රූපවාහිනිය නඩු දමයි- සිරසට ඔලිම්පික් වාරණයක්

ජාතික රූපවාහිනිය හැර මෙරට වෙනත් නාලිකාවකට ලන්ඩන් ඔලිම්පික් විකාශන අයිතිය පැවරීම වළක්වාලන වාරණ නියෝගයක් කොළඹ වානිජ මහාධිකරණ විනිසුරු ගාමිණී අමරසේකර මහතා අද නිකුත් කළා.

ලන්ඩන් ඔලිම්පික් උළෙලේ විකාශන අයිතිය ශී‍්‍ර ලංකා රූපවාහිනී සංස්ථාව ලබාගන තිබූ අතර පසුව එම්.ටී.වී. හා එම්.බී.සී. ආයතනයද එම අයිතිය ලබාගත්තා.

චැම්පියන් නෙට්වර්ක් නමින් හදුන්වන එම්.ටී.වී. හා එම්.බී.සී. ආයතනවලට ලන්ඩන් ඔලිම්පික් උළෙල මෙරට විකාශය කිරිමේ අයිතිය හිමිව ඇති බව දෙස් විදෙස් මාධ්‍යෙව්දීන්ට නිල වශයෙන් දැනුම් දුන් අතර ඔවුන්ගේ රූපවාහිනී හා ගුවන්විදුලි නාලිකා හතක් මඟින් එය විකාශනය කිරීමට සැලසුම් කර තිබුණා.

මර්වින් කැළණියෙන් එළවන්නැයි ජනතාව පොල් ගසයි

තමාගෙන් පසු තම පුතා කැළණියේ රජකරවන බවට පුරසාරම් කියවන මර්වින් සිල්වා ඇමති වරයාව කැළණියේ ජනතාවට එපා වී ඇති බවයි වාර්තා වන්නේ.

ඔහුව කැළණියෙන් එලවා දමා දේශපාලන අකටයුතුකම් වලින් පීඩා විදින ජනතාවට යහපත් දේශපාලන නායකත්වයක් ලබා දෙන ලෙස යදිමින් කැළණියේ ජනතාව විසින් විභීෂණ දේවාලයේ දී පොල් ගසා කන්නලව් කල බවයි වාර්තා වන්නේ.

බුදුරජාණන් වහන්සේගී පාද ස්පර්ශය ලැබීමට තරම් පින් බිමක් වූ කැළණි පුරය මේ වන විට දූෂණයෙන්, වංචාවෙන්, මත් කුඩු වලින් පිරී ඇති බවයි ඔවුන් පවසන්නේ.

ඉතිරිකිරීමේ බැංකුවේ දූෂිත ගනුදෙනුව

ජනතාවගේ සතෙන් සතේ රුපියලෙන් රුපියල එකතුවෙන් ගොඩනැඟූ ජාතික ඉතිරිකිරීමේ බැංකුවේ මුදල් කාබාසිනියාකරමින් එහි සභාපතිගේ නියමය අනුව රුපියල් මිලියන 393ක් වියදම් කර "ද ෆිනෑන්ස්" සමාගමේ කොටස් අයිතියෙන් 13%ක කොටස් මිලදී ගැනීමට උත්සාහ කල දූෂිත ගණුදෙණුවට එරෙහිව ඊයේ අල්ලස් හා දූෂණ විමර්ශණ කොමිෂන් සභාවට පැමිණිල්ලක් ඉදිරිපත් කළා.

පසුගියදා සිදුකල මෙම ගනුදෙණුව වන විට කොටස් වෙළෙඳපොළේ "ද ෆිනෑන්ස්" සමාගමේඑක් කොටසක් විකිණෙමින් තිබී ඇත්තේ රුපියල් 32ක මිලකටය. නමුත් බැංකුව කොටස් මිලදී ගෙන තිබෙන්නේ රුපියල් 50කට ආසන්න මිලකටය. ඒ අනුව වංචා කර ඇති මුදල රුපියල් මිලියන 140ක් පමණවේ.

