උසස් පෙළ විභාගයේ Z අගය නිර්නයකරනු ලැබුවේ ඉන්දීය විශේෂඥයන් පිරිසක්

උසස් පෙළ ප්‍රතිඵල අවුලට ජනධිපති උපදේශක සුනිමල් ප්‍රනාන්දු මහතා මුළුමනින්ම වගකිවයුතු බව අධ්‍යාපන අමාත්‍ය බන්දුල ගුණවර්ධන මහතා කියා සිටී. එහෙත් ඒ සම්බන්ධයෙන් ප්‍රසිද්ධියේ ප්‍රකාශයක් කළහොත් ඛෙල්ල කැපී යන හෙයින් සියලූදෙනාගේ බැනුම් අසමින් නිහඩව සිටීමට තමාට සිදු වී ඇතැයි ද ඔහු සඳහන් කර තිබේ.

පසුගිය දා පැවති උත්සවයකදී උසස් පෙළ ප්‍රතිඵල අවුල පිළිබඳව ඇමතිවරුන් කිපදෙනෙකු කළ විමසීමේදී ඇමතිවරයා ඒ බව සඳහන් කර තිබේ.

කුමාර මහත්තයාගේ බිරිඳ සහ දරුවන් අත්අඩංගුවට

ජනතා විමුක්ති පෙරමුණේ වාම ප්‍රවේශ කණ්ඩායමේ න්‍යායචාර්යවරයා වූ ප්‍රේම කුමාර ගුණරත්නම් නොහොත් කුමාර මහත්තයාගේ බිරිඳ සහ දරුවන් දෙදෙනා ආරක්ෂක අංශ විසින් අද උදැසන කටුනායක ගුවන්තොටුපළේදී අත්අඩංගුවට ගෙන ඇත.

එසේ අත් අඩංගුවට ගෙන ඇති කුමාර මහත්තයාගේ බිරිඳවන වෛද්‍ය චම්පා සෝමරත්න මහත්මිය ගෙන් හා දරුවන් දෙදෙනාගෙන් ආරක්ෂක අංශ මේ වනවිටත් දීර්ඝ වශයෙන් ප්‍රශ්න කර සිටී.

ඉයාස් ලයිව් ඉන් කලම්බෝ 2011 පින්තූර

Photography : Shehan Jude Madushan

කැරලිකරුවන් පලවා හැර සෝමවංස බලය ගනී

අද (01) තිස්සමහරාම දෙබර වැව දී පැවති ජනතා විමුක්ති පෙරමුණේ විශේෂ මහ සමුළුවේදී එම පක්ෂයේ මධ්‍යම කාරක සභාව නියෝජනය කරන ජන අරගල ව්‍යාපාරයේ ක‍්‍රියාකාරී 09 දෙනා ඉවත් කොට නව මධ්‍යම කාරක සභාවක් පත්කරගෙන තිබේ.

එසේ පත් කරගන්නා ලද විසිපස්දෙනකුගෙන් සමන්විත මධ්‍යම කාරක සභාව විසින් සාමාජිකයන් 05න් යුත් දේශපාලන මණ්ඩලයක් තෝරාගෙන තිබේ. ඒ අනුව සෝමවංස අමරසිංහ මහතා පක්ෂයේ නායකයා ලෙසත් ටිල්වින් සිල්වා මහතා ප‍්‍රධාන ලේකම් ලෙසත්, විජිත හේරත් මහතා ප‍්‍රචාරක ලේකම් ලෙසත්, ලාල් කාන්ත මහතා පාලක ලේකම් ලෙසත්, අනුර කුමාර දිසානායක මහතා මුදල් ලේකම් ලෙසත් පත්කරගෙන  ඇත. ටිල්වින් සිල්වා මහතාට ප‍්‍රධාන ලේකම් ධූරයට අමතරව අධ්‍යාපන ලේකම් ධුරයද පිරිනමා ඇත.

