මෙවර ශී‍්‍ර ලංකා කි‍්‍රකට් නිලවරණයේදී තිලංග පාර්ශයෙන් ප‍්‍රධාන තනතුරු පහට නාමයෝජනා ලබාදුන් අය අතරින් තිදෙනෙකු නිතරගයෙන් තේරීපත්වීමට නියමිතව ඇතැයි වාර්තා වේ.
වසර 2003 ඔක්තෝබර් 15 වැනිදා සම්මත කරගත් ශී‍්‍ර ලංකා කි‍්‍රකට් ආයතනයේ ව්‍යවස්ථාවට අනුව ශී‍්‍ර ලංකා කි‍්‍රකට්හි තනතුරු දරන්නන් සම්බන්ධයෙන් වන 11 වැනි වගන්තියේ එහි ප‍්‍රධාන තනතුරු දැරීමට සමුපූර්ණ කළ යුතු සුදුසුකම් කිහිපයක් තිබේ.
එම වගන්තියට අනුව ශී‍්‍ර ලංකා කි‍්‍රකට්හි ප‍්‍රධාන නිල පහට ඉල්ලූම් කරනු ලබන පුද්ගලයින් පළමු පෙළ කි‍්‍රකට් කී‍්‍රඩා කර තිබීම අනිවාර්ය වන අතරම, අවසන් වසර 15 ඇතුළත ශී‍්‍ර ලංකා කි‍්‍රකට්හි විධායක කමිටුවේ සමාජික ධූරය දැරීම ද අනිවාර්ය වේ.
ජයන්ත පාර්ශවයෙන් උප සභාපති තනතුරක් සඳහා ඉදිරිපත්ව සිටින අසංග සෙනවිරත්නටද, උපලේකම් ධූරය සඳහා ඉදිරිපත්ව සිටින ජෙරාඕ හිරන්ත පෙරේරාටද එම අවස්ථාව අහිමි වනු ඇතැයි පැවසේ.
