පාරවල්වල හරස්පාර - ආචාර්ය වික්‍රමබාහු කරුණාරත්න

මහින්ද ජනාධිපති තුමා කියල තියෙනව පලාත් සභා වලට පොලිස් බලතල දුන්නොත් එයාට ඛෙන්තර ගෙඟන් එහාට යන්න බැරි වෙයි කියල. මේ කියන්නෙත් ඛෙන්තර ගෙඟන් එහා කෙනෙක් නිසා මේ කථාව ලූනු ඇඹුල් එක්ක සළකල බලන්න වෙනව.

මිනිහා ඛෙන්තර ගෙඟ් ඉඳල හුගක් ම ඈත දකුණෙ අන්තිම කොනේ කෙනෙක් නිසා වැඩියෙන් ම පරිස්සම් වෙන්න ඕනා. මගේ අම්ම ඒ දවස් වල අපට කියල දුන්නේ ඒ විදියට.

ආණ්ඩුවට එරෙහි විරෝධතාවය වැලැක්වීමට බෝම්බ භීතිකාවක්

ජෙනරාල් සරත් ෆොන්සේකා බලහත්කාරී ලෙස සිරගත කොට හෙට දිනට (08) වසර දෙකක් සැපිරීම නිමිත්තෙන් අලූත්කඬේ අධිකරණ සංකීර්නය අසල දැවැන්ත විරෝධතාවයක් පැවැත්වීමට විපක්ෂය කටයුතු යොදා තිබියදී, අධිකරණ සංකීර්ණය අසලින් බෝම්බ 9ක් සොයාගත් බවට ආරක්ෂක අමාත්‍යාංශය අද පෙරවරුවේ සිට භීෂණයක් මවාපාමින් සිටී.

ජනාධිපතිගේ තවත් විදෙස් සගයෙක් ඉවතට

ජනාධිපති මහින්ද රාජපක්‍ෂ මහතාට හිතවත් විදේශ මිතුරන් කිහිප දෙනාගෙන් අයෙකු වූ මාලදිවයින් ජනාධිපති මොහොමඞ් නෂීම් මහතාට ජනාධිපති ධූරයෙන් ඉල්ලා අස්වීමට සිදුවී තිබේ.

මාලදිවයින් ජනාධිපතිවරයා තම බලතල යොදාගනිමින් පසුගිය කාලයේ සිදුකළ ප‍්‍රජාතන්ත‍්‍ර විරෝධි ක‍්‍රියාමාර්ගයන්ට එරෙහිව විපක්ෂයෙන් මතුවූ දැවැන්ත බලපෑම් හමුවේ මොහුට ඉල්ලා අස්වීමට සිදුවී තිබේ.

මොහොමඞ් නෂීම් මහතා මේ වනවිට එරට හමුදාවේ රැකවරන යටතේ සිටි.
ජනාධිපති මහින්ද රාජපක්‍ෂ මහතාගේ සමීපතම මිතුරෙකුව සිටි ලිබියානු හිටපු රාජ්‍ය නායක ගඩාෆි මහතාව එරට ජනතාව විසින් මරාදමනු ලැබීය.

විවෘත කර තිබූ චාවකච්චේරිය රෝහල ජනාධිපති නැවත විවෘත කරයි

විදෙස් මුල්‍ය අධාර මත ඉදිකරන ලද චාවකචිචෙරිය රෝහල ජනපති විසින් ඊයේ (06)  දින යළි විවෘත කෙරුණි.

පින්ලන්ත රජයෙහි රතු කුරුස සංවිධානය හා අයිරිස් රජයේ  මුදල් ආධාර මත ඉදිකළ මෙම රෝහලේ ගොඩනැගිළි සියල්ල පසුගිය මාස තුනකට පෙර රෝහලට භාරදී තිබුණි.

මාස තුනකට පෙර එම ගොඩනැගිලි සියල්ල රෝහලට භාරදෙන අවස්ථාව සනිටුහන්විම සදහා ඉදිකර තිබු සමරු පලකය ඉවත්කර,  ජනාධිපති මහින්ද රාජපක්ෂ, සෞඛ්‍ය අමාත්‍ය මෛත්‍රීපාල සිරිසේන,අමාත්‍ය ඩග්ලස් දේවානන්දා සහ උතුරු පළාත් ආණ්ඩුකාර චන්ද්‍රසිරි යන ප්‍රභුවරුන්ගේ නම් කෙටූ නව සමරු ස්මාරකයක් ඊයේ  නිරාවරණය කරනු ලැබ තිබේ.