මිහින්තල විහාරයේ ප‍්‍රතිසංස්කරණයට බාල දැව

2012 වර්ෂයේ අනුරාධපුරයේ පැවැත්වීමට නියමිත දැයට කිරුළ ප‍්‍රදර්ශනයට සමගාමීව මිහින්තලය විහාරයේ සිදු කැරෙන දැවැන්ත ප‍්‍රතිසංස්කරණ කටයුත්තකදී විහාරයේ පොහොය ගෙය පිළිකර කිරීමට යොදා තිබූ දැව ප‍්‍රමිතියෙන් තොරවීම නිසා ඒවා සියල්ලම ගලවා ඉවත් කරන ලෙස මිහින්තල විහාරයේ විහාරාධිපති ස්වාමීන්වහන්සේ පසුගිය 19වැනිදා නියෝග කිරීමෙන් අනතුරුව එම දැව ගලවා ඉවත් කර දමා ඇත. මෙම ප‍්‍රතිසංස්කරණ සඳහා පුරාවිද්‍යා දෙපාර්තමේන්තුවෙන් ටෙන්ඩර් කැඳවා දැව සැපයීම සඳහා මහනුවර ප‍්‍රදේශයේ ටෙන්ඩර්කරුවකුට ටෙන්ඩර් ලබාදී ඇති නමුත් මිහින්තලය විහාරයට සපයා ඇත්තේ අනුරාධපුර ප‍්‍රදේශයේ දැව ජාවාරම්කරුවන් විසින් කපන ලද දැවය. එම අමු දැව ගෙනැවිත් විහාර භූමිය තුළ දී ඉරා විහාරයේ පිළිසකර කිරීම සඳයා යොදාගෙන ඇත්තේ අමු දැවය. 

කි‍්‍රකට් නිලවරණය ජනාධිපති අතට ගනී

ශ‍්‍රී ලංකා ක‍්‍රිකට් නිලවරණය මෙහෙයවීම මේවනවිට ජනාධිපති මහින්ද රාජපක්ෂ මහතා අතට ගෙන තිබේ. ශ‍්‍රී ලංකා ක‍්‍රිකට් නිලවරණයට සුදුසුකම් ලබා ඇති පුද්ගලයින්ගේ නාම ලේඛනය පවා සංශෝධනය කර ඇති ජනාධිපතිවරයා, නාමයෝජනා භාරදී ඇති කීප දෙනකුට ඉල්ලා අස්වන ලෙස ද නියෝග කර තිබේ.

මෙම නිලවරණය සඳහා ඡුන්දය ලබාදීමට සුදුසුකම් ලබා ඇති දිස්ත‍්‍රික් ක‍්‍රීඩා සංගම්වල සන්ධාන ආණ්ඩුවේ මැති ඇමැතිවරුන් පසුගිය 29වන දා කැදවාගෙන ඇති ජනාධිපතිවරයා, තමා නම්කරන පුද්ගලයින් දිනවීමට කටයුතු කරන ලෙස දැනුම් දී ඇත.

උගත් පාඩම් කොමිසමේ නිර්දේශ කුණු බාල්දියට

උගත් හා පාඩම් ප‍්‍රතිසන්ධාන කොමිසමේ නිර්දේශ කි‍්‍රයාත්මක කිරීමෙන් මග හැර සිටීමට ජනාධිපති මහින්ද රාජපක්‍ෂ මහතා තීරණය කර තිබේ.

ආරක්‍ෂක ලේකම් ගෝඨාභය රාජපක්‍ෂ මහතා සහ ඔහුගේ උපදේශකයන් කිහිප දෙනෙකු විසින් කරන ලද දැඩි බලපෑම් හමුවේ ජනාධිපතිවරයා එම තීරණය ගෙන ඇත.

යාපනය සරසවියට මරණ තර්ජන

දෙසැම්බර් 16වන දින යතුපැදිවලින් පැමිණි පිරිසක් යාපනය විශ්වවිද්‍යාලයේ ආචාර්යවරුන්ට හා සිසුන් කිහිපදෙනෙකුට මරණීය තර්ජන එල්ලකරමින් "අවසාන නිවේදනයක්" ලෙස පෝස්ටරයක් අලවා ගොස් ඇතැයි 'අපි ශ්‍රී ලාංකිකයෝ' සංවිධානය ප්‍රකාශ කරයි.