චීන ක්‍රීඩකයා ලංකාවට කියා දුන් පාඩම

15 වැනි ආසියානි කනිෂ්ඨ මලල ක්‍රීඩා උලෙල අවසන් වුවද එහි පසු කතා තවමත් තැන තැන ඇසෙමින් තිබේ. මෙම සිදුවීමද එවන් කතාවකි. ක්‍රීඩාවේ සැබෑ ගුණය මතුවන මෙම සිදුවීම ඇසින් දුටු කිහිප දෙනෙක් එය මාධ්‍ය වල පල නොවුනේ ඇයි දැයි විමතියෙන් කතා කලේය.

පසුගිය දින සුගතදාස ක්‍රීඩාංගනයේ පැවති 15 වැනි ආසියානු කනිෂ්ඨ උලෙලේදී මීටර් 10,000 ඇවිදීමේ තරඟය ආරම්භ විය. ඒ සඳහා ශ්‍රී ලංකාවෙන්ද තරඟ කරුවන් සහභාගී වී සිටියේය. මේ අතරින් පාවහන් යුගලක් නොමැතිව තරඟයට සහභාගී වි සිටියේ ශ්‍රීලංකාවේ ක්‍රීඩකයෙකු පමණි. තරඟය ආරම්භවී වට ගනනාවක් යනවිට පාවහන් නොමැතිව තරඟ වැදුන ශ්‍රී ලාංකික ක්‍රීඩකයා හා තවත් කීප දෙනෙකු පසුබසිනු දක්නට ලැබුණි.

SLPL කණ්ඩායම් මිලදී ගැනීමේ ඇතුල් කතාව

ලබන අගෝස්තු මස 10 වනදා ලංකාවේදී ආරම්භ වීමට නියමිත පන්දුවාර 20 -20 SLPL තරඟාවලියේ කණ්ඩායම් හතම ඉන්දියානු සමාගම් හතක් විසින් මිලදීගෙන තිබේ.

කෙසේ නමුත් මෙම කණ්ඩායම් හතෙන් කණ්ඩායම් දෙකක් මිලදීගෙන ඇත්තේ බුකි කරුවන් ලෙස පෙර චෝදනා ලැබූ අය විසින් බව මේවනවිට නිල නොවන ආරංචි මාර්ග වලින් වාර්තා වේ.

ඉන්දියාවේ කල්කටා නුවර කේන්ද්‍ර කරගනිමින් ව්‍යාපාර කටයුතු වල යෙදෙන මෙම බුකි කරුවන් පසුගිය කාලය තුල ඉන්දියාව තුල පැවති ප්‍රධාන ක්‍රිකට් තරඟාවලියන් මුදලට පාවා දුන් අය බව වාර්තා වේ.

SLPL කණ්ඩායම් හත ඉන්දියානු සමාගම් විසින් මිලදී ගෙන ඇත්තේ ඇමරිකානු ඩොලර් මිලියන 30.1 ආසන්න මුදලකටය. මෙම මුදල බංගලාදේශ ප්‍රිමියර් ලිග් තරඟාවලිය විකිණී තිබු අගයට වඩා වැඩි වුවද ඉන්දියානු ප්‍රිමියර් ලිග් තරඟාවලියේ කණ්ඩායම් වල මුළු අගය වූ ඇමරිකානු ඩොලර් මිලියන 723 හා සැසදීමේදී සුළු මුදලකි.

SLPL කණ්ඩායම් මිලදී ගත් හිමිකරුවන් හා එහි වටිනාකම මෙසේය.

කෝපි කඩේ දයාවතීගේ නඩුව ජුලි මාසයේ

කෝපි කඩේ ටෙලි නාට්‍යයේ ජනප්‍රිය චරිතයක් වන "දයාවතිගේ" චරිතය නිරුපනය කරන සුසිලා කොට්ටේගේ හට මුදල් වංචා කිරීමේ චෝදනාවක් මත මේ දිනවල නඩුවක් විභාග වනවා.

