ජනතාව මත බරපටවන, මිනී මරණ ආණ්ඩුව ගෙදර යැවීමට සියලූ දෙනා එක්වියයුතුයි - ටිල්වින්

යුද්ධය අවසන්කළා සේම ආර්ථික සංවර්ධනය ඇති කරන බව ආණ්ඩුව ප‍්‍රකාශකර අවුරුදු 3කට ආසන්න වුවද සුදුඅලින් වූ ව්‍යාපෘති කිහිපයක් නඩත්තු කිරීම හැර රටේ සංවර්ධනයට අදාල කිසිවක් නොකළ ආණ්ඩුව තෙල් මිල, බස්ගාස්තු සහ විදුලි බිල විශාල වශයෙන් වැඩිකර ජනතාව දැඩි පීඩනයකට පත්කිරීමට එරෙහිව විරෝධතා අඛණ්ඩව පවත්වන බව ජනතා විමුක්ති පෙරමුණ අවධාරණය කරයි.

අද (16) උදේ බත්තරමුල්ල, පැලවත්තේ පිහිටි එම පක්ෂයේ ප‍්‍රධාන කාර්යාලයේදී ජනමාධ්‍ය සාකච්ඡාවක් පවත්වමින් ප‍්‍රධාන ලේකම් ටිල්වින් සිල්වා මහතා මේ බව පැවසීය. 

මියගිය ධීවරයාගේ පවුලේ අය බිලීබාගැනීමේ උත්සාහය අසාර්ථක වේ

ඉන්ධන මිල ඉහළ දැමීමට එරෙහිව උද්ඝෝෂණය නියුතුව සිටිය දී හමුදා වෙඩි පහරකට ලක්ව මිය ගිය ඇන්ටනී ප්‍රනාන්දු මහතාගේ ඥාතීන් නිහඬ කර ගැනීමට ආණ්ඩුව දැරූ උත්සාහයක් අසාර්ථක වී තිබේ.

වයඹ පළාත් භාර ජ්‍යෙෂ්ඨ පොලිස් අධිකාරී පූජික විෙජ්සුන්දර මහතා සමඟ පැමිණි ප්‍රාදේශීය දේශපාලඥයකු මිය ගිය ඇන්ටනී ප්‍රනාන්දු මහතාගේ ඥාතීන් වෙත රුපියල් ලක්ෂ පහක චෙක් පතක් ලබා දී ඇතත් පවුලේ ඥාතීන් එය ප්‍රතික්ෂේප කර තිබේ. අවමඟුලේ සියලූම කටයුතු රජයේ අනුග්‍රහයෙන් සිදු කිරීමට නියමිත බවත් මිය ගිය ඇන්ටනී ප්‍රනාන්දු මහතාගේත් දරුවන් දෙදෙනාගේත් හා බිරිඳගේ අනාගතය බාර ගැනීමට ආණ්ඩුව සූදානම් බවත් මෙහිදී පවුලේ ඥාතීන් වෙත දැනුම් දී ඇති අදාළ දේශපාලඥයා, එහෙයින් අවමඟුල් කටයුතු නිමාවන තෙක් නිහඬව සිටින්නැයි ඔවුන්ගෙන් ඉල්ලා තිබේ.

කැබිනට් රැස්වීමෙත් විරෝධතාවයක්

ඉන්ධන මිල ඉහළ දැමීමෙන් පසු රට පුරා මතු වී ඇති ජනතා විරෝධය හමුවේ තම තමන්ගේ ආසනවලට යාමට පවා නොහැකි තත්ත්වයක් උදාවී ඇතැයි ආණ්ඩුවේ ඇමතිවරු සියලූ දෙනාම පාහේ ඊයේ පැවති අමාත්‍ය මණ්ඩල රැස්වීමේ දී කරුණු දක්වා තිබේ.

ජනාධිපති මහින්ද රාජපක්ෂ මහතා විදේශගතව සිටින බැවින් අග්‍රාමාත්‍ය දීමූ ජයරත්න මහතාගේ ප්‍රධානත්වයෙන් ඊයේ පැවැති අමාත්‍ය මණ්ඩල රැස්වීමේදී මෙම විරෝධතාවය මතු වී ඇත.

