මාසයක් විදුලිය නොමිලේ ලබා ගන්න කැමතිද?

මාසික විදුලි බිලෙන් 20% ක් අඩු කරගන්නා විදුලි පාරිභෝගිකයන්ට මාසයකට විදුලිය නොමිලේ සැපයීමට විදුලිබල හා බල ශක්ති අමත්‍යාංශය තීරණය කොට තිබෙනවා.මේ වැඩපිළිවෙලට ලංකා විදුලිබල මණ්ඩලයෙන් හා ලංකා විදුලි පෞද්ගලික සමාගම සහය පළකර තිබෙනවා. 

මේ වැඩ පිළිවෙල අප්‍රේල් මස පළමුවෙනිදා සිට ක්‍රියාත්මක වන අතර, තම විදුලිබිල 2012 වසරේ මාර්තු මාසයට සාපේක්ෂව 20% කින් අඩු කරගන්නා පාරිභෝගිකයන් මෙම වැඩපිළිවෙලට සුදුසුකම් ලබනවා. එසේම මාර්තු මාසයට සාපේක්ෂව 10% කින් විදුලිබිල අඩු කරගන්නා පාරිභෝගිකයන්ට සිය මාසික විදුලි බිලෙන් 50% ක වට්ටමක් ලබා ගත හැකියි.

'ජන අරගල' ගමනේ දිසාව ඔවුන්ගේම කතාබහෙන් හඳුනා ගනිමු

2011 සැප්තැම්බරයේ දී පමණ විවෘත සමාජයේ කතා බහට ලක්වුණ, ජනතා විමුක්ති පෙරමුණේ අභ්‍යන්තර ප්‍රශ්නය සම්බන්ධයෙන් විවිධ අය අදහස් ඉදිරිපත් කරනු ලැබුවා. ජවිපෙ න් ඉවත් වූ කණ්ඩායම ජවිපෙ නායකත්වයට චෝදනා ගණනාවක්ම එල්ල කළා.

එම චෝදනාවලට ජවිපෙ නායකත්වය විසින් විටින් විට පිළිතුරු දෙනු ලැබුවේ 'ඒව අභූත චෝදනා' කියලා. ඉවත් වූ කණ්ඩායම (කැරලිකාර කණ්ඩායම) කිව්වේ 'නෑ, ඒව ඔක්කොම ඇත්ත. ඒ විවේචන ඔරොත්තු දෙන්නෙ නැති එක තමයි, මේ ගොල්ලන්ගේ ලොකුම වරද.' කියල.

Read More

දයාන් ජයතිලක CIA කාරයෙක් - ෂේණුකා

ප‍්‍රංශයේ ශ‍්‍රී ලංකා තානාපති දයාන් ජයතිලක මහතා ඇමරිකානු CIA ඔත්තුකාරයෙකු බව විදේශ කටයුතු අමාත්‍යාංශයේ අතිරේක ලේකම් ෂේණුකා සෙනවිරත්න මහත්මිය පවසයි. උගත් පාඩම් කොමිසම් වාර්තාව හා ජාත්‍යන්තරයෙන් එල්ල වී ඇති අභියෝගය සම්බන්ධයෙන් රජයේ ජ්‍යෙෂ්ඨ නිලධාරීන් දැනුමත් කිරීම සඳහා ඊයේ (02) අරලියගහ මන්දිරයේ පැවැති විශේෂ රැස්වීමට සහභාගි වූ ෂේණුකා මහත්මිය, ජනාධිපති මහින්ද රාජපක්ෂ මහතාගේ දේශපාලන වැඩ පිළිවෙලට එරෙහිව ක‍්‍රියාකරන විදෙස් තානාපතිවරු සම්බන්ධයෙන් අදහස් දක්වමින් රාජ්‍ය නිලධාරීන් කිහිපදෙනෙකුට ඒ බව සඳහන් කර තිබේ.

