යම් මන්ත්‍රීවරයෙක් මාස 3 ක කාලයක් නොකඩවා පාර්ලිමේන්තුවට නොපමිණෙන්නේ නම් එවැන්නකුගේ මන්ත්‍රී ධූරය අහිමිවී යන යන අතර මන්ත්‍රී ධූරයේ කටයුතු නිසි ආකාරව කිරීමට නොහැකි ලෙස මානසික දුර්වලතාවයක් හෝ ආබාධයක් පවතින බවට අධිකරණය විසින් තීන්දු කරනු ලැබූ විටද මන්ත්‍රී ධූරය අහෝසි වෙනවා.
පාර්ලිමේන්තු මන්ත්‍රී දුමින්ද සිල්වා මහතා දැනට සිටිනුයේ මාස 03 ක නිවාඩු පිට බැවින් මෙම කාලය ඉක්ම ගියපසු අවශ්‍යය නම් තවත් මාස 03 ක කාලයකට ඔහුට නිවාඩු අනුමත කරගැනීමේ හැකියාව පවතිනවා.
මේ අනුව දුමින්ද සිල්වාගේ පාර්ලිමේන්තු මන්ත්‍රී ධූරය අහෝසි වීමට බොහෝදුරට ඉඩ ඇති නිසා එම පුරප්පාඩුවට රෝහිත බෝගොල්ලාගම මහතා පත් වීමට නියමිත බවයි දේශපාලන ආරංචිමාර්ග සඳහන් කරන්නේ.
කොළඹ දිස්ත්‍රික් මනාප ලයිස්තුවේ මීලඟ වැඩිම මනාප ලබාගත් අපේක්ෂකයා වන චන්දනකත්‍රි ආරච්චි මහතාට විරුද්ධ නඩුව සමථයකට පත් වුවද ඔහු අධිකරණය හමුවේ වරදකරුවෙකු වී ඇති බැවින් ඔහුට මන්ත්‍රී ධුරයක් ලැබීමට තිඛෙන නීත්‍යානුකූ අයිතිය අහිමිවී ඇති නිසා නිසා බෝගොල්ලාගම මහතාට අවස්ථාවක් ලැබීමට හේතුවක් වී තිබෙනවා.
බෝගොල්ලාගම මහතා කත්‍රිආරච්චි මහතාට පසුව මනාප හිමිකරගෙන සිටින තැනැත්තායි.
හිටපු විදේශ ඇමතිවරයකු වන බෝගොල්ලාගම මහතා, ඇමතිවරයෙකුව සිටි කාලයේ දී කල අධික නාස්තිකාර වියදම් මෙන්ම ඔහුගේ විදේශ සම්බන්ඳතා ගැන රජයේ ප්‍රධානීන් යළිත් කතා කරන්නට පටන් ගෙන ඇතැයි ද පැවසෙනවා.
හිටපු විදේශ අමාත්‍ය රෝහිත බෝගොල්ලාගම මහතා විදේශ අමාත්‍යවරයා වශයෙන් සිටි මාස 39ක කාලය තුලදි විදේශ සංචාර 36ක යෙදී ඇති අතර, ඒ වෙනුවෙන් රුපියල් විසිහත් කෝටි හැටහත්දාස් හයසිය විසිහයක මුදලක් රජය වැයකර තිබෙනවා.
2007 ජනවාරී 30 වනදා සිට 2010 අප්‍රියෙල් 22 දක්වා සිදුකළ මෙම සංචාර 36න් ඉන්දියාවට දසවාරයක්ද, චීනයට සිව් වාරයක්ද, ඇමරිකා එක්සත් ජනපදයට සිව් වාරයක්ද, එක්සත් රාජධානියට අට වාරයක්ද ගොස් ඇතැයි සදහන් වෙනවා.
නිව්යෝර්ක් නුවර හෝටලයක පැවති බෝගොල්ලාගමගේ දුවගේ උපන්දින සාදයේ බිල ලක්ෂ 45ක් වූ අතර එම මුදල් ද විදේශ අමාත්‍යාංශයේ මුදල් වලින් ගෙවීමට උත්සාහ කර තිබුණා.
Source : http://www.gossip9.com/2012/03/blog-post_3414.html#ixzz1oLKLtsdQ
