චිත්රපට හා ටෙලි නාට්ය අධ්යක්ෂවරයෙකු මෙන්ම, නිෂ්පාදකවරයෙකුද වන ආනන්ද අබේනායක මහතා ජනාධිපතිවරයාගේ බලතල අතට ගෙන රාජ්ය මාධ්ය ආයතන ප්රධානීන්ටද බලපෑම් කරමින් සිටින බව වාර්තා වේ. පසුගියදා රජයේ අයි.ටී.එන්. රූපවාහිනී නාලිකාවේ ප්රධානීන්ටද මොහුගෙන් තර්ජන එල්ල වී ඇත.
කලාකරු ආනන්ද අබේනායක මහතාගේ දියණිය වන යසාරා මෙනවිය, ජනාධිපති පුත් යෝෂිත රාජපක්ෂ මහතාගේ පෙම්වතියයි.
ආනන්ද අබේනායක මහතා අයි.ටී.එන්. ප්රධානීන්ට බලපෑම් කොට ඇත්තේ, ඔහුගේ ටෙලි නාට්යයක කොටස් ගණන 100 කට වඩා වැඩි කළ යුතු බවට යෝජනා කරමිනි. මෙගා ටෙලි නාට්යයක උපරිම කොටස් ගණන 100 කට සීමා කළ යුතු බවට ‘ටෙලිනිස’ (ටෙලි නිර්මාණවේදීන්ගේ සංසඳය) රූපවාහිනී නාලිකාවලට දිගින් දිගටම කළ බලපෑම් හමුවේ අයි.ටී.එන්. හි අධ්යක්ෂ මණ්ඩලය තම ආයතනය මගින් විකාශය කෙරෙන ටෙලි නාට්යවල උපරිම කොටස් ගණන සියයකට සීමා කර තිබිණ. ටෙලි නාට්යයක කොටස් ගණන 100 කට වඩා නොවිය යුතු බවට යෝජනා කරන සමයේ ටෙලිනිස සභාපතිවරයාව සිටියේ ආනන්ද අබේනායක මහතාය.
