ගුටි කෑ මේජර්ට දඬුවම් දීමට හමුදාපති නිර්දේශ කරයි

කොළඹ ජායික්‌ හිල්ටන් හෝටලයේදී ඇමති පුතුන්ගේ ප්‍රහාරයකට ලක්‌වූ යුද හමුදා බුද්ධි බළකායේ මේජර්වරයාට හමුදා නීතියට අනුව දඬුවම් නියම කිරීමට අදාළ තම නිර්දේශය එම බළකායේ බළකාධිපති වෙත ඉදිරිපත් කළ බව යුද හමුදාපති ලුතිනන් ජෙනරාල් ජගත් ජයසූරිය පවසා තිබෙනවා.

ඒ අනුව ඔහු හමුදාවෙන් ඉවත් කිරීම හෝ වෙනත් දඬුවමක්‌ නියම කිරීමට හැකි බවත් එයට මේජර්වරයා එකඟ නොවී යුද අධිකරණයක්‌ ඉල්ලා සිටිය හොත් තමා යුද අධිකරණයක්‌ පත්කරන බවයි ලුතිනන් ජෙනරාල් ජගත් ජයසූරිය පවසා තිබෙන්නේ.

රාවණාගේ නැගනිය බව කියනා විශ්ව ශක්තියෙන් අනාවැකි කියනා කාන්තාව

කලින් කලට විවිධ අනාවැකි කරුවන් පහල වෙන අතර විශ්ව ශක්තිය උපයෝගී කරගෙන ලෙඩ සුවකරන්නන්ද පහල වේ.

අනතුරුව ඔවුන් කල මුදල් වංචාවන් හෙළිවීමෙන් පොලිස් අත් අඩංගුවට පත්වන අවස්ථා අප ඕනෑ තරම් අත්දැක ඇත්තෙමු.

තුන් කල් පෙනෙනා ඉන්දියාවේ සිට පැමිණි ශාස්තෘවරයෙකු විවිධ ලෙඩ සුවපත් කරන මුවාවෙන් කාන්තාවන් අතවරයට පත්කර පොලිස් අත් අඩංගුවට පත්වූයේ ඔවුනට තුන්කාල් තබා අරික්කාල් වත් නෙපෙනෙන නිසාය.

විශ්ව ශක්තිය මගින් පිලිකා රෝගය සුව කරන බව ප‍්‍රකාශ කරමින් විශාල මූල්‍ය වංචාවක් සිදු කළ වැලිගම ප‍්‍රාදේශීය සභා මන්තී‍්‍රවරයකුවන ඞී.එන්. දළුවත්තද මීට පෙර අත් අඩංගුවට පත්විය.

මම දැන් පෙම්වතියක්. ඒත් ආදරේ වෙනුවෙන් කිසිම කැපකිරීමක් කරන්න මට බෑ- නදීෂා හේමමාලි

නදීෂා හේමමාලි පිළිබඳව විවිධ පුවත් වාර්තා වුවද ඇය විවාහවීමට යන බවක් මෙතෙක් වාර්තා වුනේ නෑ.

නමුත් ඇය පුවත්පතකට හෙළිකර තිබෙන්නේ ඇය දැන් පෙම්වතියක් බවයි. ඉදිරියේදී විවාහවීමට නියමිත වුනත් ආදරය වෙනුවෙන් කිසිම කැපකිරීමක් කිරීමට ඇයට කළ නොහැකි බවත් පවසා තිබුණා.

ජීවත්වෙන්න ආදරය අවශ්‍යයිද නදීෂා?
මට නම් ජීවත් වෙන්න අනිවාර්යෙන්ම ආදරය ඕනෑ. ආදරය නැතිව ජීවත් වෙන්නේ කොහොමද කියලා හිතාගන්නවත් බෑ.

ආදරය වෙනුවෙන් ඔයාට ඕනෑම කැපකිරීමක් කරන්න පුළුවන්ද?
මට නම් ආදරය වෙනුවෙන් කිසිම කැපකිරීමක් කරන්න බෑ. මම මගේ නිදහස් සියයට සියයක්ම අගය කරන කෙනෙක්. ආදර වෙනුවෙන් මගේ නිදහස වෙනස් කරන්න මට බෑ. ඒකට මම කැමති නෑ.

මාලනී ෆොන්සේකාට යළි මන්ත‍්‍රි පදවිය?