අද සිදුවන ගුරු මාරුව

• ලෝක විනාශය සීනිබෝල කතාවක්
• ලොව පුරා බිහිසුණු හදිසි අනතුරු
• තෙල් සම්පත ස්ථිරවම ලැබේ
• ජනපතිට යෝධ ශක්තියක් ලැබේ
• ධන කුවේරයන් තමන් වඩාත්ම පි‍්‍රය කරන තැනක් බවටත් ශ්‍රී ලංකාව පත්වේ
• රටේ ජනතාවගේ බඩගින්න නිවිලා ලංකාව ආසියාවේ ආශ්චර්යය කරා යන ගමනට අති විශාල රුකුලක්

"ගුරු මාරුව" යනු ජගත් චන්ද්‍රසිරිගේ වේදිකා නාට්‍යයකි. යම් යම් දේශපාලන පලිගැනීම් නිසාද "ගුරු මාරු" සිදුවේ.

නමුත් අද උදේ 9.35ට සිදුවන්නේ එවන් ගුරු මාරුවක් නොවේ. සෞරග්‍රහ මණ්ඩලයේ විශාලතම ග්‍රහයා වන බ්‍රහස්පති හෙවත් ගුරු ග්‍රහයා වෘෂභ රාශියට පිවිසීම නිසා සිදුවන ගුරු මාරුවයි.

රේනර් සිල්වා සීඅයිඞී නිලධාරීන්ට මෝටර් රථ තෑගි දෙයි !

දැනට සිංගප්පූරුවේ මවුන්ට් එලිසබත් රෝහලේ ප‍්‍රතිකාර ලබන කොළඹ දිස්ත‍්‍රික් පාර්ලිමේන්තු මන්ත‍්‍රී ආර්. දුමින්ද සිල්වා මහතාගේ සොයුරු හිරු නාලිකාවේ ප‍්‍රධානී රේනර් සිල්වා මහතා අපරාධ පරීක්‍ෂණ දෙපාර්තමේන්තුවේ අධ්‍යක්‍ෂක ජ්‍යෙෂ්ඨ පොලිස් අධිකාරී මහේෂ් පෙරේරා මහතාට සහ භාරත ලක්‍ෂ්මන් ඝාතන නඩුවේ විමර්ශන කටයුතු භාරව කටයුතු කරන සහකාර පොලිස් අධිකාරී ශානි අබේසේකර මහතා වෙත ජපානයෙන් මෝටර් රථ දෙකක් ඇනවුම් කර තෑගි දීමට යන බව අපරාධ පරීක්‍ෂණ දෙපාර්තමේන්තුවේ අභ්‍යන්තර ආරංචි මාර්ග අප වෙබ් අඩවිය වෙත අනාවරණය කර සිටී.

2013 අග මහ මැතිවරණයකට ජනපති සැරසේ

පළාත් සභා මැතිවරණ කිහිපයක් මෙම වසරේදී පවත්වා, ලබන වසර (2013) මැදදී හදිසි මහ මැතිවරණයක් පැවැත් වීමට ජනාධිපතිවරයා තීරණය කර ඇතැයි ආණ්ඩුවේ ජ්‍යෙෂ්ඨ අමාත්‍යවරයකු අප වෙත පැවසීය.

ආර්ථීක අර්බුදයන් හා ජාත්‍යන්තර බලපෑම් තව තවත් උත්සන්න වීමට පෙර මහ මැතිවරණයක් පවත්වා තමාගේ බලය ජාතික හා ජාත්‍යන්තර වශයෙන් ප්‍රදර්ශනය කිරීමට ජනාධිපතිවරයා බලාපොරොත්තුව සිටී.

ලබන වසරේ සැප්තැම්බර් මාසයේදී ශ්‍රී ලංකාවේ පැවැත්වීමට නියමිත පොදුරාජ්‍ය මණ්ඩලීය රාජ්‍ය නායකයින්ගේ සමුළුවට පෙර මෙම මහ මැතිවරණය පැවැත්වීමට ජනාධිපතිවරයා අදහස් කර සිටී. එම රාජ්‍ය නායක සමුළුවට සහභාගී නොවන බව කැනඩාව ඇතුලූ රටවල් කිහිපයක්ම දැනටමත් අනතුරු අඟවා තිබේ. එවැනි තත්ත්වයක් මතු වුවහොත් එය තමන්ගේ ගෞරවයට මෙන්ම ආණ්ඩුවේ පැවැත්මටද බරපතල පහරක් වන හෙයින් ඊට පෙර මහ මැතිවරණයක් පවත්වා තම ශක්තිය ජාත්‍යන්තරයට ප්‍රදර්ශනය කළ යුතු බව ජනාධිපතිවරයාගේ ස්ථාවරය වී ඇත.

