එම වැඩසටහන මඟින් හෙළිකරනු ලැබුවේ ඔහු සහ සමාගම විසින් එකම ඉඩම කිහිප දෙනෙකුට විකිණීම සහ ගස් විකිණීම සම්බන්ධවයි.තව දුරටත් එහි කියවුනේ දේවසුරේන්ද්‍ර සහ ඔහුගේ ගෝල බාලයෙකු වෙන කුමාර නම් අය මිනිසුනේගෙන් මුදල් ලබාගෙන කිසිම ගසක් හෝ ඉඩමක් ලබා නොදී ඇති බවය.
නෙත් එෆ්එම් බලුම්ගලෙහි 'දේවසුරේන්ද්‍ර' ලෙස හඳුන්වා දුන් ඔහු ගැන අපි අපේ පාඨකයන්ට හරි විධයට හඳුන්වා දීමට තීරණය කරේ 'දේවසුරේන්ද්‍ර' ගේ වංචාකාර වැඩ වලට තවදුරටත් හසු නොවීමටය.ඔහු නමින් 'අජිත් දේවසුරේන්ද්‍ර ය'.කොළඹ ව්‍යාපාරික ලෝකයේ ඔහු තරම් ලංකාවේ 'බැඳුම්කර සහ මුදල් වෙළඳපොල' ජගතෙකු නැති තරම්ය.
ඒ වගේම නෙත් එෆ්එම් හි හෙළිදරව් කරා සේම තමන් වංචාකොට හසු වෙන විට සුපුරුදු පරිදි වෙන කෙනෙකුට තම දුරකථන ඇමතුම් සියල්ල ෆොර්වර්ඩ් කර ඇති බවට දේවසුරේන්ද්‍ර රඟපායි.
මෙම මතුරට වැවිලි සමගම (Maturata Plantations ) යනු දැනට කොටස් වෙළඳ පොලෙහි ලැයිස්තුගත සමාගමක් වන කටාර් ඇලෝසියස් ගේ ෆ්‍රී ලංකා කැපිටල් ( Free Lanka Holdings ) ආයතනයට අයත් සමාගමක් වන අතර ෆ්‍රී ලංකා කැපිටල් කොටස් මිලියන 300 ප්‍රමාණයක් 2011 මාර්තු 17 මහජනතාවට කොටසක මිල රුපියල් 5 වැනි මිලකට අලෙවි කරන ලදි නමුත් එහි පළමු දින කිහිපයේදීම එහි අධ්‍යක‍ෂක මණ්ඩලය (අජිත් දේවසුරේන්ද්‍ර ඇතුළුව) මහජනයාට විකුණා දමා ඇති අතර එම කොටසක දැනට පවතින මිල රු.1.90 සිට 2.10 අතර පවතී.
මෙම සමාගමද සිදුකලේ ආයෝජකයන් මුලා කිරීමයි. ඒ එය මහජන නිකුත්තුවට පෙර සිටම ප්‍රයිවට් සෙල් අවුට් (Private Sell Out ) ක්‍රමයට කොටස් ප්‍රමාණයක් බ්‍රව්න්ස් ඉන්වෙස්ට්මෙන්ට්ස් සමාගමත් පපෙචුඅල් හෝල්ඩින්ග්ස් සමාගමත් පෞද්ගලික ආයෝජකයන්ට විකුණා ඇති අතර එය මහජනතාවට දැනුම් දීමට අවශ්‍ය නැති වූ බවයි.
