ප්‍රසිද්ධියේ ගල් පහර කෑමට පෙර

පසුගිය දිනෙක කුර්දි ජාතික තරුණියක් ඉරාකයේ එක්තරා නගර චතුරශ්‍රයකදී මිය ගියේ වාර්ගික ඊරිසියාවෙන් පිරි, පිරිමි රොත්තකගේ පා පහරට සහ ගල් පහරට ලක්වෙමිනි. අන්‍ය ආගමික තරුණයෙක්ට ප්‍රේම කිරීම ඇයගේ මෙම ඉරණමට හේතුව විය.

ලොව අනෙකුත් ආගම් තමන්ගේ ආගමට වඩා පහත් බවට අටවා ගත් මනස්ගාතයක ගල් පහරවල් විසින් ඇයගේ සිරුර තලන්නේ, ලංකාවේ අප ජාතික, ආගමික ස්වර්ණමය යුගයක් පසු කරන අවස්ථාවකය. ලෝකයේ නිර්මලම ආගම අපට උරුම බවට ලංකාවේ සමස්ත සමාජයම මොර ගාද්දී තමන්ගේ ආගම වඩාත් උසස් යැයි සැලකූ තවත් එවන් සමාජයක් විසින් තරුණියකගේ ජීවිතය නගර චතුරශ්‍රයක කුණු වෙන්නට ඉඩ හරියි. ඉතින් අද ඉරාකයේ නගර චතුරශ්‍රයක අප දකින්නේ අනාගත ලාංකිකයාගේ ඉරණමද?

මිනී මැරීමට සදාචාරාත්මක පසුබිමක්

අද ‍මේ තීරුවෙන් ගුණදාස අමරසේකර මහතා විසින් මෑතක දී කරන ලද දේශනයක් කෙරෙහි ඔබේ අවධානය යොමු කරන්නට මම කැමතියි. මේ දේශනය පවත්වන ලද්දේ බද්දේගම සාහිත්‍ය කලා සංගමය විසින් සංවිධානය කරන ලද පළමු වන ගණේගම සරණංකර හිමියන් අනුස්මරණ උත්සවයේදීය.

ඔහුගේ දේශනය සදහා උදෘත පාඨය වශයෙන් අමරසේතර මහතා තෝරා ගෙන තිබුණේ ඒ හිමියන්ගේ “තරුණ වියේ උන්නා නම් සිවුර ගලවලා තියා සටනට යනවා” යන ප්‍රකාශයයි. මේ සිරස්තලය යටතේම දේශණය ගිය සතියේ “දිවයින” පත්‍රයේ හතර දවසක් පුරා පල විය.

මේ දේශනයේ එක් කොටසක් යොදා තිබෙන්නේ දැනට මෙරට ජනවාර්ගික අර්බුදයක් නැත යන මතය සනාථ කිරීමටයි. දැන් පවතින්නේ කොටි සංවිධානයට එරෙහි යුද්ධයකි. කොටි සංවිධානය රටේ අභ්‍යන්තර ක්‍රියාදාමයන්ගේ ප්‍රතිඵලයක් වශයෙන් දෙමළ මිනිස්සුන්ට විදින්නට සිදු වූ වෙනස්කම් වල ප්‍රතිඵලයක් වශයෙන් ජනිත වූ බලවේගයක් නොවෙයි. එය සම්පූර්ණයෙන් දකුණු ඉන්දියාව හා ලංකාවේ උතුරු නැගෙනහිර ප්‍රදේශ ඇතුළත් ද්‍රවිඩ රාජ්‍යයක් සදහා කෙරෙන අරගලයක කොටසකි. මේ නයින් බලන විට මෙය රටට බාහිර වූ රටින් පිට බලවේගයක් විසින් මෙහෙයවනු ලබන වි‍දේශීය ආක්‍රමණයකි. එයට විරුද්ධව සටන් කළ යුතුයි. එය අවි බලයෙන් පරාජය කළ යුතුයි. අමරසේකර මහතාගේ මේ මතය පසුගිය ශත වර්ෂය තුළ සිංහල හා දෙමල අනන්‍යතාවයන් එකිනෙකට ගැටෙමින් වර්ධනය වූ ආකාරය නොසලකා හැර තම තමන්ගේ වැරදි වසා ගැනීමට පිටස්තර ක්‍රමන්ත්‍රන සොයන මතයකි. සිය මතයට විරුද්ධ අදහස් කිසිවක් නොඉවසන අමරසේකර මහතා එවැනි මත දරන්නන් වංචනික බුද්ධිමතුන් ලෙස අවඥාසහගතව හදුන්වයි. ඔවුන්ට අමනයන් කියයි. ඔවුන්ගේ තර්ක හා අදහස් දෙස විචාරාත්මකව නොබලයි.