ගෝඨාගේ සුදු වෑන් මර්වින්ගේ ‘පොලූ උපුල්’ පසු පස පන්නයි

අමාත්‍ය මර්වින් සිල්වා මහතාගේ සම්බන්ධීකරණ ලේකම්වරයකු වන ‘පොලූ උපුල්’ නොහොත් උපුල් විජේසූරිය මහතා සම්බන්ධයෙන් වහාම කටයුතු කරන ලෙස ආරක්ෂක ලේකම් ගෝඨාභය රාජපක්ෂ මහතා ඔහුගේ සම්බන්ධීකරණ නිලධාරියකු වන එයාර් ෆෝස් නිශාන්ත මහතාට නියෝග කර තිබේ.

එයාර් ෆෝස් නිශාන්ත යනු පුද්ගල පැහැරගැනීම් ගණනාවක් සම්බන්ධයෙන් පාර්ලිමේන්තුව තුළ පවා කතාබහට ලක්වූ චරිතයක් වන අතර ඔහු මේ වනවිට සුදු වෑන් අංශයේ එක් ඒකකයක් බාර නිලධාරියෙකු ලෙස කටයුතු කරයි.

විමල් රූබසිංහගේ ටෙන්ඩර් මගඩි හෙළිවේ

සංස්කෘතික හා කලා කටයුතු අමාත්‍යාංශයේ ලේකම් විමල් රූබසිංහ මහතාගේ ටෙන්ඩර් මගඩි සහ අයතා ලෙස මුදල් උපයාගැනීම පිළිබඳව තොරතුරු රාශියක් මේ වනවිට රාජ්‍ය පරිපාලන අමාත්‍යාංශය වෙත හෙළිදරව් වී ඇතත් දුෂිත නිලධාරියා ජනාධිපතිවරයාගේත් ආරක්ෂක ලේකම්වරයාගෙත් හිතවතෙකු වන බැවින් ඊට අදාළව පරීක්ෂණ කටයුතු යට ගසා තිබේ.

අප වෙත වාර්තා වෙන පරිදි, සංස්කෘතික හා කලා කටයුතු අමාත්‍යාංශයේ ලේකම් ධුරයට විමල් රූබසිංහ මහතා පත්වීමෙන් පසුව, නෙළුම් පොකුණ රඟහල ඉදිකිරීමේ කාර්යේදී ට‍්‍රාන්ස්ෆෝමර් දෙකක් රුපියල් ලක්ෂ සීයයකට මිලදී ගැනීමට කටයුතු කර රජයේ ටෙන්ඩර් රෙගුලාසි මුළුමනින්ම උල්ලංගනය කර තිබේ. මෙම මිලදී ගැනීම ඩිමෝ ආයතනයෙන් සිදු කිරීමට අරමුදලේ අධ්‍යක්ෂකවරයාට නියෝග කළ මුත්, ටෙන්ඩර් පටිපාටියෙන් බැහැරව මෙම කටයුත්ත සිදුකිරීමට එවකට වැඩ බැලූ අධ්‍යක්ෂක ජනරාල් ඩබ්ලිව්. කොඩිතුවක්කු මහතා එයට අකමැති වූ බැවින් එය ආපසු අමාත්‍යාංශ ලේකම්වෙත දන්වා යැවීමට කටයුතු කර ඇත.

ලොකුගේ ගෙ ගෝලයා බක්මහ මංකොල්ලයක

ගාමිණී ලොකුගේ ඇමතිවරයාගේ පූර්ණ ආශිර්වාදයෙන් කැස්බෑව නගරාධිපති ලක්ෂ් පෙරේරා මහතාගේ සංකල්පයක් අනුව කැස්බෑව සූරිය උදානය බක්මහ උළෙල 2012 අප්‍රේල් 14,15 දිනවල පිලියන්දල සෝමවීර චන්ද්‍රසිරි ක්‍රීඩාංගනයේ පැවැත්වීමට කටයුතු යොදා ඇත.

