දකුණු කොරියාවේ බූසාන් නගරයේ කැරෝකේ අවන්හලක සෙනසුරාදා ඊයේ (05) රාත්‍රියේ ඇති වූ ගින්නකින් ශ්‍රී ලාංකිකයන් තුන් දෙනෙකු ඇතුලූ පුද්ගලයන් 9 දෙනෙකු ජිවිතක්ෂයට පත්ව තිබේ. දකුණු කොරියානු යොන්හැප් ප්‍රවෘත්ති සේවය සඳහන් කළේ සය මහල් ගොඩනැගිල්ලේ ඉහළ මාලයක මෙම ගින්න ඇති වූ බවය. දකුණු කොරියාවේ සේවයේ නිරත ශ්‍රී ලාංකිකයන් තිදෙනා කැරෝකේ අවන්හලට ගොස් ඇත්තේ තමන් සේවය කරන සමාගම පැවැත්වූ සාදයකට සහභාගිවීම සඳහාය. ගින්නෙන් තුවාල ලැබූ තවත් 20 දෙනෙකු රෝහල් ගත කර තිබේ. ගින්න මැඩපැවැත්වීම සඳහා ගිනි නිවන භටයන් සියයකට වැඩි පිරිසක් එක්වී තිඛෙන අතර ගින්න ආරම්භවීමට හේතුව මෙතෙක් අනාවරණය වී නැත.
මිය ගිය ශ්‍රී ලාංකිකයන්ගේ නම් ගම් මෙතෙක් තානාපති කාර්යාලයට ලැබී නැතැයි පැවසේ.
ශ්‍රී ලංකාවේ ජනාධිපතිවරයා දකුණු කොරියාවේ සංචාරයක් කර සිය රට පැමිණියේ පසුගිය සතියේදීය.
Gossip Lanka News ~ හොඳම ටික විතරමයි
