ආදායම් අධිකාරිය හොර පාරෙන් එයි

ශ‍්‍රී ලංකා රේගුව, වරාය අධිකාරිය හා දේශීය ආදායම් දෙපාර්තමේන්තුව එක් ආයතනයක් යටතට පත්කර ආදායම් අධිකාරියක් ගොඩනැගීමේ කටයුත්ත පියවර කිහිපයක් ඔස්සේ නැවත ක‍්‍රියාත්මක කිරීමට ආණ්ඩුව සූදානම් වෙමින් සිටින බවට වරාය අධිකාරියේ අභ්‍යන්තර ආරංචි මාර්ග සඳහන් කරයි.

මීට පෙර අවස්ථාවේ ආදායම් අධිකාරියක් ගොඩනැගීමට එල්ලවූ විරෝධය සැලකිල්ලට ගනිමින් මෙම සංයුක්ත පියවර ඉටුකිරීම සඳහා සැලසුම් සකසා ඇත. එහි ප‍්‍රථම පියවර ක‍්‍රියාත්මක කිරීම සඳහා රුපියල් මිලියන 200 ක පරිඝනක හා උපාංග රජයේ ප‍්‍රභල ඇමතිවරයෙකුගේ අනුකූලතාවය මත ගෙන්වා තිබේ.

පොදුරද කෙලියේ සුලමුල හෙලිවේ

2018 පොදුරාජ්‍ය මණ්ඩල ක‍්‍රිඩා උළෙල හම්බන්තොටට ලබාගැනීමට රාජපක්ෂ ආණ්ඩුව යෙදු මුදල මේ වනවිට හෙළිදරව් වෙමින් පවතී. ක‍්‍රීඩා උළෙල ලබාගැනීම සඳහා පැවති උත්සවයට සහභාගී වීමට හා එය සංවිධානය කිරීමට රුපියල් කෝටි 88ක් වියදම් කොට තිබූ අතර මීට අමතරව මිලියන 7.2 ක මුදලක් ක‍්‍රීඩා පිටි ඉදිකිරීමට යොදවාගෙන තිබේ.

මෙම මුදල් පසුගිය කාලයේ මාධ්‍ය හරහා සිදුකරනු ලැබූ ප‍්‍රශ්න කිරීම් හමුවේ ක‍්‍රීඩා අමාත්‍යාංශය විසින් හෙළිදරව් කරනු ලැබුවේ මීට අමතරව රුපියල් මිලියන 20,000 ක මුදලක් විඝණනය කිරීමකින් තොරව වියදම් කොට ඇති බව හෙළිදරව් වී තිබේ.

කතරගම මැනික් නිධිය ආරක්ෂක ප‍්‍රධානියෙක් අතේ

කතරගම තම්මැන්නාවෙන් මතුවූ මැනික් නිධිය මෙරට ආරක්ෂාව භාර ලොක්කෙකු විසින් අත්පත් කරගෙන තිබේ. හමුදාව යොදවා කතරගම තැම්මාන්නාව මාර්ගය වසාදමා එම භූමිය හාරමින් මැනික් ගැරීමේ කටයුතු සිදුවෙමින් තිබේ. ඒ සඳහා එල්ලවන ජනතා විරෝධය නවතා දැමීම සඳහා නිල ඇදුමින් සැරසුනු හමුදා භටයන් මෙන්ම රහසිගතව ඔත්තුබලන හමුදා බුද්ධි අංශයද යොදවා තිබේ.

තම්මැන්නාව මැණික් නිධිය වෙන්දේසි කළ බව පෙන්වා එහි වටිනාම බිම්කැබලි කිහිපය ආරක්ෂාව බාර ප‍්‍රභලයා විසින් වෙනත් අයෙකු යොදවා අත්පත් කරගෙන තිබේ. ඉන් අනතුරුව එම භූමියේ මැනික් නොමැති බවට මාධ්‍ය මගින් ප‍්‍රචාරයක් ලබාදී ජනතාවගේ අවධානය වෙනස් කිරීමටද සැලසුම්කර ඇත.