හලාවත ධීවරයකු ඝාතනය කිරීමේ සිද්ධිය ද ඇමතිවරු කීපදෙනෙකුගේ විවේචනයට ලක් වී තිබේ. උද්ඝෝෂණ කරුවන්ට වෙඩි තැබීමට අණ දීම බලවත් වරදක් බවද එම ඇමතිවරුන් පවසා ඇත.

TENSED SITUATION AT MALIGAWATTA

A Pandemonium in Maligawatta

The JVP had organized well, a protest walk against the killing by shooting of a fisherman in Chilaw and against the sudden fuel hike to show their dissent and disgust against these two recent incidents. It is reported that the Police was trying to block their way and disperse the protestors using tear gas and that the Police in turn had been attacked with stones by some JVP’s who had been hiding. It is also reported that there had been a terrific traffic block in the Maligawatta area.
Shown below are some of the incidents pertaining to this tear gas incident.”

මෛත්‍රීට එරෙහිව රාජකීය මඩක්

සෞඛ්‍ය අමාත්‍ය මෛත්‍රීපාල සිරිසේන මහතාට එරෙහිව ඔහුගේ පෞද්ගලික ජීවිතය හා අමාත්‍යාංශ කටයුතු අළලා මඩ ප්‍රචාරයක් දියත් කිරීමට ජනාධිපති මාධ්‍ය අංශයේ ප්‍රධානියෙකුවන මහින්ද ඉලේපෙරුම මහතා කටයුතු කරමින් සිටින බව ඉතා විශ්වාසවන්ත කටයුතු ආරංචිමාර්ගවලින් අපවෙත වාර්තාවේ.

මෛත්‍රීපාල අමාත්‍යවරයා ශ්‍රී ලංකා නිදහස් පක්ෂයේ ලේකම් ධූරයෙන් ඉවත් කිරීමේ මූලික අරමුණින් යුතුව ක්‍රියාවට නැංවෙන මෙම මඩ ව්‍යාපාරය සඳහා ජනාධිපතිවරයාගේ අනුමැතිය ලැබී තිබේ.

ශ‍්‍රී ලන්කන් එයාර් රුපියල් බිලියන 28ක් පාඩුබව සභාපති පිලිගනී

ශ‍්‍රී ලංකාවේ ජාතික ගුවන් සේවය වන ‘ශ‍්‍රී ලංකන් එයාර්’ සමාගම පසුගිය වසරේ නොවැම්බර් දක්වා රුපියල් බිලියන 28ක් හෙවත් ඇමරිකානු ඩොලර් මිලියන 169ක වාර්තාගත පාඩුවක් ලැබූ බව එම සමාගමේ සභාපති ජනාධිපති ආර්යාවගේ සොයුරාවන නිශාන්ත වික‍්‍රමසිංහ මහතා මාධ්‍ය හමුවේ ප‍්‍රථමවරට පිලිගෙන තිබේ.

බිලී ඕෂන්ගේ සංගීත ප‍්‍රසංගයේදී මහින්දානන්දට ‘හූ’ හඩක්

පෙබරවාරී 14 වන දා පස්වරුවේ සවස කොළඹ කන්වෙන්ෂන් ශාලාවේ පැවති, ජාත්‍යන්තර කීර්තියට පත් ගායක බිලී  ඕෂන්ගේ සංගීත ප‍්‍රසංගයේදී ක‍්‍රීඩා අමාත්‍ය මහින්දානන්ද අලූත්ගමගේ මහතාට විනාඩි 10 කට වැඩි ‘හූ’ හඩක් පලකරමින් ගීතරසිකයින් විරෝධය පළකර තිබේ.

80 දශකයේ අතිශයින් ජනප‍්‍රියව සිටි බිලී  ඕෂන්ගේ මෙම සංගීත ප‍්‍රසංගය සඳහා ශ‍්‍රී ලාංකීය ඉංග‍්‍රීසි ගීත ලෝලීන් දහස් ගණනක් පැමිණ සිටි අතර උත්සවය ආරම්භයේදී සිංගප්පූරු ජාතික වැඩසටහන් මෙහෙයවන්නා මෙම ප‍්‍රසංගයේ ප‍්‍රධාන අමුත්තා ක‍්‍රීඩා අමාත්‍ය මහින්දානන්ද අලූත්ගමගේ මහතා බව ප‍්‍රකාශ කිරීමත් සමග එම ‘හූ’ හඩ පැතිර ගොස් තිබේ.