ඒ සම්බන්ධයෙන් එකල බ්‍රවුන්ස් සමාගමේ අධ්‍යක්ෂක වරයකු වෙන රිමු සල්ඩින් (හිටපු ෂෙල් ගෑස් ලංකා මූල්‍ය අධ්‍යක්ෂක -ෂෙල් සමාගම විකිණීමට ඔන්න මෙන්න තිබියදී ඔහු බ්‍රව්න්ස් සමාගමට පනින ලදී) පුවත් පත් වලට පවසා ඇත. ෆ්‍රී ලංකා කැපිටල් ( Free Lanka Holdings ) කොටස් වෙළඳපොලේ ලැයිස්තු ගත කීරීමත් සමගම LOLC හි ඉෂාර නානායක්කාර ඇතුළු ව අජිත් දේවසුරේන්ද්‍රත් ක්‍රමයෙන් හෙමින් හෙමින් තම කොටස් හලන්නට පටන් ගත්තේය.නමුත් දැන් දේවසුරේන්ද්‍ර ගේ ෆ්‍රී ලංකා හි අයිතිය 0.88% සිට 0.60% අඩුවී ඇත්තේ කොටස් මිලියන 12 ක පමණ සිට මිලයන 8 දක්වා අඩු වීමෙනි.
කව්ද මේ අජිත් දේවසුරේන්ද්‍ර ?
ඔහු මෑත කාලයේ ශ්‍රී ලංකාවේ පහලවූ ශ්‍රේෂ්ටතම ජිල්මාර්ට් කාරයා ලෙස හැඳින්විය හැකිය. කොටින්ම කියනවානම් ඔහු ශ්‍රී ලංකාවේ 2010 වසරේ සිට බිලියන පතියෙකු වී ඇත්තේ මූල්‍ය ජිල්මාර්ට් කොට ඔහු වටා ඉන්න සගයන්වද කෝටිපතියන් හා තව තවත් බිලියන පතියන් කිරීමෙනි.
2004 ජුලි මස අග බාගයේ First Capital Treasuries හි ඔහු සතු 20% අයිතිය සහ First Capital Limited හි ඔහු සතු 11% කොටස් විකුණා දමා තමාගේම ජීවිතයේ නව අරුණලු සොයායන බව පවසා එකල LOLC ප්‍රමුක ඉෂාර නානායක්කාරට එකතුවුනේ ෆර්ස්ට් කැපිටල්ට අයිතිව තිබූ ෆර්ස්ට් කැපිටල් ඩී.එස්.ඒ සෙකුරිටීස් කොටස් තරව්කාර සමාඟම විකුණා දැමීමෙන් පසුවය. කෙසේ නමුදු ඉන් පසු තැප්‍රෝබේන් (Taprobane) නම් ආයතනයක් පිහිටවාගෙන ඉෂාර නානායක්කාරගේ කොටස් හිමිව තිබූ බ්‍රවුන්ස් (Browns) ආයතනයත් එක් කරගෙන අජිත් ලසන්ත දේවසුරේන්ද්‍ර (Ajith Lasantha Devasurendra) ලංකාවේ මූල්‍ය වෙළඳපොල ජිල්මාර්ට් මාලාවකින් විජාබාහු කරන්නට පටන් ගත්තේ දේශපාලන පිහිටද සමඟය.
අජිත් දේවසුරේන්ද්‍ර ගල් ඔය හෝල්ඩින්ග්ස් හා රෝයල් ෆර්න්වුඩ් පෝසිලෙන් හි සභාපතිය ඒ වගේම මුතුගල වතුයායේ, මතුරට වතුයායේ සමාගම් වල අධ්‍යක්ෂක වරයෙකි. ඔහු LOLC සමාගමට අයත් සහ බ්‍රව්න් සහ සමාගමට අයත් ආයතන කීපයකම අධ්‍යක්ෂක දූරය දරයි. තවද කොතරම් වංචාකාරයෙක් වුවද ශ්‍රී ලාංකීය මහා බැංකු අධිපති අජිත් නිවාර්ඩ් කබ්රාල් ගේ යහළුවෙකු නිසා අජිත් දේවසුරේන්ද්‍ර සෙලාන් බැංකුවේ මෙන්ම ද ෆිනෑන්ස් සහ සමාගමේද අධ්‍යක්ෂකයකු වී ඇත්තේ කොටස් මිලදී ගැනීමෙනි.
