ඛනිජ තෙල් නියෝජ්‍ය අමාත්‍යවරයා වන සරණ ගුණවර්ධන විසින් ජනතාවගෙන් කප්පම් ඉල්ලූ සිද්ධීන් වාර්තා වුනේ වරක් දෙවරක් නොවේ.ගම්පහ ප්‍රදේශයේ යම් යම් ඉදිකිරීම් කරගන යාමට අවශ්‍ය නම් ඇමතිවරයාට කප්පම් ගෙවිය යුතු වාතාවරණයකුයි ගොඩ නැඟී තිබෙන්නේ.
ඉන්ධන පිරවුම් හලක් ආරම්භ කිරීම සඳහා අවශ්‍ය අවසර පත ලබා දීමට ලක්ෂ 80 ක කප්පම් මුදලක් ගැනීම මෙන්ම මෙන්ම මිනුවන්ගොඩ ප්‍රදේශයේ ව්‍යාපාරිකයකුගෙන් ලක්ෂ 250 ක කප්පමක් ගැනීම ඒ අතර ප්‍රධාන වුණා.
ඒ ඒ අවස්ථාවන් වලදී පීඩනයට ලක් වූවන් ජනාධිපතිතුමන් හා ආරක්ෂක ලේකම් තුමන් ඇතුළු සියළු වගකිවයුතු නිළධාරීන් හට පැමිනිළි කළ බවට වාර්තා වූ නිසා සරණ අසරණ වේයැයි බොහෝ දෙනා සිතුව නමුත් එම පැමිණිලි වලින් පලක් නොවූ බව පැහැදිළි වන්නේ අමාත්‍ය වරයා විසින් නැවතත් කප්පමක් ලබාගත් බව ව්‍යාපාරිකයෙකු විසින් පොලීසියට පැමිණිළි කිරීමත් සමඟය.
පැමිණිල්ල ඉදිරිපත් කර තිබෙන්නේ කොළඹ වෝඩ් පෙදෙසේ ඉදිකිරීම් සමාගමක කලමණාකර අධ්‍යක්ෂ වරයකු වන දුමින්ද ලියනගේ නැමැති අයෙකු විසිනුයි.
මේ සම්බන්ධයෙන් පොලිස් මාධ්‍ය ප‍්‍රකාශකවරයා පවසන්නේ මුලින් කෝටි 2ක් හා පසුව කෝටි තුනහමාරක් ලබාදෙන ලෙස ඉල්ලා ඇති බවද පැමිණිල්ලේ සටහන්ව ඇති බවයි.
නිවාස 350ක් ඉදිකිරීමට නියමිත මෙම ව්‍යාපෘතිය සඳහා අදාල සමාගම විසින් අත්තනගල්ල ප්‍රාදේශීය සභාවෙන් අවසර ගෙන ඇති අතර ඉන් පසුව ප්‍රාදේශීය සැලසුම් අධ්‍යයනයන් සඳහා "සෙත්සිරිපායට" යන ලෙස අත්තනගල්ල ප්‍රාදේශීය සභාවෙන් දැනුම්දී ඇත.
එම කටයුතු අවසන් වීමෙන් පසුව නියෝජ්‍ය ඇමති සරණ ගුණවර්ධන මහතා විසින් දුරකථන ඇමතුමක් දී පවසා ඇත්තේ එම භූමියේ නිවාස ව්‍යාපෘතිය ආරම්භ කරන්නට නම් රුපියල් ලක්ෂ 200 ක් ලබාදෙන ලෙසයි. ඒ අනුව ඔහු විසින් ඇමතිවරයාට රුපියල් ලක්ෂ 50 ක් සහ ලක්ෂ 150 ක දින සහිත චෙක්පත් දෙකක්ද ලබාදී ඇත.
නමුත් ඇමතිවරයා නැවත පවසා ඇත්තේ නිවාස 350 කින් යුත් නිවාස සංකීර්ණයේ ඉදිකිරීම් බාධාවකින් තොරව ගොඩනගනවාට තමන්ගේ මන්ත්‍රීවරුන්ට එක් නිවාසයකට රුපියල් ලක්ෂය බැගින් ලක්ෂ 350ක් ලබාදිය යුතු බවත්ය.
මෙම කප්පම් හේතුවෙන් මීට පෙර අවස්ථාවකද නියෝජ්‍ය අමාත්‍යවරයා ඇතුළු මන්ත්‍රී පිරිස පැමිණ අලුතින් ගොඩනැඟූ නිවාස සංකීර්ණයේ බිත්ති පෙරළා දැමු බවත් එය අධිකරණය දක්වා ගිය බවත් පැමිණිල්ලේ සඳහන්ය.
ඛනිජ තෙල් නියෝජ්‍ය අමාත්‍යවරයා ජනතාවගෙන් කප්පම් ගන්නා අයෙක් වූ විට එම සංස්ථාවෙන්ම ගෙන්වූ බාලතෙල් සඳහා කොමිස් මුදල් ලබාගන නැතැයි කාට නම් කිව හැකිද?
Source: http://www.gossip9.com/2012/08/blog-post_3547.html#ixzz23GzYy0MO