මේ සදහා කැස්බෑව නගරසභාව, කැස්බෑව ප්‍රාදේශීය ලේකම් කාර්යාලය, පිලියන්දල පොලීසිය ඒකාබද්ධව කටයුතු සංවිධානය කරමින් සිටී. එයට අනුග්‍රහය සහ දායකත්වය ලබාගැනීම සදහා 2012.03.17 දිනැතිව කැස්බෑව නගරසභාවේ ලිපි ශීර්ෂයෙන් ලක්ෂ්මන් පෙරේරා විසින් ව්‍යාපාරික භවතුන්ට, රාජ්‍ය හා පෞද්ගලික බැංකුවලට, බක් මහ උළෙලේ සහ සහසංගීත සන්දර්ශණයේ වියදම් ඇස්තමේන්තුව යවා ඇත. බැංකුවලින් අවම වශයෙන් ලක්ෂ තුනක්ද සෑම ව්‍යාපාරික ස්ථානයකින්ම රුපියල් 50,000ක්ද ලබාදියයුතු බවද නියමකර ඇත.

දිවයින' පුවත පට්ටපල් බොරුවක් - ඉන්දියාව

ඉන්දියාවේ ස්ථාන කිහිපයක පුහුණුව ලැබූ ත්‍රස්තවාදීන් 150කට ආසන්න පිරිසක් ශ්‍රී ලංකාවට පැමිණ ඇති බවට උපාලි පුවත්පත් ආයතනයේ 'දිවයින' හා 'දී අයිලන්ඩ්' පුවත්පත්හි ඊයේ (02) පළකර ඇති පුවත සම්පූර්ණයෙන් අසත්‍යයක් බව ශ්‍රී ලංකාවේ ඉන්දීය මහ කොමසාරිස් කාර්යාලය නිවේදනයක් නිකුත් කරමින් පවසා තිබේ.

එම පුවත සම්පූර්ණයෙන්ම අසත්‍ය කරුණු මත පදනම්ව නිර්මාණය කරන ලද්දක් බවත් ඒ සම්බන්ධයෙන් ඉන්දීය රජයේ දැඩි අවධානය යොමුව ඇති බවත් එම නිවේදනයේ දැක්වේ. එමෙන්ම පුවතේ සඳහන් කරුණු සම්බන්ධයෙන් ශ්‍රී ලංකාවේ සහ ඉන්දියාවේ ඒ සම්බන්ධයෙන් වගකිවයුතු සියලු ආයතනවලින් විමසීම් කළද එවැනි තොරතුරක් අනාවරණය වී නොමැති බව ඉන්දීය රජය නිකුත් කළ නිවේදනයේ වැඩිදුරටත් දැක්වේ.

අනවශ්‍ය වියදම් කපා හරින්න. ජනපතිගෙන් උපදෙස්.

අනවශ්‍ය වියදම් කපා හරින්න. ජනපතිගෙන් උපදෙස්.

අනවශ්‍ය වියදම් කපා හැර අරපරෙස්සමින් සහ වගකීමකින් රජයේ නිලධාරීන් කටයුතු කළ යුතු බව ජනාධිපති මහින්ද රාජපක්ෂ මහතා පවසනවා. රජයට ලැබෙන ආදායමෙන් දෙගුණයක් වියදම් කරන්නේ රට සංවර්ධනය කර කාර්යක්ෂමව ගෙන යාමට බවයි ජනාධිපතිවරයා කියා සිටියේ. රට එකට වැඩසටහන යටතේ අරලියගහ මන්දිරයේ ඊයේ (02) පැවති රාජ්‍ය නිලධාරීන් දැනුවත් කිරීමේ හමුවකට එක්වෙමින් ජනාධිපතිවරයා ප‍්‍රකාශ කළේ රටට අවශ්‍ය දේ පිටරටින් ගෙනඒමට වඩා රට තුළම නිෂ්පාදනය කිරීමේ හැකියාව පවතින බවයි. නාස්තිය සහ දූෂණය ඉවතලා ජනතා අවශ්‍යතා ඉටුකිරීමට කටයුතු කරන මෙන් ජනාධිපතිවරයා රාජ්‍ය නිලධාරීන්ගෙන් ඉල්ලීමක්ද කළා. අල්ලස, දූෂණය වැනි නීතිවිරෝධී කටයුතුවලට කිසිදු අනුබලයක් ලබා නොදිය යුතු බව අවධාරණය කළ ජනාධිපතිවරයා පරිපාලන ක්ෂේත‍්‍රයේ වගකීම් සාධාරණව ඉටුකිරීමට වගබලා ගන්නා ලෙසද රාජ්‍ය නිලධාරීන්ට දැනුම් දුන්නා.