මහනුවර රාත්‍රී මෝටර් රථ ධාවන තරඟ වලට මහනාහිමිගේ අප්‍රසාදය

මහනුවර නගරයේ මාර්ග අවහිර කරමින් මුදල් හම්බ කිරීම සඳහා නගරයේ වීදිවල රාත්‍රි කාලයේ මෝටර් රථ "රේස්‌" පැවැත්වීම අමනෝඥ ක්‍රියාවක් බව අස්‌ගිරි පාර්ශ්වයේ අතිපූජ්‍ය මහානායක උඩුගම ශ්‍රී බුද්ධරක්‌ඛිත ස්‌වාමීන්ද්‍රයාණන් වහන්සේ පවසනවා.

උන්වහන්සේ ඒ බව පවසා ඇත්තේ පොලිස්‌පති එන්. කේ. ඉලංගකෝන් මහතා හමුවූ අවස්‌ථාවේදීය.

ලංකාවේ සාමයට බාධා නොකරන්නැයි ලෝකයෙන් ඉල්ලීමක්

ශී‍්‍ර ලංකාව මේ වනවිටත් සිංහල, දෙමල, මුස්ලිම්, මැලේ, බර්ගර් යන සියලූ ශී‍්‍ර ලාංකිකයන්ට සමාන හා සාධාරණ වන අයුරින් වඩාත් නිවැරදි හා සුදුසු ක‍්‍රමවේදයක් සැකසීමේ මූලික පියවර තබා ඇති බැවින් වෙනත් බාහිර පාර්ශවයකගේ මැදිහත්මක් හෝ කාල රාමුවක් ඒ සඳහා කවරාකාරයෙන්වත් අවශ්‍ය නොවන බව පවසමින් ‘ශී‍්‍ර ලංකාව වෙනුවෙන් ශී‍්‍ර ලාංකිකයෝ’ සංවිධානය විසින් එක්සත් ජාතීන්ගේ මානම හිමිකම් කවුන්සිලය වෙත අන්තර්ජාල පෙත්සමක් යොමු කරන්නට තීරණය කර තිබේ.

මනුෂට හමුවූ අලුත් ජිවන සහකාරිය

මෙතෙක් කල් රහසක්ව පැවතුන මනුෂගේ විවාහ ජීවිතය පිළිබඳව මේ සති අන්තයේ රසදුන ටැබ්ලොයිඩ් පුවත්පතට අදහස් පලකොට තිබෙනවා.

මනුෂ ගාල්ල දිස්ත්‍රික්කයෙන් පාර්ලිමේන්තු මන්ත්‍රීවරයෙක් ලෙස පත්වූ අතර 18 වන ව්‍යවස්ථා සංශෝධනය සම්මත කරගැනීමේදී ජනාධිපතිතුමාගේ දෑත ශක්තිමත් කිරීම සඳහා ආණ්ඩු පක්ෂයට එක්විය.

මනුෂ ගාල්ල මහින්ද විද්‍යාලයේ ආදී සිසුවෙක් මෙන්ම දක්ෂ මාධ්‍යවේදියෙකුද විය.ඔහුගේ පෞද්ගලික ජීවිතය සම්බන්ධ තොරතුරු රැසක් අප සතුව පැවතුනත් මෙම අවස්ථාවේදී හෙලිනොකොට ඔහුට සුබ පැතීම අපේ අදහසයි.

මනුෂ එම පුවත්පතට ලබා දුන් සාකච්චාව බලන්න පහතින්

ස්වර්ණවාහිනී දවසේ වැරැද්ද

නිව්ස් වලින් ෆස්ට් වූ ස්වර්ණවාහිනී සජීවී අට පුවත් විකාශය අතරතුර පෙන්වන එක් විශේෂාංගයක් වන්නේ "දවසේ වැරැද්දයි".මෙය බොහෝ දෙනාගේ අප්‍රසාදයට හේතුවූ විශේෂාංගයක් බවට පත්වුණේ ඇතැම් අවස්ථාවල පෙන්වන ලද විශේෂාංග වල මානුෂිය පැතිකඩ සොයා නොබැලීම හේතුවෙනි.

රටටම කැමරාවෙන් මුහුණ පෙන්වා ඊට නොදෙනීම විස්තර කථනයක් පසුබිමින් යොදන දවසේ වැරැද්ද ඔවුන් විසින් සැබෑ ලෙසටම යොදා ගනු මිනිසුන්ගේ "වැරදි පෙන්වා" ඒවා නිවරදිකිරිමටද නැතොහොත් ඔවුන්ගේ පුවත් විකාශයට හොඳ අවස්ථාවක් කරගැනීමටද යන වග නැවතත් සිතා බැලිය යුතුය.