ව්‍යාපාරයක් ආරම්භ කිරීමටයි පෞද්ගලික කළමණාවරියකගෙන් රුපියල් ලක්ෂ පහක් ලබාගෙන වංචා කලයි යන සිදුවීමක් මත සැකකාර ටෙලි නිළිය සම්බන්ධ නඩුව ලබන ජුලි මස 09 වනදා කැඳවීමට නුගේගොඩ මහේස්ත්‍රාත් හා අතිරේක දිසා විනිසුරු අජිත් එම්. මාසිංහ මහතා නියෝග කොට ඇත.

රූපවාහිනිය ඩිජිටල් කිරීමේ කොන්ත‍්‍රාත්තුව බැසිල්ට

ශ‍්‍රී ලංකා රූපවාහිනී සංස්ථාවේ විකාශන කටයුතු මුළුමනින්ම ඩිජිටල් තාක්‍ෂණය ඔස්සේ සිදු කිරීමට මේ වන විට සැලසුම් කර ඇති අතර, රුපියල් කෝටි ගණනක් වූ එම ව්‍යාපෘතිය තමන් අතට ගැනීමට ආර්ථික සංවර්ධන අමාත්‍ය බැසිල් රාජපක්‍ෂ මහතා බලපෑම් කරමින් සිටී.

ජාතික රූපවාහිනිය ඩිජිටල් කිරීමට අදාළ සැලසුම් අධ්‍යයනය කොට වාර්තා කිරීම සඳහා පත් කළ විද්වත් කමිටුව යෝජනා කොට ඇත්තේ ඒ සඳහා DVB-T2 තාක්‍ෂණය ඒ සඳහා යොදා ගත යුතු බවයි. එය ආසියාවේ රටවල්වල පමණක් නොව යුරෝපා රටවල් සියල්ලම පාහේ භාවිතා කරන තාක්‍ෂණයක් හෙයින් එය රූපවාහිනී විකාශන කටයුතු සඳහා යොදා ගැනීම සෑම අතින්ම ප‍්‍රයෝගික මෙන්ම ඵලදායීබව එම විද්වත් කමිටුව නිර්දේශ කර ඇත. ඒ අනුව සැකසුනු අමාත්‍ය මණ්ඩල සංදේශයට කැබිනට් මණ්ඩලයේ ද අනුමැතිය හිමි වී ඇති අතර, මේ වන විට ඒ සඳහා සුදුසු ආයතනයක් තෝරා ගැනීම සඳහා ව්‍යාපෘති වාර්තා කැඳවා තිබේ.

ඊලියන්ත වයිට්ගෙන් ප‍්‍රතිකාර ගෙන හඩ්ඩා රෝහලේ

ජනාධිපති වෛද්‍ය ඊලියන්ත වයිට් මහතාගෙන් ප‍්‍රතිකාර ගත් ශ‍්‍රී ලංකා ගුවන් විදුලි සංස්ථාවේ සභාපති හඩ්සන් සමරසිංහ මහතා පසුගියදා රෝහල් ගත කර ඇත. වයිට් මහතාගෙන් ප‍්‍රතිකාර ගැනීමත් සමග හඩ්සන් මහතාගේ ශරීර අභ්‍යන්තරයේ ලේ වහනයක් සිදු වී ඇති අතර, ජනාධිපතිවරයාගේ නියමයෙන් වහාම ඔහුව ‘ඇපලෝ’ රෝහලට ඇතුළත් කර තිබේ.

දින කිහිපයක් දැඩි සත්කාර ඒකකයේ ප‍්‍රතිකාර ගැනීමෙන් පසු සමරසිංහ මහතා සුවය ලබා ඇතත්, ඔහු මේ වන විටත් සිහිමද ස්වභාවයෙන් පසුවන බව වාර්තා වේ.

