එක්සත් ජාතීන්ගේ මානව හිමිකම් කවුන්සිලයේ යෝජනාව නිසා සිදුවූ ප්‍රධානම දෙය ලංකාවට ලැජ්ජා කිරීමයි. සමරසිංහ ඇමතිතුමා දිගින් දිගටම කිව්වේ තම පාලනය උගත් පාඩම් හා සංහිදියා කමිටු නිර්දේශ ක්‍රියාත්මක කරන බවයි. එය ආරම්භ කර ඇති බවටත් ඔහු පුන පුනා කිව්ව. ඒත් එය පිළිගන්නට ආණ්ඩුවේ ගජ මිතුරා වූ ඉංදීය පාලකයින්ටවත් හැකි වුනේ නෑ.
ඒ නිසා ඔවුන් ද එයට එකඟවී යෝජනාවට සංශෝධනයක් මතු කරමින් එයට හවුල් වුනා. අල්ලපු රටත්, දිගටම මහින්ද සමඟ සිටි සගයාත්, නායකයාත් මේ විදියට මහින්දට විරුද්ධවීම තුලින් ලොකු ලැජ්ජාවක් රජයට ඇති කලා.
ඇත්තටම ඇමරිකාවත්, ඉංදියාවත්, ඊශ්‍රායලයත් මේ රජයට ලොකුවටම යුද්ධයට උදව් උපකාර කල රටවල්. මේ යුද්දයේදී ලංකාව වැරදි කලා නම්, අපරාධ කලා නම් ඒ රටවල් වුනත් එයට අනියම් ලෙස පැටලෙනවා. ඔවුන්ට ඒකෙන් බේරෙන්න බෑ.
