ඇමරිකානු බලවතා ඉදිරියේ ජිනීවා මානව හිමිකම් සමුලූවේදී ශ්රී ලංකාව ‘හොද සටනක්’දී ඇමරිකාවට අභියෝග කිරීම සමරමින් දින 7ක් පුරා සෑම ස්ථානයකම ජාතික කොඩි ඔසවා තබන්නැයි අමාත්ය ඩලස් අලහප්පෙරුම මහතා පෙරේදා (22) කළ ප්රකාශය ආණ්ඩු පක්ෂයේ මැති ඇමතිවරුන්ගේම හාස්යයට ලක්වී තිබේ.
රජයේ හා පෞද්ගලික ආයතනවල ජාතික කොඩි උසවා තබන ලෙසත්, සෑම නිවසකම වාහනයකම ජාතික කොඩි සවිකරන ලෙසත් අලහප්පෙරුම අමාත්යවරයා මාධ්ය හරහා ජනතාවගෙන් ඉල්ලීමක් කළේය. ඇමතිවරයා එම ඉල්ලීම සිදුකොට ඇත්තේ ජනාධිපතිවරයාගේ අදහසක් අනුවය.
ජනීවා සමුලූවේදී ‘එක ලකුණකින්’ පමණක් පරජය වී ඇතැයි කියමින් තවදුරටත් ජනතාව රැවටිය නොහැකි බව ප්රසිද්ධියේ ප්රකාශ කොට ඇති ඇමතිවරුන් කිහිප දෙනෙකු, ‘‘මහ එකා කීවත් අපිනම් කොඩි දාන්නේ නැතැයි’’ පවසා තිබේ.
