පොළවෙන් අහසට ඇදුනු ගින්දර ටොනේඩෝව

පසුගියදා ඕස්ට්‍රේලියාවේ අමුතුම ආකාරයේ ටොනේඩෝවක් දක්නට ලැබී තිබෙනවා. ඒ අඩි 100ක් පමණ උසට ගිණි දැල් අහසට ඇදී යන අයුරුයි.

විනාඩි 40ක් පමණ දර්ශනය වූ මෙම ගිණි ටොනේඩෝව වීඩියෝ කර තිබෙන්නේ එම ප්‍රදේශයට ගොස් තිබූ චිත්‍රපට අධ්‍යක්ෂකවරයෙකු විසිනි.

ඔහු එම ප්‍රදේශයට ගොස් තිබෙන්නේ ඔහුගේ නවතම චිත්‍රපටයට සුදුසු දර්ශන පසු තල සෙවීම පිණිසය.

ඔවුන් සිටි ස්ථානයට මීටර් 300ක් පමණ දුරින් මීටර් 30ක් පමණ උසට ජෙට් යානයක් ගමන් කරන විට නඟන හඬට සමාන හඬක් නඟමින් මෙම ගින්දර ටොනේඩෝව ක්ෂණිකව ඇතිවී තිබෙනවා.

මාධ්‍යයට වසන් වූ බ්ලේඩ් චොක්ලට් නිෂ්පාදක සමාගම

චොක්ලට් වර්ගයක බ්ලේඩ් තලයක් තිබී එය අනුභව කළ පුද්ගලයකුගේ සිරුර තුළට යෑමෙන් බරපතළ කැපීම් සහිත තුවාල ඇතිවී ම නිසා රෝහල්ගත කැර තිබේ.

මෙම අවාසනාවන්ත සිදුවීමට මුහුණපා තිබුනේ පාරිභෝගික අධිකාරියේ ප්‍රධාන පරිගණක නිලධාරියාය.

ඔහු පසුගිය 20 වනදා රාත්‍රියේ මිනුවන්ගොඩ ප්‍රසිද්ධ සුපිරි වෙළෙඳ සලකින් චොක්ලට් එක මිලදී ගෙන තිබේ.

නිවසේ දී දරුවන්ට ද බෙදා ඔහුද ඉන් කොටසක් අනුභව කැර ඇත. එහි තිබූ බ්ලේඩ් තලය කැඩී ඉන් කොටසක් ගිලුන අතර ඉතිරි කොටස දත්වල රැඳී තිබේ. අනතුරුව ඔහු දැඩි වේදනාවට පත් කරමින් බ්ලේඩ් තලයේ කොටස් සිරුර පුරා ගමන් කර තිබේ.

රාවනා ඇල්ල රක්ෂිතයෙන් ඉපැරණි උමගක් හමුවෙයි

බදුල්ල දිස්ත්‍රික්කයේ ඇල්ල ප්‍රාදේශීය ලේකම් කොට්ඨාසයට අයත් කරදගොල්ල උඩකිරින්ද ග්‍රාමයේ ගල්පර්වතයක් යට මෙතෙක් හමුනොවූ අපුරු උමගක් හමුවී තිබේ. දර කඩා ගැනීමට ගිය ප්‍රදේශවාසීන් විසින් මෙය සොයාගෙන ඇත. 

මෙම උමගට කුඩා කටක් සහිත බාධකයකින් හෙබි උමං දොරෙන් ඇතුළුවීමට සිදුවෙයි. ටික දුරක් ගියපසු අඩි 15 ක් උස උමං මගක් හමුවෙයි. තවත් දුර ගියපසු බඩගාගෙන යායුතු ස්ථානයක් හමුවන අතර, දැඩි අඳුරක් පවතින මෙම උමං මගේ ගමන් කරන විට වවුලන්ගෙන් දැඩි බාධා එල්ලවෙයි. 

සමහර තැන් අඩි 15ක් පමණ උස කාමර ලෙසින් නිර්මාණය වී ඇති එම උමං මාර්ගයේ ටික දුරක් ගියපසු උමග තුලට නොපෙනෙන කවුළුවකින් සීතල දැනෙයි. 

අඟහරුලොවේ විකිරණ වලට බයේ ෆෝන් එක ඕෆ් කරන්න එපා

මේ දිනවල ලංකාවේ බොහෝ දෙනා අතර කෙටි පණිවුඩ ඔස්සේ භයානක අනතුරක් ගැන ඉඟි කරමින් පවතී.

එහි කියවෙන්නේ අඟහරු ලොවේ අහිතකර විකිරණ අද දිනයේ මධ්‍යම රාත්‍රියේ පෘතුවියේ වායුගෝලයට ඇතුළුවන හෙයින් ඔබේ ජංගම දුරකථනය ක්‍රියාවිරහිත කර තබන ලෙසයි.

මෙහි මුලාශ්‍රය ලෙස දක්වා ඇත්තේ නාසා හා බි.බි.සි පුවත් සේවයයි. මෙය 2008 සිට ලෝකය පුරා කරක් ගැසූ අංක එකේ බොරුවකි.