කෙහෙළියගේ තත්ත්වය අවදානම්

ඊයේ (06) උදෑසන ඔස්ටේ‍්‍රලියාවේ මෙල්බර්න් නුවර හෝටලයකදී තුන්වන මහලේ සිට ඇද වැටී ඇති තොරතුරු සහ ජනමාධ්‍ය අමාත්‍ය කෙහෙළිය රඹුක්වැල්ල මහතාගේ තත්ත්වය මේ වනවිට අවදානම් මට්ටමක පවතින බව අපගේ ඔස්ටේ‍්‍රලියානු ආරංචි මාර්ග සඳහන් කරයි.

ශ‍්‍රීලනිප මූලස්ථානය හොර රහසේ අගුපිලකට ගෙන යයි

හැත්තෑව දශකයේ ආරම්භයේ සිට කොළඹ 10, ඩාලි පාරේ (ටී.බී. ජයා මාවත) අංක 301 ස්ථානයෙහි පිහිටි මහල් පහකින් යුතු දැවැන්ත ගොඩනැගිල්ලක් තුළ පවත්වාගෙන ආ ශ‍්‍රී ලංකා නිදහස් පක්ෂ මූලස්ථාන කාර්යාලය එම ස්ථානයෙන් වෙනත් ගොඩනැගිල්ලකට ගෙන යෑමට එම පක්ෂයේ නායක ජනාධිපති මහින්ද රාජපක්ෂ මහතා තීරණය කර ඇත.

ඒ සඳහා  දැනට පක්ෂ මූලස්ථානයේ පිහිටි ගොඩනැගිල්ලට යාබදව පිහිටි තෙමහල් ගොඩනැගිල්ලක් ලක්ෂ හතරක මාසික කුලියට ලබාගෙන ඇත. ඒ සඳහා වසර තුනක කුලී එකවර ගෙවීමටද එකඟවී තිබේ. මෙම ගොඩනැගිල්ල තුළ මීට ඉහත දී රතු කුරුස සංවිධානයේ කාර්යාලය ස්ථාපිත කර තිබිණ. මෙම ගොඩනැගිල්ල ආරක්ෂක ලේකම් ගෝඨාභය රාජපක්ෂ මහතාගේ බිරිඳගේ සමීපතම ඥාතියකුට අයත්වේ. 

ෆොන්සේකා නිදහස්කරන බවට ජී.එල් ගෙන් සහතිකයක්

සිරගතකොට සිටින හිටපු යුද හමුදාපති ජනරල් සරත් ෆොන්සේකා මහතා ළඟදීම නිදහස් කිරීමට ජනාධිපතිවරයා තීරණය කර ඇති බවත්, ඒ සඳහා ආරක්ෂක ලේකම් ගෝඨාභය රාජපක්ෂ මහතාද එකඟත්වය පල කර ඇති බවත් විදේශ කටයුතු අමාත්‍ය මහාචාර්ය ජී.එල්. පීරිස් මහතා මෙරට සිටින තානාපතිවරුන් කිපදෙනෙකුට ප්‍රකාශ කර තිබේ.

ජගත් මානව හිමිකම් කවුන්සිලයෙන් මෙවර තර්ජනයක් නැහැ - ජී.එල්.

ලබන 27වනදා ජිනීවාහී පැවැත්වෙන ජගත් මානව හිමිකම් කවුන්සිලයෙන් ශ්‍රී ලංකාවට එතරම් බලපෑම් එල්ල නොවනු ඇති බව විදේශ කටයුතු අමාත්‍ය ජී.එල්. පීරිස් මහතා ප්‍රකාශ කරයි. ජිනීවා සමුළුව සම්බන්ධයෙන් කරුණු දැනගැනීම සඳහා ඇමතිවරු කිහිප දෙනකු ඔහු හමුවූ අවස්ථාවේදී එසේ ප්‍රකාශ කර ඇත.

ඒ සම්බන්ධයෙන් වැඩිදුරටත් කරුණු දක්වා ඇති ජී.එල්. පීරිස් මහතා, ජගත් සංවිධාන මානව හිමිකම් කවුන්සිලයට ඇමරිකාව විසින් ඉදිරිපත් කිරීමට නියමිත යෝජනාවෙහි සැරබාල කර ගැනීමට ශ්‍රී ලංකා රජයට හැකියාව තිඛෙනබවද සඳහන් කර තිබේ.

දේශපාලඥයන් ළඟ සිටින පාතාල සාමාජිකයන් සොයා මෙහෙයුමක්

දේශපාලඥයින්ගේ රැකවරණය යටතේ සිටින පාතාල සාමාජිකයන් විනාශ කර දැමීමේ මෙහෙයුමක් ලබන සතියේ ආරම්භවීමට නියමිත බවත්, අදාළ පාතාල සාමාජිකයන්ගේ සියලූ තොරතුරු මේවනවිට රාජ්‍ය බුද්ධි සේවය විසින් සොයා ගෙන ඇති බවත් අප වෙත වාර්තාවේ.