මැගසින් බන්ධනාගාරය මගුල් ගෙයක් වෙයි

එල්.ටි.ටි සැකකරුවන් ලෙස බන්ධනාගාරයේ සිටින දමිල රැඳවියන් දෙදෙනෙකු සමගසිංහල සහ මුස්ලිම් තරුණියන් දෙදෙනෙකු අතර විවාහ මංගල්‍යය උත්සවයක් ඊයේ (05) කොළොඹ මැගසින් බන්ධනාගාරයේදී පැවැත්විණි.

මෙසේ විවාහ ගිවිස ගත්තේ වවුනියාවේ පාවක්කුලමේ පදිංචි ශක්තිවේල් ඉලන්ගේශ්වරන් (34) තරුණයා සහ වුනියාවේ නෙරියකුලම්හි පදිංචි ගුණසේන සුදර්ශනී නමැති (24) සිංහල තරුණියත් කොළොඹ ජම්පටා විදියේ බාලචන්ද්‍රන් පුෂ්පරාජ තරුණයා (27) සමග ජම්පටා විදියේ පදිංචි මොහමඩ් රාසික් පාතිමා (22) යන තරුණියන්ය.

ජනපතිගේ අණින් ඉන්දියාවට දිගටම ප‍්‍රහාර

පසුගියදා ජිනීවා මානව හිමිකම් සමුළුවේදී සම්මත වූ ඇමරිකානු යෝජනාවට පක්‍ෂව ඉන්දියාව ඡුන්දය දීම නිසා ශී‍්‍ර ලංකා රජය මේ වනවිට ඉන්දියාවෙන් පළිගැනීමේ කි‍්‍රයාමාර්ගයකට අවතීර්ණ වී ඇති බව අරලියගහ මන්දිර ආරංචි මාර්ග සඳහන් කරයි.

මේ යටතේ පසුගියදා ගෙවුම් ශේෂ පරතරය අඩු කර ගැනීම සඳහා යැයි කියමින් ඉන්දියාවේ නිෂ්පාදනය කරන මෝටර් රථ, ති‍්‍රරෝද රථ සහ මෝටර් සයිකල් සඳහා පෙර නොවූවිරූ බද්දක් අය කිරීම මෙම පළිගැනීමේ කි‍්‍රයාමාර්ගයේ එක් අවස්ථාවකි.

‘ලංකා නිවුස් වෙබ් එකේ එවුන් CID එකේ ඉන්නවා - අහුවුණොත් එල්ලනවා’

‘ලංකා නිවුස් වෙබ්’ එකට ඉන්ෆෝමේෂන් දෙන ඔත්තුකරුවන් අපරාධ පරීක්‍ෂණ දෙපාර්තමේන්තුව තුළ සිටින බවත්, එයින් එකෙක් හෝ අහු වුණොත් උන්ට රජ කාලේ දඬුවම් දෙන බවත් අපරාධ පරීක්‍ෂණ දෙපාර්තමේන්තුවේ නියෝජ්‍ය අධ්‍යක්‍ෂක, ජ්‍යෙෂ්ඨ පොලිස් අධිකාරී ගජනායක මහතා පසුගිය දිනෙක ගෝරනාඩු කළ බව අප වෙත වාර්තවේ.