ජනසංගණනය කොට උඩ

ජන සංගණනය අදාළ මූලික කටයුතු පසුගිය මාර්තු 27වනදා අවසන් වුවහොත් එම සංඛ්‍යාලේඛන එකින් එක විශ්ලේෂණය කරමින් අවසන් වාර්තාව සැකසීමේ කටයුතු අතරමඟ ඇණහිට තිබේ.

එකී කටයුතු සඳහා මාස කිහිපයකට කාර්යාලයක් සහ ඊට අවශ්‍ය මූල්‍ය ප්‍රතිපාදන ලබාදෙන ලෙස ජන හා සංඛ්‍යාලේඛණ දෙපාර්මේන්තුවේ ප්‍රධානියා කළ ඉල්ලීම, මුදල් අමාත්‍යාංශයේ ලේකම් ආචාර්ය පී.බී ජයසුන්දර මහතා විසින් මෙතෙක් නොසලකා හැර තිබීම එම තත්ත්වයට හේතු වී තිබේ.

ලලිත් වීරතුංග ඉන්දියාවට බැණ වැදුණේ ජනපති නියෝගයෙන් ?

Gota's War ග්‍රන්ථය එළිදැක්වීමේ අවස්ථාවේදී විශේෂ දේශනයක් කරන ජනාධිපති ලේකම් ලලිත් වීරතුංග මහතා ඉන්දියාවේ ක්‍රියාකලාපයන් දැඩිව විවේචනය කරනු ලැබුවේ ජනාධිපතිවරයාගේ නියෝගය මත බව ජනාධිපති කාර්යාලයේ ජ්‍යෙෂ්ඨ නිලධාරියකු අප වෙත පැවසීය.

ශ්‍රී ලංකාවේ පැවති යුද සමයේ දී ත්‍රස්තවාදීන්ට ඉන්දීය 'රෝ' සංවිධානය ආධාර අනුබල දුන් බව ජනාධිපති ලේකම්වරයා පැහැදිලි කළේ, ඉන්දියාවේ ශ්‍රී ලංකා මහ කොමසාරිස්වරයා එහි ඉදිරිපෙළ අසුන්ගෙන සිටිය දීමය.

සිවිල් ගැටුමකට මග පෙන්වන ගැටලු

යාපනයේ විරෝධතා මැයි දිනයේ දී සිංහ කොඩිය එසවීම ගැන අප කාටත් ප්‍රශ්නයක් වුනා. මොකද එහෙම එකඟත්වයක් අරන් තිබුනේ නැති නිසා. අනෙක් අතට දෙමල සන්ධානයට වඩුක්කොඩෙයි සම්මුතිය අනුව එහෙම කරන්න පුළුවන්ද කියල ප්‍රශ්ණයක් මතුවෙනව.

සිංහ කොඩිය ජාතික කොඩිය ලෙස පිළිගෙන නැති බවයි සාමාන්‍යයෙන් දෙමළ නායකයින් අතර පිළිගැනීම තිබුනේ. හුඟක් දෙමල අය හිතන්නේ එයින් සිංහල අධිපත්‍යයය ප්‍රකාශ වෙනව කියලයි. ඇරත් රනිල්- සම්බන්ධන් දෙන්නා එකතු වෙලා සිංහ කොඩිය ඔසවා ගැනීමෙන් දෙන්නගේ එකඟත්වයක් පෙන්නුම් කලා කියල විවේචනයකුත් ආවා.

නමුත් මේ නායකයින් ඒ ගැන එතරම් කලබල වුනේ නෑ. සම්බන්දන් කිව්වේ සිංහයා කාලි මෑනියන්ගේ වාහනය නිසා මේක දෙමල ජනතාවට ප්‍රශ්නයක් වෙන්නේ නෑ කියලයි. කාලා වරෙන්කෝ. ඒක අමුතු කතාවක්. ඒ අනුව සිංහයා ද්‍රවිඩ මහා සම්ප්‍රදායේ ලකුණක්.