මසකට එක බැගින් විදේශීය කතුන් දූෂණයට

ලංකාව තුළ ස්ත්‍රී දූෂණ ප්‍රමාණය දිනෙන් දින ඉහල යමින් පවතිනවා. පසුගිය වසරේ මුල් මාස 11 තුළදී පමණක් වාර්තා වූ ස්ත්‍රී දූෂණ ප්‍රමාණය 1,636ක් වන අතර එය දිනකට 5ක් පමණ වන තත්ත්වයකි.

ලංකාව තුළ පසුගිය කාලයේ සිදුවූ ස්ත්‍රී දූෂණ දෙස බැලූ විට බොහොමයක් වයස 18ට අඩු පාසැල් යන වයසේ ළමයින් වන අතර ඒවා බොහොමයක් සිදුවී තිබුනේ මාමා, බාප්පා, පියා වැනි පවුලේම අයෙකුගෙනි.

පොදු සමාව යටතේ නිදහස් ව පැමිණි පියෙකු තම දියණිය කැළයට ඇදගන ගොස් රැය පහන් වනතුරු දූෂණය කළ පුවතක්ද පසුගිය දෙසැම්බර් මාසයේ වාර්තා වුන අතර අවිස්සාවේල්ලේ දැරියකට විටින් විට 35 දෙනෙක් අතවර කර ඇති සිද්ධියක්ද පසුගිය ඔක්තෝබර් මාසයේ වාර්තා වුණා.

ඇමති කෙහෙළිය හදිසි අනතුරක

12:48 pm
සුව වූ ගමන් ලංකාවට එනවා  - කෙහෙළිය 
තමා සුව වූ විගස ලංකාවට පැමිණෙන බව කෙහෙළිය රඹුක්වැල්ල අමාත්‍යවරයා ප්‍රකාශකර සිටිනවා.
අමාත්‍යවරයා නැවතී සිටි හෝටලයේ බැල්කනියෙන් ඇද වැටී ආබාධයට ලක්වූ අතර අමාත්‍යවරයාගේ දෙපා වලට සැත්කම් දෙකක් සිදුකොට ඇත.


11:13am
කෙහෙළියට සැත්කම් දෙකක් 
හෝටලය තුල සිදුවූ ඇදවැටීම හේතුවෙන් තුවාල ලැබූ අමාත්‍යවරයාට මේවනවිට සැත්කම් දෙකක් සිදුකල ඇති බවත් තත්වය එතරම් බරපතල නොවන බවත් අප වෙත වාර්තා වේ 

අතරමංවූ විමල්ගේ බිරිඳ යාල වනයෙන් හමුවෙයි

යාල වනයේ පිහිටි හාස්කම සපිරි පුදබිමක් ලෙස සැලකෙන කැබිලිත්ත දේවාලයට පූජාවක් පැවැත්වීම සඳහා ගිය ඇමති විමල් වීරවංශ මහතාගේ බිරිඳ ශෂී වීරවංශ මහත්මිය වනයේ අතරමන් වී තිබෙනවා.

පෙරේදා අතුරුදහන් වූ ඇය සෙවීමට පානම හා කොටියාගල ප්‍රදේශවලින් වනාන්තරයට පොලිස් කණ්ඩායම් දෙකක් ඇතුල්වී තිබෙන අතර ඊයේ දහවල් වනවිට ඇයව සොයාගන තිබෙනවා.

ලේක්හවුස් පාලනාධිකාරියට සහ දිනමිණ කතුවරයාට අභියෝගයක්

2012 පෙබරවාරි මස 03 වන දා (සිකුරාදා) නිකුත් වූ දිනමිණ පුවත් පතේ ප්‍රධාන පුවත මගින් නිදහස් මාධ්‍ය ව්‍යාපාරය පිළිබඳව නගා ඇති චෝදනා සපුරා ප්‍රතික්ෂේප කරමු. මේ ආකාරයේ කිසිදු පදනමක් නොමැති සම්පූර්ණයෙන්ම අසත්‍ය පුවත් සමාජගත කිරීම හරහා ආණ්ඩුව උත්සාහ දරන්නේ මෙරටේ මාධ්‍ය නිදහස හා ප්‍රජාතන්ත්‍රවාදය උදෙසා පෙනී සිටින මාධ්‍ය සංවිධාන හා එහි කි්‍රයාකාරීකයන් විනාශ කිරීම සඳහා පසුබිම සකස් කිරීමක් බව සමාජයේ අවධානය උදෙසා දන්වනු කැමැත්තෙමු.