ගජසිංහ මහතාට එසේ කෝපවීමට ආසන්නතම හේතුව වී ඇත්තේ භාරත ලක්‍ෂ්මන් පේ‍්‍රමචන්ද්‍ර මහතා ඝාතනය සම්බ්න්ධ වැඩිදුර වාර්තාව උසාවියට ගොනු කිරීමට පෙර එහි සඳහන් කරුණු අප වෙබ් අඩවියේ පළවීමයි. එකී වැඩිදුර වාර්තාව අනුව කොළඹ දිස්ති‍්‍රක් පාර්ලිමේන්තු මන්තී‍්‍ර ආර්. දුමින්ද සිල්වා මහතා භාරත ලක්‍ෂ්මන් මහතාට වෙඩි තබා ඇත්තේ ඔහුගේ ආත්මාරක්‍ෂාව සඳහා බව කියමින් මිනී මැරුම් චෝදනාවෙන් දුමින්ද සිල්වා නීතිපති දෙපාර්තමේන්තුව විසින් ගලවා ගැනීමට යන ආකාරය අප හෙළිදරව් කළෙමු.

පුරාවිද්‍යා කොමසාරිස් ‘කටු ගෙදර’ නැති වූ බඩු ලක්‍ෂ 50කට මිල කරයි

පසුගියදා කොළඹ ජාතික කෞතුකාගාරයෙන් සොරකම් කළ අති පෞරාණික කෞතුක භාණ්ඩවල මිල රුපියල් ලක්‍ෂ 50 කට පුරාවිද්‍යා කොමසාරිස්වරයා විසින් මිල කොට ඇති බව පුරාවිද්‍යා දෙපාර්තමේන්තු ආරංචි මාර්ග සඳහන් කරයි.

පුරාවිද්‍යා කොමසාරිස්වරයාගේ මෙම අරුම පුදුම මිල ගණනය පිළිබඳව ජනමාධ්‍යවේදීන් ඔහුගෙන් ප‍්‍රශ්න කිරීමේදී ඒ සඳහා ඔහු දී ඇති පිළිතුර වන්නේ, නැති වූ භාණ්ඩ ඒ ආකාරයෙන්ම තැනීම සඳහා රුපියල් ලක්‍ෂ 50 ක මුදලක් වැය වන බවත්, එහි ඇති පෞරාණික බව තම තක්සේරුවට අයිති නොවන බවත්ය.

‘එක්ස්පෝ - 2012’ තවත් සුදු අලියෙක්

ශී‍්‍ර ලංකා අපනයන සංවර්ධන මණ්ඩලය පසුගිය මාර්තු 28 සිට මාර්තු 31 දක්වා සිරිමාවෝ බණ්ඩාරනායක අනුස්මරණ ප‍්‍රදර්ශන මධ්‍යස්ථානයේ අඬ බෙර ගසා පවත්වනු ලැබූ ‘එක්ස්පෝ - 2012’ ප‍්‍රදර්ශනය කිසිදු ප‍්‍රතිලාභයක් අත් කර නොගත් තවත් ‘සුදු අලි’ ව්‍යාපෘතියක් බව වාර්තාවේ.

මෙම ප‍්‍රදර්ශනයට සහභාගි වීම සඳහා ලෝකයේ නන්දෙසින් ගැණුම්කරුවන් විශාල සංඛ්‍යවක් පැමිණ සිටි බවට රාජ්‍ය මාධ්‍ය මගින් පුන පුනා ප‍්‍රකාශ කරන ලදී. මෙසේ එම ප‍්‍රදර්ශනය සඳහා පැමිණි සියලූ ගැණුම්කරුවන් එසේ පැමිණ ඇත්තේ අදාළ රටවල ශී‍්‍ර ලංකා තානාපති කාර්යාල හරහා ඔවුන් වෙත නොමිලේ ලබාදුන් ගුවන් ටිකට් පත් සහ හෝටල් පහසුකම් නිසාවෙනි.