ජෙනරාල් නිදහස් කරන්න අධිකරණයත් තීන්දු කරලා ?

ජෙනරල් සරත් ෆොන්සේකා මහතාට එරෙහිව සුදු කොඩි නඩුවට අදාළව මහාධිකරණය විසින් ලබා දුන් තීන්දුව අහෝසි කොට, ඔහුව එකී චෝදනාවලින් නිදොස් කොට නිදහස් කිරීමට, යුද සෙබළුන් දහදෙනෙකු නීත්‍යානුකූල නොවන ආකාරයෙන් රඳවා තබා ගැනීමට එරෙහිව ඔහුට පවරා ඇති නඩුවෙන් ඇප ලබා දීමටත් අධිකරණය විසින් තීන්දු කර ඇතැයි ඉතා විශ්වාසවන්ත කටයුතු ආරංචිමාර්ග වලින් වාර්තාවේ.

නීතිපති දෙපාර්තමේන්තුවේ සොලිස්ටර් ජෙනරාල් පාලිත ප්‍රනාන්දු මහතා මේ පිළිබඳව ජනාධිපතිවරයා වෙත දැනුම් දී ඇති අතර, අධිකරණය තීන්දුවට පෙර ජෙනරල් නිදහස් කිරීමට ජනාධිපතිවරයා තීරණය කර ඇත්තේ ඉන් අනතුරුවය.

ඇමරිකානු FBI නිලධාරීන් ඇමති සුසිල්ගෙන් ප්‍රශ්න කරලා

ඇමරිකාවේ FBI ආරක්ෂක නිලධාරීන් පිරිසක් පසුගියදා එරටට ගිය ඛනිජ තෙල් අමාත්‍ය සුසිල් ප්‍රේමජයන්ත මහතාගෙන් හා ඔහු සමඟ ගොස් සිටි ජාවාරම්කරුවෙකුගෙන් දීර්ඝ වශයෙන් ප්‍රශ්න කර තිබේ.

ඇමතිවරයා සමඟ එම සංචාරයට එක්ව සිටි එම ජාවාරම්කරුවා, පසුගිය යුද සමයේදී මෙරටට අවිආයුධ ගෙන්වීමේ අතරමැදියකු ලෙස කටයුතු කළ අයෙකි. යුද්ධය නිමාවීමෙන් පසුව ඔහු මෙරටට ඛනිජ තෙල් ගෙන්වීමේ මහා පරිමාන ජාවාරමක් සිදු කරයි.

Gota's War මෙහෙයුමෙන් බැසිල්ව නන්නත්තාර කරලා

පසුගිය 14වනදා බත්තරමුල්ල වෝටස්එජ් හි පැවති Gota's War ග්‍රන්ථය එළිදැක්වීමේ දේශපාලන මෙහෙයුමේදී, අමාත්‍ය බැසිල් රාජපක්ෂ මහතා සහ ඔහුගේ හිතවතුන් කොන්කිරීමට ලක්වී තිබේ.

අග්‍රාමත්‍ය ධූරය වෙනුවෙන් බලපෑම් කරන බැසිල් රාජපක්ෂ මහතාට එම උත්සවයේදී හිමි වූයේ නොවැදගත් තැනකි. එය ගෝඨාභය රාජපක්ෂ මහතාගේ හිතවතුන් සැලසුම් සහගතව කරන ලද්දක් බව වාර්තාවේ.

මෙම ග්‍රන්ථය එළිදැක්වීම ගෝඨාගේ දේශපාලන සම්ප්‍රාප්තිය සනිටුහන කිරීමක් වන අතර, ප්‍රවීන මාධ්‍යවේදී සී.ඒ. චන්ද්‍රප්‍රේම මහතා විසින් එය කල්යල් බලා එළිදක්වනු ලැබූ ග්‍රන්ථයකි.

සජිත්-මරා කුමන්ත්‍රණයක් ?

සජිත් ප්‍රේමදාස සහ රෙජීමාධිපතිවරයා අතර ඇති රහස් එකඟතාවයක් ගැන ඊයේ රෙජීමාධිපති එජාපය සමග පැවැති සාකච්ඡාවේදී එළියට පැන තිඛෙන බව 

අප අඩවිය වෙත දැනගන්නට තිබේ.

