ඉඩම් අමාත්‍ය ජනක බණ්ඩාර තෙන්නකෝන් මහතාට පහරදීමේ අරමුණද සහිතව සැලසුම් කොට කි‍්‍රයාත්මක කළ දඹුල්ල පල්ලිය කඩා බිඳ දැමීමේ මෙහෙයුම මේ වනවිට ජනාධිපතිවරයාට පාරා වළල්ලක් වී ඇතැයි ආණ්ඩුවේ අභ්‍යන්තර ආරංචි මාර්ග සඳහන් කරයි.
ජනාධිපතිවරයාගේ උපදෙස් මත ඉනාමළුවේ සුමංගල හිමියන් සහ මත්පැන් නිෂ්පාදක ලක්‍ෂ්මන් වසන්ත පෙරේරා මන්තී‍්‍රවරයා විසින් මෙහෙය වන ලද දඹුල්ල පල්ලිය කඩා බිඳ දැමීමේ මෙහෙයුමේදී ජනක බණ්ඩාර තෙන්නකෝන් ඇමතිවරයාද ඔවුන්ගේ ඉලක්කයක් බවට පත්විය.
ලක්‍ෂ්මන් වසන්ත පෙරේරා මන්තී‍්‍රවරයාගේ ලක් එෆ්.එම්. ගුවන් විදුලියත්, ඉනාමළුවේ හිමියන්ගේ රංගිරි දඹුලූ ගුවන් විදුලියත් පසුගිය දින කිහිපය පුරා ආගම්වාදය අවුළුවාලීමට කටයුතු කළ අතරම, ජනක බණ්ඩාර තෙන්නකෝන් මහතාට එරෙහිව අවලාද ව්‍යාපාරයක්ද කි‍්‍රයාත්මක කළේය.
