හෙයාර් ඩයි විෂ වීමෙන් තවත් මරණයක්

කොණ්ඩය වර්ණ ගැන්වීමට ගන්නා ඩයි වර්ග විශවීමෙන් සිදුවූ තවත් මරණයක් වාර්තා වෙන්නේ අලව්ව ප්‍රදේශයෙන්.

මහව කයිකාවල ප්‍රදේශයේ පදිංචි 58 හැවිරිදි ඇය අලව්වේ කැප්පටිවලානේ පිහිටි තම දියණියගේ නිවසට පැමිණ ඩයි ආලේප කර පැය 6 කට පසුව ස්නානය කිරීමෙන් පසුව සිහිසුන්ව ඇද වැටී මියගොස් තිබෙනවා.

මරණ පරීක්ෂණයේදී හෙළිවී තිබෙන්නේ කොණ්ඩය ඩයි කිරීමට යොදාගන ඇති ඩයි වල අසාත්මිකතාවය හේතුවෙන් හටගන්නා කම්පනය නිසා සිදුවූ මරණයක් බවයි.

කහවත්ත පොලිස් ස්ථානාධිපති මාරු කළාට ජනතා අප්‍රසාදය

කහවත්ත පොලිසියේ ස්ථානාධිපති පොලිස් පරික්ෂක නෙරංජන් ඒකනායක මහතාට හදිසියේම අද (13) දින ලබා දුන් මාරුව අවලංගු කරන ලෙස ඉල්ලමින් කහවත්ත, කොටකෙතන අවට ජනතාව විරෝධතාවක යෙදීමට සූදානමක් පවතී. මේ අතර කහවත්ත නගරයේ සියලුම වෙ‍ළෙඳසල් වසා දමා පොලිස් ස්ථානාධිපතිවරයාගේ ස්ථාන මාරුවට එරෙහිව විරෝධය පළ කිරීටම ද කහවත්ත වෙළෙඳ සංගමය සැරසෙන බව වාර්තාවේ.

2013 අය වැයෙන් වාහන මිල තවත් වැඩිවේ.

පසුගිය මාර්තු මාසයේ වාහන බදු වැඩි කිරීමට රජය තීරණය කිරීමත් සමඟ අලුතින් මෝටර් රථ ලියාපදිංචිකිරීම් 66% කින් අඩුවී තිබෙන බවත්, එමනිසා ගෙන්වූ වාහන 5,000ක් ආපසු පැටවීමට සූදානම් කර ඇති බවත් මීට පෙර ලිපි කිහිපයක් මඟින් අප ඔබට ගෙන ආවා.

එමෙන්ම වාහන සේල් හිමියන් ලංකාවේ ව්‍යාපාර කිරීම නවතා මියන්මාරයට යෑමට සූදානම් වන පුවතකුත් අප ඔබට ගෙන ආවා 

පසුගියදා ඉදිරිපත් කල අය වැයෙන් ගෙනා යෝජනා නිසා රේසින් කාර් වල බදු අඩු වුවද සාමාන්‍ය ජනතාව පාවිච්චි කරන කුඩා වාහන වල කලින් වැඩිවූ මිල තවත් වැඩිවී තිබෙනවා. 

ලැම්බෝගිනි Murciélago රථයක් කොළඹ වරායේ

පසුගියදා රජය ඉදිරිපත්කල අයවැය මගින් රේසින් කාර් සඳහා රුපියල් මිලියන 160 ක පමණ බදු සහනයක් ලබා දුනි.

එනම් මිලියන 220 ක් පමණ මිල වූ රේසින් කාර් එකක් දැන් මිලියන 60 කට පමණ මිලදී ගැනීමට හැකිය.

එය කෝටි 22ක් වූ මෝටර් රථයකට කෝටි 16ක බදු සහනයක් දී කෝටි 6කට ලබාගැනීමට සැලැස්වීමකි.

මේ වනවිටත් කොළඹ වරායේ විවෘත නොකල කන්ටේනරයක් තුල ලැම්බෝගිනි Murciélago රථයක් ගාල් කර ඇති අප වෙත වාර්තා වේ. 

මෙම මෝටර් රථයේ හිමිකරු කව්රුද යන්න අප වෙත වාර්තා නොවුනත් ඉදිරියේදී අධිවේගී මාර්ග වල රේසින් කාර් ඉගිල්ලී යන යුගය වැඩි ඈතක නොවන බව සහතිකය.

මන්ත්‍රිවරියට බැල්ම හෙලන රෝමියෝ කවුද?

ඇය කලක් රුප රාජිනියකව සිට දේශපාලනයට පැමිණි තැනැත්තියකි. මේ දිනවල නිතර නිතර ලැබෙන ආදරණිය SMS හා MMS පණිවුඩ හේතුවෙන් ඇය අපහසුතාවයට පත්ව ඇති වාර්තා වේ. 

නිතර නිතර පණිවුඩ එවනු ලබන්නේද අමාත්‍යවරයෙකු විසිනි. මෙම අමාත්‍යවරයා මිල අධික ටි ෂර්ට් මිලදී ගැනීම හා මිල අධික කොන්ඩ විලාසිතා කිරීමට ජනප්‍රිය වූ අයෙකි. මෙම අමාත්‍යවරයා මෙයට පෙර මාධ්‍යවේදිනියක සමග පැවැත්වූ සම්බන්ධතාවයක් මාධ්‍ය ඔස්සේ ප්‍රසිද්ධියටද පත්විය.

කොටකෙතන මෙල්ල කරන්න වාස් ගුණවර්ධනට බාර දෙයි

දිනෙන් දින ඉහළ යන රත්නපුර, කහවත්ත ඝාතන රැල්ල සහ අපරාධ පිළිඹඳ සැලකිල්ල යොමු කොට පොලිස්පතිවරයා විසින් ගාල්ල ජ්‍යෙෂ්ඨ පොලිස් අධිකාරි වාස් ගුණවර්ධන මහතා වහාම ක්‍රියාත්මක වන පරිදි අද (13) සිට රත්නපුර ජ්‍යෙෂ්ඨ පොලිස් අධිකාරිවරයා ලෙස මාරු කර යවා ඇත.