දනගන්නට ඇති පරිදි සිද්ධිය මෙසේය.

ප්‍රේමදාස ජනාධිපතිවරයාව හුන් අවදියේදී කොළඹ අලූත්කඩේ නීතිඥවරුන්ගේ කාර්යාල සංකීර්ණයට යාබදව නාගරික සංවර්ධන අධිකාරිය සතු ගොඩනැගිල්ලක් ලිඛිතව එක්සත් ජාතික පක්ෂයට පවරා දී තිබේ. පසුව එය සිරිසේන කුරේ මහතා තමාගේ කටයුතු සඳහා භාවිතා කර ඇත. සිරිසේන කුරේ එජාපයෙන් ඉවත් වූ පසු එම ගොඩනැගිල්ල එක්සත් ජාතික පක්ෂයට ලබා දී නැති අතර එහි විවිධ ව්‍යාපාර පවත්වාගෙන ගොස් ඇත. අසාද් සාලි මහතාගේ ගෑස් ගබඩාවක් ද එහි තිබිණ.

තම පක්ෂයට එහි භුක්තියක් නොමැති බැවින් එජාපය විසින් එහි බදු ගෙවීම අත්හැර දමා තිබේ. පසුව මේ මෑතකදී එහි හිඟ බදු ලෙස ලක්ෂ 45 ක් පමණ මුදලක් අයවිය යුතු බව වත්මන් ගෝඨාභයගේ යටතේ පවතින නාගරික සංවර්ධන අධිකාරිය විසින් එජාපයට දැනුම් දී තිබේ.

ජනරාල්ට නිදහස ?

ජනරාල්ට නිදහස දීම ගැන ටිරාන්-මරා එකිනෙකාගේ පිට කසා ගනිති

ජෙනරාල් ෆොන්සේකා නිදහස් කිරීමේ කාරණය මත රෙජීමාධිපති මරා සහ ටිරාන් හුලස් දෙදෙනා තම තමන්ගේ පිටවල් කසා ගන්නා ආකාරයක් පෙනී යයි. එංගලන්තයේ සිට පැමිණි ටිරාන් අද තම සගයා වන කිලී මහාරාජාගේ මාධ්‍යයට අදහස් දක්වමින් මෙසේ පැවසීය. 

"මං පිටරට සිට දැන් ටිකකට කලින් ලංකාවට පැමිණියේ. එතකොට මට ආරංචි වුනා ජනාධිපතිතුමා මෙවැනි ප්‍රකාශයක් කරලා තියෙනවා කියල හින්දු පුවත් පතට. එතුමා මා ගැන කරල තියෙන ප්‍රකාශය ගැන මා අගය කරන අතර අපි ජෙනරල් ෆොන්සේකා නිදහස් කර ගැනීම සඳහා මාස කීපයක් තිස්සේ මම ජනාධිපතිතුමා එක්ක සාකච්ඡා පවත්වලා තියෙනවා. මම නැවත හෙට සිට සාකච්ඡා පවත්වලා මෙතුමාව හැකි පමණ ඉක්මනින් නිදහස් කර ගැනීමට කටයුතු කරනවා."

ඡන්ද වලට බිය කව්ද ? මෙන්න සාක්කි !

ඡන්ද වලට මුහුණ දීමට විපක්ෂය බිය වී ඇතැයි ආණ්ඩුව ගෙන යන ප්‍රචාරක කුමන්ත්‍රණයේ සත්‍ය කුමැක්දැයි මෙසේ ලිපි ලේඛන සහිතව හෙලි කිරීමට 

අප අඩවිය වෙත හැකි වී තිබේ.

උතුරුමැද පළාත් සභාව විසිරුවීමට එරෙහිව තහනම් නියෝගයක් ලබා ගත්තේ ආණ්ඩුවේම වුවමනාවට බව 

අප අඩවිය වාර්තා කෙළේ පසුගිය 12 වෙනිදාය. එම නියෝගය ලබාගත් එජාපයේ අනිල් රත්නායක නම් උ.මැ. පළාත් සභා මන්ත්‍රීවරයා සජිත් පිලේ පුද්ගලයෙක් බවත් ඒ වෙනුවෙන් කතාකළ නීතිඥ වරයා කව්දැයි යන්න බවත් එම පුවතින් අනාවරණය කෙළේය. සජිත් එකක් කියා තම හෙංචයියා ලවා තව එකක් කරවමින් කරවන ලද කුමන්ත්‍රණය හෙළි කෙළේය. අද එහි සාක්ෂි තවදුරටත් හෙළි කරමු. 

