ඇමතිතුමනි, My name is Khan I am not a terrorist (මගේ නම ඛාන්, මම ත්‍රස්තවාදියෙක් නොවෙයි) සිනමා පටය ඔබ නරඹා තිඛෙන්නටත් නොතිඛෙන්ටත් පුළුවන. දැන් මා ඔබට කියන්නට යන්නේත් එවැනි කතාවකි. ''මගේ නම සුනන්ද දේශප්‍රිය ය. මම ත්‍රස්තවාදියෙක් නොවෙමි'' යනු එහි තේමාවයි.
නිවියෝක් නුවර ලෝක වෙළද මධ්‍යස්ථානයට එල්ල කරන ලද ත්‍රස්තවාදී ප්‍රහාරයෙන් පසු ඛාන් යන මුස්ලිම් නම දැරූ නිසා පමණක්ම මිනිසෙකුට මුහුණ දීමට සිදු වූ අසාධාරණය ''මගේ නම ඛාන්, මම ත්‍රස්තවාදියෙක් නොවෙයි'' යන සිනමා පටයේ තේමාව වේ. නිවියෝක් නුවර එම ලෝක වෙළද මධ්‍යස්ථානයට එල්ල වූ ම්ලේච්ජ ප්‍රහාරය හේතු කොට ගෙන ඇමෙරිකානු ජනයා තුළ ඇතිවූ බිය මුසු වෛරය ඇමෙරිකාවෙහි ජීවත්වන සාමාන්‍ය මුස්ලිම් ජනයා වෙත මුදා හැරීමට විවිධ අන්තවාදී පිරිස් උත්සාහ කළහ. සිනමා පටය දිග හැරෙන්නේ එම වටපිටාව තුළ ය.
