් සමඟ හැප්පීම නවතා අලූත් කටයුත්තකට අතගසා තිබෙනවා.

"සුරංගනා ලොවින් ඇවිල්ලා" ළමා චිත්‍රපටයේ දුටුගැමුණු චරිතය රඟපාමින් ද, "කුවේණි" චිත්‍රපටියේ යක්ෂයාගේ චරිතයත් රඟපාමින් සිනමාවට එන්ටර් වුන මර්වින් සිල්වා, චිත‍්‍රපටයක් නිෂ්පාදනය කිරීමට සැරසෙන බවයි වාර්තා වෙන්නේ.

සිරස කුමරිය ගැන හෙළි කිරීම නිසා සිරසෙන් මංගලට තර්ජන

පාර්ලිමේන්තු මංත්‍රී මංගල සමරවීර මහතාට මෙන්ම ඔහුගේ ලේකම්වරයෙකු වශයෙන් කටයුතු කරන රුවන් ෆර්ඩිනැන්ඩර්ස් හට මහරාජා මාධ්‍යය ජාලයේ සභාපති කිලී රාජා මහේන්ද්‍රන් විසින් තර්ජනය කර ඇති බව වාර්තා වෙනවා.

ඉන්පසුව ඊයේ සිරස ටී.වී නාලිකාවේ පස්වරු 7 ප්‍රවෘත්ති විකාශය මගින් මංගල සමරවීර මහතාට හා රුවන් ෆර්ඩිනැන්ඩර්ස් මහතාට දරුණු මඩ ප්‍රහාරයක් එල්ල කිරීමට කිලී රාජා මහේන්ද්‍රන් කටයුතු කොට තිබුණා.