සීත කාලයට ආයුබෝවන් කියා වසන්තය කරා පිය මනින ජිනීවාහි උෂ්ණත්වය ක්රමයෙන් ඉහළ යමින් තිඛෙන්නේ හරියට මානව හිමිකම් කවුන්සිලයේදි ශ්රී ලංකාව පිළිබඳ ඉහළ යන උණුසුමට හරි හරියට මෙන් ය. එළඹෙන සතියෙහි බදාදා හෝ බ්රහස්පතින්දා ශ්රී ලංකාව පිළිබඳ යෝජනාව ජන්දයට ඉදිරිපත් කැරෙනු ඇත.
දැන් සියළුම රටවල් සිය තීරණයන්ට එළඹී අවසාන යැයි කියනු ලැබේ. මා පෙර සතියේ ලියූ පරිදි තවමත් වැඩි වාසිය තිඛෙන්නේ ශ්රී ලංකාව පිළිබඳ යෝජනාව සම්මතවීමට ය.
යෝජනාවේ හරය වන උගත් පාඩම් කොමිසමේ නිර්දේශ තමන් විසින් දැනටමත් ක්රියාත්මක කරන්නට පටන් ගෙන ඇතැයි ශ්රී ලංකාණ්ඩුව පපුවේ දෑත් ගසමින් දිව්රමින් කියන්නේ අප එළෙස කරන බැවින් මේ යෝජනාව මොන එහෙකට ද කියා ය.
එකී උගත් පාඩම් කොමිසමේ නිර්දේශයන්හි ඉතාම වැදගත් හරයක් වන්නේ යහ පාලනය ඇති කිරීමේ අවශ්යතාවය අවධාරණය කිරීමයි. නිදසුනක් මෙසේ ය:
