මෙම යෝජනාව ඉල්ලා සිටින පරිදි උගත් පාඩම් කොමිසමේ නිර්දේශයන් වන ස්වාධීන පොලිස් කොමිසමක් පත් කිරීම, ස්වාධීන මහජන සේවා කොමිසමක් පත් කිරීම, අතුරුදහන්වීම් පිළිබඳ සොයා බැලීමට විශේෂ කොමසාරිස්වරයකු පත් කිරීම, දෙමළ ජනතාවගේ ප්‍රශ්නවලට දේශපාලන විසඳුමක් සැපයීම පිළිබඳ දේශපාලන එකඟතාවයක් ගොඩනගා ගැනීම, උතුරුකරය නිර්-මිල්ටරිකරණය කිරීම, පොලිස් සේවාව ආරක්ෂක අමාත්‍යාංශයෙන් ඉවත් කිරීම යන ආදී යෝජනා ක්‍රියාත්මක කිරීම මගින් රාජපක්ෂ පාලනයට මරණී තත්ත්වයක් ඇතිවන බව දේශපාලන විශ්ලේෂකයන්ගේ මතයයි.
විවිධ දේශපාලන කණ්ඩායම් මත රඳාපවතමින් ඔවුන් එකිනෙකා සමඟ කොටවමින් සිය පවුලේ ආධිපත්‍ය තහවුරු කර ගැනීම පිණිස රාජපක්ෂ පාලනය කරගෙන යන ක්‍රියාදාමය මෙම යෝජනා මගින් ප්‍රබල අභියෝගයකට ලක් කරයි. අදින් ඇරඹෙන කාලය තුළ තවත් දුර්වලවන රාජපක්ෂ පාලනය සැබැවින්ම මෙම යෝජනා ක්‍රියාත්මක කිරීමට අසමත් වනු ඇති බවත්, එබැවින් දේශීය සහ ජාත්‍යන්තර වශයෙන් උත්සන්න වන පීඩනයන්ට මුහුණ දීමට එයට සිදුවනු ඇති බවත් යන්න දේශපාලන අංශවල අදහස වේ.
Source - lankanewsweb.com
