කොළඹ ජායික්‌ හිල්ටන් හෝටලයේදී ඇමති පුතුන්ගේ ප්‍රහාරයකට ලක්‌වූ යුද හමුදා බුද්ධි බළකායේ මේජර්වරයාට හමුදා නීතියට අනුව දඬුවම් නියම කිරීමට අදාළ තම නිර්දේශය එම බළකායේ බළකාධිපති වෙත ඉදිරිපත් කළ බව යුද හමුදාපති ලුතිනන් ජෙනරාල් ජගත් ජයසූරිය පවසා තිබෙනවා.ඒ අනුව ඔහු හමුදාවෙන් ඉවත් කිරීම හෝ වෙනත් දඬුවමක්‌ නියම කිරීමට හැකි බවත් එයට මේජර්වරයා එකඟ නොවී යුද අධිකරණයක්‌ ඉල්ලා සිටිය හොත් තමා යුද අධිකරණයක්‌ පත්කරන බවයි ලුතිනන් ජෙනරාල් ජගත් ජයසූරිය පවසා තිබෙන්නේ.
බුද්ධි බළකායේ මේජර් චන්දන ප්‍රදීප් සුසෙන් තම රාජකාරි ගිනි අවිය රැගෙන හමුදාවෙන් ඔහුට නොපැවරූ රාජකාරිමය නොවන ක්‍රියාවක නිරතව ඇති බැවින් ඔහු දඬුවම් ලැබිය හැකි වරදක්‌ කර ඇති නිසා ඔහුට එරෙහිව දඬුවම් පනවන ලෙස නිර්දේශ කරමින් යුද හමුදාපතිවරයා විසින් සන්නද්ධ බුද්ධි බළකාධිපති මේජර් ජෙනරාල් ප්‍රසාද් සමරසිංහ වෙත පෙරේදා (09 දා) දැනුම් දී ඇත.
පහරදුන් ඇමති පුත් මාලක සිල්වා විදේශ අධ්‍යාපනය සඳහා පිටත්වන යන බව මුලින් අධිකරණයට පැවසුවද පසුව දන්වා සිටියේ ඔක්තෝබර් දහ වනදා (ඊයේ) විදේශ සංචාරයක නිරතවන බවයි.
මේ අනුව මෙම පහරදුන් ඇමති පුතුන් නිදොස්ව විදෙස් සංචාර කරන අතරතුරේ පහරකෑ මේජර්ගේ තරු ගැලවීමට නියමිතය.
Source: http://www.gossip9.com/2012/10/blog-post_11.html#ixzz28yOEzeXT
