අධිකරණය යළි ස්වාධීන කළ යුතු බවට ශ්රේෂ්ඨාධිකරණ විනිසුරුවන් ඇතුළු ජ්යෙෂ්ඨ නීතිවේදීන් ගෙන් අගවිනිසුරු ආචාර්ය ශිරානි බණ්ඩාරනායක මහත්මියට එල්ලවී ඇති බලපෑම් හමුවේ, ඇය තම දේශපාලන නියෝග ඉටුකිරීම පැහැර හැරෙනු ඇතැයි ජනාධිපතිවරයා දැඩි ලෙස බියට පත්ව සිටින බව ජනාධිපති ලේකම්කාර්යාල ආරංචි මාර්ග වාර්තා වේ.
අධිකරණය කෙරෙහි ජනතාව තුළ පවතින විශ්වාසය දිනෙන් දින බිඳවැටෙමින් පවතින හෙයින්, නොපමාව අධිකරණයේ, අපක්ෂපාතී බව සහ යුක්ති සහගත භාවය ජනතාව තුළ යළි තහවුරු කරන ආකාරයෙන් ඉදිරි මාස කිහිපය තුළ කටයුතු කිරීමේ වැදගත්කම එකී ශ්රේෂ්ඨාධිකරණ විනිසුරුවන් විසින් අගවිනිසුරුවරියට පැහැදිලි කර දී ඇත. එසේම එවැනි තීරණවලට එරෙහිව අගවිනිසුරුවරියට දේශපාලන බලපෑම් පැමිණියෙහොත් ඊට විරුද්ධව සමස්ත නීති ක්ෂේත්රය පෙළ ගස්වන බවට ජ්යෙෂ්ඨ නීතිඥවරුන්ද ඇයට පොරොන්දු වී තිබේ.
