Gossip Lanka News ~ හොඳම ටික විතරමයි
ආණ්ඩුවට සම්බන්ධ ප‍්‍රධාන පෙළේ ප‍්‍රාදේශීය දේශපාලඥයෙකු තංගල්ල වෙරළ සංචාරක හෝටලයකදී බි‍්‍රතාන්‍ය ජාතික සංචාරයකු ඝාතනය කළේ යැයි කියන සිද්ධිය හේතුවෙන් සංචාරක ව්‍යාපාරය කඩා වැටීමේ දැඩි අනතුරුදායක තත්ත්වයක් උදා වී තිබෙනවා. එම නිසා මේ සිද්ධිය සම්බන්ධයෙන් ස්වාධීන කොමිසමක් ඔස්සේ විධිමත් සාධාරණ සහ අපක්ෂපාතී පුළුල් පරීක්ෂණයක් කර සංචාරක ව්‍යාපාරය රැක ගැනීමට ආණ්ඩුව වහාම ක‍්‍රියා කළ යුතු බව ඊයේ (28) කොළඹ විපක්ෂ නායක නිලනිවසේ පැවති මාධ්‍ය සාකච්ජාවක් අමතමින් එජාප පාර්ලිමේන්තු මන්ත්‍රී රවී කරුණානායක මහතා කියා සිටියේය.
ලෝක සෞඛ්‍ය සංවිධානය නිකුත් කළ නවතම වාර්තාවකට අනූව ජංගම දුරකථන භාවිතය පිලිකා රෝගය ඉහළ යෑමට හේතු වී ඇති බව අනාවරණය වී තිබේ.
“අහිංසක ළමයින්ගේ විභාග ප්රතිඵල විකෘති කරලා මේ ආණ්ඩුව නිකුත් කරනවා“ හිටපු යුද හමුදාපති සරත් ෆොන්සේකා මහතා මෙසේ පැවසුවේ භෞත චිකිත්සක ප්‍රතිකාර සඳහා ඊයේ(28) කොළඹ පෞද්ගලික රෝහලකට රැගෙන ආ අවස්ථාවේදී මේ දිනවල දැඩි කතාබහට ලක්වන උසස් පෙළ විභාගයේ ප්රතිඵල පිළිබඳව අදහස් දක්වමිනි.
මේ උසස් පෙළ ප්රතිඵල අවුල ඇති කළේ ජාතියට ‘‘ගේම් එකක්’’ දීමටයි. මේ රටේ විභාග දෙපාර්තමේන්තුව කෙරෙහි ජනතාව තුළ අචල විශ්වාසයක් තිබුණා. ඒ දෙස ජනතාව බැලූවේ ‘‘රන් දෙවොලක්’’ දෙස බලන ආකාරයටයි. අද මේ ප්රතිඵල අවුලත් සමග ඒ රන් දෙවොලට තිබූ පූජනීයත්වය විනාශ වී තිබෙන බව ජාතික නිදහස් පෙරමුණ පවසයි.
