පසුගිය 20 වනදා රාති‍්‍රයේ පැවැති ශී‍්‍ර ලංකා නිදහස් පක්‍ෂයේ විධායක සභාවේදී පුරප්පාඩු වී ඇති එම පක්‍ෂයේ ජාතික සංවිධායක ධූරය සඳහා කෙනෙකු පත් කර ගැනීමට නියමිතව තිබුණද එම තනතුර සඳහා මේ වනවිට කිහිපදෙනෙකුම තරග වැද සිටින හෙයින් ඒ පිළිබඳ අදහස කල් දැමීමට ජනාධිපතිවරයා තීරණය කළ බව එම පක්‍ෂ මූලස්ථානයේ ජ්‍යෙෂ්ඨ නිලධාරියෙකු අප වෙත පැවසීය.
ජනාධිපති සොයුරු බැසිල් රාජපක්‍ෂ මහතා සහ එම පක්‍ෂයේ ජ්‍යෙෂ්ඨයෙකු මෙන්ම, පාරම්පරික ශී‍්‍ර ලංකා නිදහස් පාක්‍ෂිකයෙකු වන අමාත්‍ය ජනක බණ්ඩාර තෙන්නකෝන් මහතා මෙම තනතුර තමන්ට ලබාදෙන ලෙස ජනාධිපතිවරයාගෙන් ඉල්ලීම් කර තිබිණ.
එහෙත්, එක්සත් ජාතික පක්‍ෂයෙන් ශී‍්‍ර ලංකා නිදහස් පක්‍ෂයට එක්වූ කි‍්‍රයාකාරී අයෙකු ශ‍්‍රී ල.නි.ප. ජාතික සංවිධායකවරයා ලෙස පත් කිරීම ආණ්ඩුව ශක්තිමත් කිරීමට එක් වූ පිරිස් ධෛර්යමත් කිරීමට හේතු වන බව ජනාධිපතිවරයාගේ අදහස වී ඇත.