සිය පාර්ලිමේන්තු මන්ත‍්‍රි පදවියෙන් ඉල්ලා අස් වූ මාලනී ෆොන්සේකා මහත්මිය අද (09) යළි කතානායක චමල් රාජපක්ෂ මහතා ඉදිරියේ දිව්රුම් දෙමින් මන්ත‍්‍රි පදවිය භාර ගැනීමට නියමිතය. පසුගියදා අවසන් වූ උතුරුමැද පළාත් සභා මැතිවරණයේ දී එහි හිටපු මහ ඇමැති බර්ටි පේ‍්‍රමලාල් දිසානායක සහ හිටපු ඇමැතිවරයකු වන එස්.එම්.චන්ද්‍රසේන යන මහත්වරුන් අතරේ හටගත් ආරවුල විසඳිමට අත දීමක් වශයෙන් මාලනී ෆොන්සේකා මහත්මිය සිය ඉල්ලා අස්වීමේ ලිපිය රජය වෙත යවා තිබිණ.

පළමු වරට ලංකාවේ මාර්ග වල ඇඳි ත්‍රිමාණ චිත්‍ර

විවිධ දර්ශන ත්‍රිමාණව පෙනෙන පරිදි පාරවල් වල ඇඳීම විදෙස් රටවල සුලභ දෙයක් වුවද ලංකාවට එය අලුත් අත්දැකීමකි.

බත්තරමුල්ලේ වෝටර් එජ් හෝටලය අසල ඇවිදයාමට ඇති මාර්ගයේ ඇති ත්‍රිමාන චිත්‍ර කාගෙත් අවධානය දිනාගන්නා අතර ඒවා ඇඳ ඇත්තේ පහත ලෙසය

20-20 ක‍්‍රිකට් තරගාවලියේදී විනිසුරුන් මුදලට තරග විකුණලා ‘ද හින්දු’ පවසයි

පෙරේදා (07) අවසන් වූ පන්දු 20-20 ලෝක ක‍්‍රිකට් තරගාවලියේ දී ශ‍්‍රී ලාංකීය විනිසුරුවරුන් ඇතුඵවිදේශීය විනිසුරුවරුන් හය දෙනෙකු මුදලට තරග පාවා දී තිබෙන බව අනාවරණය වෙතැයි ඉන්දියාවේ ‘ද හින්දු’ පුවත්පත පවසයි. මෙම පිරිසට ශ‍්‍රී ලංකීය විනිසුරුවරුන් තිදෙනෙක් ඇතුළත් බව එම පුවත්පත පෙන්වා දෙයි. පාකිස්ථානයේ නදීම් ගෞරිස්,ඇනී සිද්ධික් යන විනිසුරුවරුන් මෙලෙස තරග පාවා දී තිබෙන බව ‘ ද හින්දු‘ පුවත්පත පවසයි.

විද්‍යාලෝකයේ නව විදුහල්පති ඇවිත් නෑ. පොලිසිය සීරුවෙන්

කලහකාරී තත්වයක් උද්ගත වීමත් සමඟ පුරා සතියක් වසා දමා තිබූ ගාල්ල විද්‍යාලෝක විදුහලේ අද (08) උදෑසන අධ්‍යාපන කටයුතු යළි ඇරඹුණද නව විදුහල්පති වරයා විදුහලට පැමිණ සිටියේ ‍නැත . පාසලේ කටයුතු සාමාන්‍ය පරිදි පැවැත්වෙනේ දැයි තීරණය කර ෆැක්ස් මඟින් වාර්තා දෙකක් එවන ලෙස අධ්‍යාපන අමාත්‍යාංශය වැඩ බලන විදුහල්පතිවරයාට නියම කර තිබේ. දහවල් 12‍.00 ට හා පස්වරු 2.00 ට මෙම වාර්තා දෙක එවන ලෙස අධ්‍යාපන අමාත්‍යාංශය දැනුම් දී තිබේ. විද්‍යාලෝක විදුහලේ කලහකාරී තත්වයක් ඉකුත් 01 වැනිදා උද්ගත වූයේ රාජ්‍යසේවා කොමිසමේ නියමය පරිදි වැඩ භාර ගැනීමට පැමිණි නව විදුහල්පති බන්දුල ජයසිංහ මහතාට සංවිධානාත්මක පිරිසක් ඉඩ නොදීම හේතුවෙනි.

නදීෂා හේමමාලිගේ නවතම ජායාරූප