(ප්‍රසංගයේ ඡායාරූප බලන්න පහතින්..)

හලාවත ඇන්ටනි ප්‍රනාන්දුට වෙඩි තැබූ අයුරු

ඉන්ධන මිල ඉහළ දැමීමට එරෙහිව උද්ඝෝෂණය නියුතුව සිටිය දී හලාවත එගොඩවැල්ලේදී වෙඩි පහරකට ලක්ව මිය ගිය ඇන්ටනී ප්‍රනාන්දු මහතාගේ මරණයට හේතුවූ වෙඩි තබන ආකාරය දැක්වෙන ජායාරූපයක් මාධ්‍ය වෙත ලැබී තිබෙනවා.

38 හැවිරිදි ඇන්ටනී ප්‍රනාන්දු මහතා දෙදරු පියෙක් වන අතර ඔහුට වයස අවුරුදු 09ක දියණියක් සහ අවුරුදු 7ක පුතනුවකු සිටිනවා. මෙම සිද්ධිය වන විට ඔහුගේ බිරිඳ සෞදි අරාබියේ ගෘහ සේවිකාවක ලෙස සේවය කරමින් සිට තිබෙනවා

අවමංගල කටයුතු සෙනසුරාදා සිදුවීමට නියමිතව තිබෙන අතර හමුදා බෆල් රථ ද තැන තැන රඳවා පොලීසිය හා යුදහමුදාව නගරයේ පුරා දහස් ගනනක් යොදවා තිබෙනවා. ගැටුම් සිදුවූ වැල්ල පාරේ සිට කණ්ඩායම් වශයෙන් නගරයට පැමිණීමට පොලීසිය අවසර දෙන්නේ නැහැ.

මේරියන්ස් 24 වන සංවත්සරය

මීගමුව ශාන්ත මරියා මහ විදුහලෙන් පාසල් අධ්‍යාපනය ලබන කාලයේ පාසලේ තිබූ ගීත ගායනා තරගයකට සංගීතය සැපයීමට කීපදෙනෙක් සමග එක්ව නලින් පෙරේරා සංගීත කණ්ඩායමක් ආරම්භ කළ අතර පසුකලෙක "මේරියන්ස්" බවට පත්වූයේ එම සංගීත කණ්ඩායමයි.

සිරස රූපවාහිනියේ "කාගෙද ගී නද" වැඩසටහන වසර 12 කට ආසන්න කාලයක් මෙහෙයවමින් නිවේදකයෙක් ලෙස කටයුතු කළ දෙදරු පියෙකු වන එම කණ්ඩායම් නායක නලීන් පෙරේරා මේ වන විට සිය බිරිඳ ඔහුගෙන් ඈත්වී ඇතැයි වාර්තා වෙනවා.

1988 දී පිහිටුවා ගත් හලාවත "මේරියන්ස්" සංගීත කණ්ඩායමේ 24 වෙනි සංවත්සරය පසුගිය 11 වෙනිදා මාරිස්ටෙලා ගෘහස්ථ කී‍්‍රඩාංගනයේදී පැවැත්වුණා. එදින ඔවුන්ගේ නවතම ශබ්දාගාරය විවෘත කළ බවත් වාර්තා වෙනවා. 

එම ප්‍රසංගයේ ජායාරූප පහතින්

ජායාරූපකරණය : උතුම් පෙරේරා.

ජායාරූප එව්වේ: සරිත් සේනාධීර.

උදය - වින්ද්‍යා ගේ විවාහයේ ජයාරූප එකතුව

සෙන්ටිග්‍රේඩ්ස් නැති උදයගේ විවාහ උත්සවය 
සෙන්ටිග්‍රේඩ්ස් ගායක කණ්ඩායාමේ ජනප්‍රිය යොවුන් ගායක උදය ශ්‍රී වික්‍රමසිංහ පසුගියදා යුග දිවියට එළඹුන බව අප මෙයට පෙර ලිපියකින් ඔබ වෙත වාර්තා කළා.

පහතින් දැක්වෙන්නේ උදය ශ්‍රී වික්‍රමසිංහගේ විවාහ දිනයේ ජායාරූප එකතුවක් හා වීඩියෝවක්.

