මුස්ලිම් ජාතිකයන් විසින් සිය ආහාර ලබාගැනීමට ප්‍රථම පහතින් කුරාණයේ දැක්වෙන ආකාරයට ආකාරයේ මාංශ එම ආහාරයන්හි අඩංගු දැයි යන්න සොයා බැලිය යුතුය.ඉස්ලාමීය ඉගැන්වීම් තුළ හලාල් හෙවත් අනුමත දේ සහ හරාම් හෙවත් තහනම් දේ පිළිබඳ එලෙස සංකල්පයක් ඉදිරිපත් කොට ඇත.
අද වනවිට මේ සංකල්පයට අනුව ලාංකේය වෙළෙඳ භාණ්ඩ 4,500කට අධික ප්‍රමාණයක් හලාල් සහතිකය ලබාගෙන ඇති අතර ඒ තුළ මුස්ලිම් ජනතාවට හලාල් හෙවත් අනුමත නිෂ්පාදනයන් ලබාදෙන්නට මෙරට ව්‍යාපාරිකයන් කටයුතු කොට ඇත.
එහෙත් හලාල් (අනුමත) සහතිකය ලබාදීම සඳහා වූ එම සහතිකය ලබාදෙන සමස්ත ලංකා ජමියතුල්ලා උලමා සංවිධානය අදාළ වෙළෙඳ ආයතන තුළින් විශාල මුදලක් අයකර ගැනීමත් ඒ සඳහා වූ කොන්දේසි කිහිපයක් හිමි කිරීමක් මත වෙනත් අරමුණු ඉටු කරගැනීමේ මෙහෙයුමක් දියත් කරන්නේදැයි සැකයක් සමාජය තුළ උද්ගතව තිබේ.