පසුගිය දිනවල ශ්‍රී ලංකාවේ ඉංග්‍රීසි මාධ්‍ය වෙබ් අඩවිත් පුවත්පතුත් පල කර ඇති වාර්තා අනුව අජිත් දේවසුරේන්ද්‍ර ඇතුළු පපෙචුඅල් කැපිටල් හි අර්ජුන් ඇලෝසියස් තමන් සතු කොටස් (ලැයිස්තුගත සමාගම් හි ) බොහෝ ප්‍රමාණයක් මහා බැංකු අධිපති නිවාර්ඩ් කබ්රාල් ගේ අධීක්ෂණයට හසුවන සේවක අර්ථසාධක අරමුදලට විකුණා ඇත.
සමහර කොටස් වෙළදපොල ආරංචි මාර්ග පවසන්නේ පහුගිය දිනවල සේවක අර්ධ සාධකෙන් කොටස් වෙලදපොලේ සමහර ආයතන වල කොටස් මිලදී ගත් සෑම විටකම නිවාර්ඩ් කබ්රාල් කොටසකට රුපියලක් හෝ සත පනහක් බැගින් 'කික් බැක්' එකක් චාර්ජ් කල බවයි.
ලංකාවේ බොන්ඩ් කින්ග් ලෙස හඳුන්වන අජිත් දේවසුරේන්ද්‍ර වටා ඉන්න සියලූම දෙනා අද ජිල්මාට් කාරයන් වී හමාරය එකෙක් නම් කොටස් වෙළඳපොල 2011 සිට කා දැමීමට වගකිවයුතු දිනාල් විජේමාන්න (Dinal Wijemanne) සහ අනෙකා කට්ට කරෝල විකුණන ෆ්‍රී ලංකා සභාපති කටාර් ඇලෝසියස් මුදලාලිගේ මුණුබුරෙකු වන අර්ජුන් ඇලෝසියස්ය.
අනෙකා විනිමය සහ සුරැකුම්පත් කොමිසන් සභාවෙන් නෙරපූ මලික් කාදර්ය, තවත් එකෙක් PC House හි අධිපති Mohomad Rishan ය තවත් එකෙක් නම් ඉස්සර සෙලින්කෝ යටතේ හැදුනු වැඩුණු ලංකාවේ ලොකුම පොලූ කාරයා ලෙස හැඳින්වෙන ලලිත් කොතලාවලගේ සෙලින්කෝ මනී බ්‍රෝකර්ස් සමාඟමේ වැඩ කරපු අද නවාරා කැපිටල් හි අධිපති හර්ෂ ද සිල්වාය.
අප හෙලි කරනු ලබන වංචාකාරයන් විසින් අල්ලස් ලබා දෙනු ලැබූ අවස්ථා එයට අදාල විවිධ සාක්ෂි අප අතර ඇති අතර නුදුරු අනාගතයේදී ඒවාද හෙලි කිරීමට බලාපොරොත්තු වෙමු. මෙවැනි පුද්ගලයන් පිලිබඳ නීතිමය ක්‍රියාමාර්ග ගැනීමට බලධාරීන් මැදිහත් වූ අවස්ථාවන් හී ද එයට එරෙහි වූ පුද්ගලයන් පිලිබඳ වද බොහෝමයක් තොරතුරු අප අතර පවතී.
ඒවා නැවත යට නොගැහිය හැකි ආකාරයෙන් නීතිමය ක්‍රියාමාර්ග ගැනීමටද කටයුතු කරන බව සතුටින් දන්වමු.
- ජනක ආටිගල
අජිත් දේවසුරේන්ද්‍ර සම්බන්දයෙන් පලවූ නෙත් එෆ් එම් බැලුම්ගල වැඩසටහන පහතින් අහන්න
-
Source: http://www.gossip9.com/2012/03/blog-post_9572.html#ixzz1pHqn7k1s
