මහාචාර්ය
බෙල්ලන්විල විමලරතන නාහිමියන්ගේ 'බහුජන හිතාය' දේශනාව සහ ඕමල්පේ සෝබිතගේ 'මරා හිතාය' දේසනාව.!
පූජක වරුන්ට සමාජයේ ඇති ගෞරවය තව දුරටත් තබා ගැනීමට නම් සියළු ආගම්වල පූජක වරුන්ට පාර්ලිමේන්තු මන්ත්රීවරුන් ලෙස පත්වීම වළකාලන සංශෝධනයක් කළ යුතු යැයි ජනාධිපති නීතිඥ විජයදාස රාජපක්ෂ මහතා විසින් මන්ත්රී යෝජනාවක් ගෙන ඒමෙන් පසු එය විකෘති ආකාරයකින් ජාතික හෙළ උරුමයේ චීවරධාරීන් විසින් අර්ථ ගන්වමින් තිබේ. ඔවුන් පවසන්නේ එයින් භික්ෂූන්ට දේශපාලනය කිරීමේ මූලික අයිතිය උල්ලංඝනය වන බවයි. එවැන්නක් එම යෝජනාවේ සඳහන් නොවූවද කබරගොයා තලගොයා කර ගැනීමේ දක්ෂ හෙළ උරුමය එලෙස අර්ථ ගන්වයි. යොජනාවේ සඳහන් වන්නේ සියළු ආගමික පූජක වරුන් සඳහා වන බව හෝ නොසලකයි.
භික්ෂූන් කුමන දේශපාලනයක් දෙසූවද ඔවුන් බුදුරජානන් වහන්සේගේ ධර්මය අනුව ක්රියා කරන්නේ නම් ප්රථමයෙන්ම සංඝයා වෙනුවෙන් බුදුන් දෙසූ 'බහුජන හිතාය, බහුජන සුඛාය' යන පදනමින් පිට පැනිය නොහැක. මේ කාරණාව රටේ ප්රධාන සංඝයා වහන්සේලා දෙදෙනෙක් අද කරන ලද ප්රකාශ දෙකකින් ජනතාවට තේරුම් ගත හැකි වනු ඇත.
මහාචාර්ය ඛෙල්ලන්විල විමලරතන හිමියන් විසින් ප්රජාතන්ත්රවාදය සහ සමාජ සාධාරණත්වය සඳහා වූ සංසදය මගින් 'ජාතික ප්රතිසංධානය සහ සමාජ සාධාරණත්වය' මැයෙන් කොළඹදී අද සංවිධානය කළ සම්මන්ත්රනයකදී මෙසේ පැවසූහ.