'හමුදා ඉඩම් කොල්ලයට' එරෙහිව කිලිනොච්චියේ උද්ඝෝෂණ

ශ්‍රී ලංකා යුද හමුදාව උතුරේ දෙමළ ජනයාට අයත් ඉඩම්වල බලහත්කාරයෙන් පදිංචිවී සිටීම නිසා යුද අනාථයන් යලි පදිංචි කිරීමට මෙන්ම ප්‍රදේශයේ කෘෂිකර්මාන්තයට සහ ධීවර කර්මාන්තයට බාධා පැමිණ ඇති බව උද්ඝෝෂකයෝ පවසති.

බලහත්කාරයෙන් අත්පත් කරගෙන සිටින උතුරේ ඉඩම්වලින් හමුදාව ඉවත් කරගන්නා මෙන් ඉල්ලමින් කිලිනොච්චිය තිරිමුරුකන්ඩි කෝවිල අසල පැවති උද්ඝෝෂණයක් ඇමතූ දෙමළ ජාතික සන්ධානයේ පාර්ලිමේන්තු මන්ත්‍රී මාවෙයි සේනාධිරාජා ප්‍රදේශයේ දෙමළ ජනතාව කෘර අන්දමින් පාලනය කරන බවට හමුදාවට චෝදනාවක්ද එල්ල කළේය.

එල්ටීටීඊ සාමාජිකයන් රඳවා සිටීම අසාධාරණයි - අමාත්‍ය කරුණා

ආයුධ සන්නද්ධව යුද වැදි එල්ටීටීඊ නායකයන් නිදහසේ සිටියදී සුළු චෝදනා ලබා සිටින විශාල පිරිසක් සිරභාරයේ සිටීම අසාධාරණ බව යලි පදිංචි කිරීම පිලිබඳ නියෝජ්‍ය අමාත්‍ය විනයාගමුර්ති මුරලිදරන් (කරුණා) පිළිගත්තේය.

කෙසේ වුවද ශ්‍රී ලංකා ආණ්ඩුව දේශපාලන වාසි ලබා ගැනීම සඳහා එල්ටීටී ඊ රැඳවියන් යොදා ගන්නා බවට එල්ලවන චෝදනාව ඔහු ප්‍රතික්ෂේප කළේය.

බීබීසී දෙමළ සේවයේ ජෙයප්‍රගාශ් නල්ලුසාමි සමඟ සාකච්ඡාවකට එක්වෙමින් අමාත්‍යවරයා එම අදහස් පළකළේ දැනට රැඳවුම් භාරයේ සිටින සියලු එල්ටීටීඊ සැකකරුවන්ට පොදු සමාවක් දෙන මෙන් සිවිල් අධීක්ෂණ කමිටුවේ මනෝ ගනේෂන් පසුගියදා කළ ඉල්ලීම පිළිබඳව ප්‍රතිචාරය පළකරමින්.

පාර්ලිමේන්තුවට ආචාර ධර්ම අවශ්‍යයි - අමාත්‍ය මර්වින්

පාර්ලිමේන්තුව වැනි උත්තරීතර ආයතනයකට ආචාර ධර්ම තිබීම යෝග්‍ය යයි තමා විශ්වාස කරන බව කැබිනට් අමාත්‍ය මර්වින් සිල්වා ප්‍රකාශ කරයි.

කෙසේ වුවත් පාර්ලිමේන්තුවේදී නොමනා අන්දමින් හැසිරෙන, අසභ්‍ය වචන භාවිතා කරන මන්ත්‍රීවරුන්ට දිය යුත්තේ කවර ආකාරයේ දඬුවම් දැයි තීරණය කිරීම නඩුකාරවරුන්ගේ හෝ පාර්ලිමේන්තුවට ආචාර ධර්ම පද්ධතියක් සම්පාදනය කිරීම සඳහා පත්කොට තිබෙන කමිටුවට අයත් කාර්යයක් බවද ඇමතිවරයා කියා සිටියේය.