Video By : Thusith Perumabadu (Thousand80)

නෙත්FM සමනල සවාරිය හා හිරුFM ආදර දූපතේ ජායාරූප

ඊයේට යෙදුන ආදරවන්තයින්ගේ දිනය වෙනුවෙන් හිරු එෆ් එම් හා නෙත් එෆ් එම් විසින් ආදරවන්තයින් වෙනුවෙන් චාරිකා සංවිධනය කර තිබුණා.

හිරු එෆ් එම් ආදර දූපතේ හා නෙත් එෆ් එම් සමනල සවාරිය ලෙසයි ඔවුන් එය නම් කර තිබුනේ. එම සවාරි දෙකේම ජායාරූප පහතින් බලන්න 

 හිරු එෆ් එම් ආදර දූපත

නෙත් එෆ් එම් සමනල සවාරිය

රන්ජන්ගේ සිනමා දිවියට වසර 25 යි

පසුගිය 02 වැනිදා වෝටර්ස් එජ් හෝටලයේ පැවැති හත්වැනි ස්ලිම් නීල්සන් පීපල්ස් සම්මාන රාති‍්‍රයේදී ජනපි‍්‍රයම නළුවා ලෙස ස්ලිම් සම්මානයෙන් පිදුම් ලැබීමට රන්ජන් රාමනායක සමත්වුණු අතර ඔහු මෙම සම්මානය දිනාගත් පස්වැනි වතාව මෙය වේ.

ඒ අනුව මෙම සම්මාන උළෙලේ වැඩිම සම්මාන ප‍්‍රමාණයක් ලැබූ පුද්ගලයා ලෙසද රන්ජන් වාර්තා අතරට එක් විය.

ඊයේ (15) දිනයේ සිය සිනමා දිවියට වසර 25 ක් සම්පුර්ණ වීම සැමරීම සඳහා රන්ජන් රාමනායක විසින් විසින් උත්සවයක් සංවිධානයකොට තිබුනා.

1986 වසේදී අතිරේක නළුවෙකු සිට පැමිණි ගමනේදී උදව් කල සියලු දෙනාට කෘතගුණ දැක්වීම මෙම උත්සවයේ අරමුණ වී තිබුනා.

රාජගිරිය සවරින් හෝටලයේ පැවැති එම උත්සවයට කලාකරුවන් ඇතුළු බොහෝ පිරිසක් සහභාගී වී සිටින අයුරු දැකගතහැකි විය.එම අවස්ථාවේ ජායාරුප පහතින් බලන්න 

නාමල්ට ඇතෙක්

පින්නවල අලි අනාථාගාරයේ පැටවුන් බෝ කිරීමේ හැකියාව ඇති එකම තරුණ ඇතා පාර්ලිමේන්තු මන්ත්‍රී නාමල් රාජපක්ෂ මහතාගේ පෞද්ගලික පරිහරණය සඳහා ලබාදීමට සුදානම් කර ඇති බව වාර්තා වෙනවා.

පරිසරවේදී සජීව චාමිකර මහතා මේ පිළිබඳව හෙළිකර සිටින්නේ දැනට පින්නවල අලි ඇත්තු 85 දෙනකු පමණ සිටියද ඔවුන් අතර ඇතුන් සිටිනුයේ තිදෙනකු පමණක් බවයි.

අඳ ඇතකු වන "රාජා" දැනට මහලූ සතෙක් වන අතර "සම්පත්" ද පින්නවල සිටින මහලූ ඇතෙකි. තරුණ වයසේ පසුවන පින්නවල සිටින එකම ඇතා වන්නේ නාමල්ට දීමට යන "සුමන" නමින් හැඳින්වෙන මෙම ඇතාය.

ජනරාල් නිදහස් කිරීම කල් තැබේ

බන්ධනාගාර ගත කොට සිටින ජනරල් සරත් ෆොන්සේකා මහතා ඉක්මනින්ම නිදහස් කරන බවට ජනාධිපති මහින්ද රාජපක්ෂ මහතා ජනරාල්ගේ නියෝජිතයන් වෙත දැනුම් දී තිබුණද, රට තුළ මතු වී තිඛෙන දේශපාලන තත්ත්වය හමුවේ ඊට අදාළ කටයුතු කල් දැමීමට ජනාධිපතිවරයා තීරණය කර ඇතැයි නීතිපති දෙපාර්තමේන්තු ආරංචි මාර්ග සඳහන් කරයි.