එම සිදුවීම පාදක කරගෙන විපක්ෂය මැතිවරණ වලට බිය යැයි මතයක් ආණ්ඩුව දැන් ගෙන යමින් තිබේ. එම මතය ජය ගැනීම සඳහා ඉහත කුමන්ත්‍රණය ගෙන ආ නමුත් සැබෑ වශයෙන් මැතිවරණයකට බිය වූයේ කව්දැයි මෙහි දැක්වෙන ලිපියෙන් සනාථ වේ.

නීතියේ වෛශ්‍යාව නිරුවතින් ?

අධිකරණ ඉතිහාසයේ කළු පැල්ලමක්: හේතු නොදක්වා ජනතාවගේ මූලික අයිතියක් නිශ්ප්‍රභා කරයි

අගවිනිසුරුවරිය ඇතුළු ශ්‍රී ලංකාවේ ශ්‍රේෂ්ඨාධිකරණයේ හෙළුවැල්ල මොනවට ප්‍රදර්ශණය කරමින් වෙබ් අඩවි වාරණය කිරීමට එරෙහිව පැවරූ මූලික අයිතිවාසිකම් පෙත්සම කිසිදු හේතු දැක්වීමකින් තොරව අද ප්‍රතික්ෂේප කෙළේය. මෙය අධිකරණ ඉතිහාසයේ මෙතෙක් සිදුනොවූ දෙයකි. පෙත්සමක් නිෂ්ප්‍රභා කරන හේතුව ශ්‍රේෂ්ඨාධිකරණය විසින් දැනුම් දිය යුතුය. නමුත් අද එය සිදුවූයේ නැත.

වෙබ් අඩවි 5 ක් විදුලි සංදේශ නියාමන කොමිසම විසින් ශ්‍රී ලංකාව තුල කියැවීම වාරණය කිරීමෙන් ජනතාවගේ තොරතුරු දැනගැනීමේ මූලික අයිතිය උල්ලංඝනය වූ බව පවසමින් නිදහස් මාධ්‍ය ව්‍යාපාරය විසින් මෙම නඩුව පවරා තිබිණ. නිදහස් මාධ්‍ය ව්‍යාපාරය වෙනුවෙන් ජ්‍යෙෂ්ඨ නීතිඥ ෙජ්.සී. වැලිඅමුණ මහතා පෙනී සිටියේ ය.

අගවිනිසුරුවරිය ඇතුළු ශ්‍රේෂ්ඨාධිකරණයේ ත්‍රිපුද්ගල විනිසුරු මඩුල්ල විසින් හේතු නොදක්වා මෙම පෙත්සම නිෂ්ප්‍රභා කිරීමට එරෙහිව ජිනීවාහි මානව හිමිකම් කොමිසම වෙත පැමිණිලි කරන බව නිදහස් මාධ්‍ය ව්‍යාපාරයේ කැඳවුම් කරු සුනිල් ජයසේකර මහතා 

අප වෙත පැවසීය.

ජාතික ඉතිරිකිරීමේ බැංකුවේ සභාපති වූ අගවිනිසුරුවරියගේ සැමියා සහ සොරුකල්ලිය විසින් මහජන මුදල් කාබාසිනියා කරමින් කළ සාපරාධී දූෂිත ගණුදෙනුව හෙළි වීමත් සමග අගවිනිසුරුවරියගේ ද රෙද්ද ගැලවීම වසා ගනු වස් පසුගිය දින කිහිපයේ යම් යම් වෙබ් අඩවි හරහා ඇය සුදනා වීමේ වැඩ පිළිවෙලක් ගෙන ගියා ය. විනිසුරුවරුන් පිරිසක් පැමින ඇයට අධිකරණ ස්වාධීන වියයුතු යැයි කී බවත් ඒ අනුව ඇය සමග ජනාධිපති තරහා වී සිටින බවත් මෙම ප්‍රවෘත්ති වලින් පැල කෙරින.