ලබන වසරේ ජනවාරි සිට වරාය ගාස්තු අන්තර්ජාලය ඔස්සේ ගෙවීමට පහසුකම් සලසන ක්‍රමයක් සකස් කරන බව වරාය හා මහා මාර්ග නියෝජ්‍ය අමාත්‍ය රෝහිත අබේගුණවර්ධන මහතා පවසයි
ඒ අනුව වරාය අධිකාරයේ රේගු බදු ආදී වූ ගෙවීම්වලදී මෙම ස්ව්‍යංක්‍රීය ඉලෙක්ට්‍රොනික ගෙවීම් ක්‍රමය භාවිතා කිරීමට සේවාදායකයින්ට හැකියාව ලැබේ.
දැනට පවතින ක්‍රමය අනුව සිදුකෙරන ගෙවීම්වලදී සේවාදායකයාට ස්ථාන කිහිපයකට යමින්, ලියකියවිලි ඉදිරිපත් කරමින් කාලය වැය කිරීමට සිදුවේ. නමුත් නව ක්‍රමය ක්‍රියාත්මක වීමෙන් පසු සේවාදායකයාට නිවසේ සිටම අන්තර්ජාලට ඔස්සේ ක්‍රෙඩිට් කාර්ඩ් පත් භාවිතා කරමින් ගෙවීම් කොට තම ගනු දෙනු පහසුවෙන් කර ගැනීමට හැකි වනු ඇත.
ඒ අනුව මෙම ක්‍රමය මඟින් ඔවුන්ගේ කාලය අනවශ්‍ය ලෙස වැය නොවන අතර බාධාවකින් තොරව සිය කටයුතු කර ගත හැකි වේ යයි අමාත්‍යාංශය අපේක්ෂා කරයි.