බැංකු ණය ගෙවන්න සැමියා දුන් මුදල් බිරිය යටි මඩි ගසා ඉඩමත් අහිමි වෙයි

බැංකු ණය ගෙවීමට සැමියා මාසිකව දුන් මුදල් පස් වසරක් තිස්සේ යටිමඩි ගැසූ බිරියක නිසා දේපළ ඉඩකඩම් වෙන්දේසියේ විකිණීමට යාමේ පුවතක් මීරිගම ප‍්‍රදේශයෙන් වාර්තා වේ.
සැමියා හමුදාවේය. පුලස්තිපුර පැත්තේ තරුණියක සමග ඔහු විවාහ වූයේ කලකට පෙරය. පියාගේ නිවසේ දෙදෙනා පදිංචි වූවත් දරුවා ලද පසු වෙනම නිවසක් අවශ්‍ය බව බිරිය නිතර සැමියාට කීවාය.
සැමියා ණය මුදලක් ලබා ගන්නට සමුපකාරයේ පිහිට පැතීය. ඉඩමේ අයිතිය තමන්ට නැති කමින් ණය ගැනීමේ අදහස පසුවට කල් තැබූවත් පියා ඉඩම පරවා දුන්නේය.
අනතුරුව ඉඩම ඇපයට තබා ගත් ණය මුදලින් නව නිවස හැදීම ඇරැඹිණි. නිවස ටිකෙන් ටික ඉදිවෙද්දී සැමියා මාසිකව බිරිය අත මුදල් තැබූයේ ණය වාරිකය ගෙවන්නටය.

බණ්ඩාරවෙලට හා දියතලාවට වැටුණු අයිස් වැස්ස

දියතලාව, බණ්ඩාරවෙල හා කහගොල්ල ප‍්‍රදේශවලට පසුගියදා අයිස් වැස්සක් ඇද හැලී තිබෙනවා

විශාල සුළඟක් සමග මෙම අයිස් වැස්සත් ඇද හැලී ඇති අතර අඟල් භාගයක් පමණ වූ අයිස් කැට එ අසමඟ වැටී තිබෙනවා.

මුළින්ම පැය භාගයක් පමණ අයිස් වැස්ස දියතලාවට වැටී ඇති අතර තිබෙන අතර අනතුරුව අයිස් වැටීම ආරම්භ වී තිබෙන්නේ බණ්ඩාරවෙල නගරයටයි.

අඟහරු මතුපිට සිට ඇසුණු ගී හඬ

ඇමෙරිකාවේ නාසා ආයතනය මගින් අඟහරු ග්‍රහයා මතුපිට ගවේෂණය කිරීම සඳහා 2011 නොවැම්බර් 26 වැනි දින යවන ලද කියුරියෝසිටි නම් යානය බෙහෝ දෙනකු බලා‍පොරොත්තු වූ පරිදි අඟහරු ග්‍රහයා මතුපිට සාර්ථක ලෙස ගොඩබැසීමට සමත්විය.

ඒ පසුගිය අගෝස්තු මස ආරම්භයේදීය. අනතුරුව ලොව සියලු දෙනාගේ අවධානය යොමුවූයේ කියුරියෝසිටි ඊළඟට කුමක් කරනු ඇත්දැයි කියාය. ඒ අනුව කියුරියෝසිටි නම් මෙම රොබෝමය යානාව මගින් අඟහරු ග්‍රහයා මතුපිට ඇති පස් සාම්පල් පරීක්ෂා කෙරෙනු ඇතැයිද සඳහන් වේ. නමුත් වඩාත් සිත් ගන්නා සුළු කාර්යය එය නොවේ. කියුරියෝසිටි යානයේ තාක්ෂණයේ සහය ඇතිව කිසිදු ජීවියෙකුගෙන් තොර මෙම ග්‍රහලෝකයේ සිට ගීත ගායනයක් පෘථිවියට ඇසීමට සැලස්වීම නාසා ආයතනයේ තවත් එක් අභිප්‍රායක්වී තිබුණි.
එසේ කිසිදු ජීවියෙකුගෙන් තොර රතු ග්‍රහයා මත සිට ගී ගැයීමට යන්නේ කවරෙකුදැයි ඔබ සිතනු ඇත.

උඹ බර්ටිට නේද උදව් කළේ කියමින් විහාරාධිපතිට බිම දමාගෙන පහර දෙයි

හොරොව්පතාන , ඉහළදිවුල්වැව ශ්‍රී ජිනරතනාරාමයේ විහාරාධිපති ඉහළ දිවුල්වැවේ විමලවංශ හිමියන්ට ඊයේ (24) රාත්‍රි 9.30 ට පමණ එම විහාරස්ථාන බිමේ දී මැර ප්‍රහාරයක් එල්ල වී තිබේ. විමලවංශ හිමියෝ ඉහළ දිවුල්වැව විදුහලේ ගුරුවරයෙක් වශයෙන් කටයුතු කරන අතර හොරොව්පතාන ප්‍රාදේශීය සභාවේ මන්ත්‍රිවරයෙක් ද වෙති. ඊයේ (24) සවස 5.30ත් 6ත් අතර මෙම විහාරස්ථානයට කිසියම් පිරිසක් පැමිණ රතිඤ්ඤා පත්තු කරන්නට පටන් ගෙන ඇත. එම පිරිස අතරේ කපුගොල්ලෑවේ සිදු වූ මිනිමැරුම් සිද්ධියක් සම්බන්ධයෙන් අනුරාධපුර මහාධිකරණයේ අධිචෝදනා ලැබ සිටින ප්‍රදීප් සඳරුවන් නැමැත්තා ද සිටින බව හිමියෝ හදුනා ගෙන ඇත. මොහු සිවිල් ආරක්ෂක බලකායේ හිටපු සෙබළෙකි. මිනිමැරුම් සිද්ධියත් සමග ඔහුගේ සේවය අත්හිටුවා තිබේ.