මෙසේ දීර්ඝ වේලාවක් සාකච්ඡා කිරීමෙන් අනතුරුව නියෝජ්‍ය පොලිස්පති අයි.එම්. කරුණාරත්න මහතා මිරිහාන විශේෂ වංචා විමර්ශන ඒකකයේ (SCIB) ස්ථානාධිපති පොලිස් පරීක්ෂක ආර්.එස්.ඩී. කරුණාරත්න මහතා ගෙන්වා කිසිදු හේතුවකට සුදර්මන් රදලියගොඩව අත් අඩංගුවට නොගන්නා ලෙසට නියෝග කර තිබේ.
එම අවස්ථාවේදී නියෝජ්‍ය පොලිස්පතිවරයා පවසා ඇත්තේ කඩුවෙල මහේස්ත්‍රාත්වරිය ප්‍රශ්නයක් නොවන ආකාරයට හැසිරවීමට තමන් භාර ගන්නා බවයි. එසේ පැවසූ නියෝජ්‍ය පොලිස්පතිවරයා විශේෂ වංචා ඒකකයේ ස්ථානාධිපතිවරයා එම ස්ථානයෙන් පිටත් කර යවා ඇති අතර තවත් සෑහෙන වේලාවක් සුදර්මන් රදලියගොඩ සහ ඔහුගේ මිතුරා සමඟ අල්ලාප සල්ලාපයේ යෙදෙමින් සිට ඇත.
මිරිහාන පොලිසියේ පොලිස් නිලධාරීන් පවසා සිටින ආකාරයට, නියෝජ්‍ය පොලිස්පති අයි.එම්. කරුණාරත්න මහතා සුදර්මන් රදලියගොඩ අත්අඩංගුවට ගැනීමෙන් වලකින ලෙස නියෝග කිරීමට හේතු වී ඇත්තේ රදලියගොඩ මගින් නුගේගොඩ පාගොඩ පාරේ පිහිටා තිඛෙන ඉඩමක් නියෝජ්‍ය පොලිස්පතිවරයාගේ නමට ලබා ගැනීමට කටයුතු කරමින් තිඛෙන බැවිනි.
රදලියගොඩ සමඟ පැමිණි ඔහුගේ තැරැව්කාර මිතුරා පළාතේ දේශපාලනඥයන් සමඟ ඉතා හොද සමීප සම්බන්ධතාවයක් පවත්වන හොර බඩු ජාවාරම්කරුවෙකු බවට ප්‍රකට අයෙකි. සොර බඩු ළඟ තබා ගැනීම සම්බන්ධයෙන් විවිධ උසාවි වලින් එම තැනැත්තාට විරුද්ධවත් විවෘත වරෙන්තු නිකුත් කොට ඇති අතර සෑම අවස්ථාවකදීම ඉහළ පොලිස් නිලධාරීන් මාර්ගයෙන් එම සිද්ධි යටපත් කිරීමට සමත් පුද්ගලයකි.
Source - lankanewsweb.com