නැගෙනහිර සිංහල උරුමය වෙනුවෙන් අම්පිටියේ සුමනරතන හිමි 3 වන වතාවටත් උපවාසයේ

පෙබ: 15
මඩකලපුව මංගලාරාම විහාරාධිපති අම්පිටියේ සුමනරතන හිමියෝ ඊයේ (14) පෙරවරු 8.00 සිට ආරම්භ කර තිබූ මාරාන්තික උපවාසය ඊයේම අත්හැර දැමීමට පියවර ගෙන තිබෙන බව වාර්තා වෙනවා.

ඊයේ සවස 5.00 ට පමණ එම ස්‌ථානයට පැමිණි නියෝජ්‍ය ඇමැති කරුණා අම්මාන් සමඟ විනාඩි 40 ක පමණ කාලයක්‌ සාකච්ඡා කිරීමෙන් අනතුරුව උන්වහන්සේ ඉදිරිපත් කළ කරුණු කෙරෙහි ඉක්‌මණින් අවධානය යොමුකර සාධාරණයක්‌ ඉටුකර දෙන බවට කරුණා අම්මාන් පොරොන්දුවී තිබෙනවා.

ජී.එල්., හෙළ උරුමයේ සහය ඉල්ලයි

තම විදේශ කටයුතු අමාත්‍ය ධූරය ආරක්ෂා කර ගැනීම සඳහා මහාචාර්ය ජී.එල්. පීරිස් මහතා ජාතික හෙළ උරුමයේ සහය ඉල්ලා තිබේ. මේ සම්බන්ධයෙන් වූ විශේෂ සාකච්ඡාවක් පෙරේදා සවස කොළඹ සිනමන් ග්‍රෑන්ඩ් හෝටලයේ තැප්‍රොබේන් හි පැවැති අතර ඒ සඳහා හෙළ උරුමය වෙනුවෙන් එම පක්ෂයේ නියෝජ්‍ය ලේකම් සහ බස්නාහිර පළාත් අමාත්‍ය උදය ගම්මන්පිල මහතා සහභාගි වී තිබේ.

විදුලි බිලත් 40% කින් නඟී

අද මධ්‍යම රාත්‍රීයේ සිට ක්‍රියාත්මක වන විදුලි බිල ඉහල දමා තිබෙනවා. 

ඒ අනුව විදුලි ඒකක
0-30 දක්වා 25% කින්ද,
31-60 දක්වා 35% කින්ද,
60 ට වැඩි නම් 40% න්ද විදුලි බිල වැඩි වෙනවා.

සාමාන්‍ය නිවසක විදුලි පරිභෝජනය ඒකක 60ට වැඩි වන නිසා මෙම 40%ක වැඩිවීම රටේ බහුතර ජනතාවට බලපානු ඇති.

''අපි වෙනුවෙන් ඉන්නේ මර්වින් විතරයි'' - ජනපති

ඉන්ධන මිල ඉහළ යෑමෙන් පසු රටේ ඇතිවී තිඛෙන අර්බූදකාරී තත්ත්වය සම්බන්ධයෙන් සියලූම මැතිඇමතිවරු කර හැර සිටින තත්ත්වයක් යටතේ, තමාත් තමාගේ සොහොයුරන් වෙනුවෙනුත් වචනයක් හෝ කතා කළේ අමාත්‍ය මර්වින් සිල්වා මහතා පමණක් බව ජනාධිපති මහින්ද රාජපක්ෂ මහතා, සිංගප්පූරුවේ ශ්‍රී ලංකා තානාපතිනි පේරියල් අස්රොෆ් මහත්මිය ඇතුලූ කිහිපදෙනෙකු සමඟ ඊයේ ප්‍රකාශ කර තිබේ.

මේ වනවිට සිංගප්පූරුවට ගොස් සිටින ජනාධිපතිවරයා, ශ්‍රී ලංකාව තුළ සිදුවන උද්ඝෝෂණ සම්බන්ධයෙන් දැඩි ලෙස කම්පනයට පත්ව සිටින බව සිංගප්පූරුවේ තානාපති කාර්යාලයේ නිලධාරියෙකු අප කළ විමසීමකදී පැවසීය.