ඒ පිළිබඳව සිදු කළ පරීක්‍ෂණවලදී ඩිලාන් පෙරේරා අමාත්‍යවරයාගේ ආධාරකරුවන් පිරිසක් එයට සම්බන්ධ වී ඇති බව නාගරික සංවර්ධන හා ආරක්‍ෂක ලේකම් ගෝඨාභය රාජපක්‍ෂ මහතා ජනාධිපතිවරයා වෙත දැනුම් දී තිබේ.
ඩිලාන් පෙරේරා අමාත්‍යවරයා දැඩි නාමල් ගැත්තෙකු ලෙස පාර්ලිමේන්තුව තුළ ප‍්‍රසිද්ධියක් ඉසිලුවද, බදුල්ල දිස්ත‍්‍රික්කය තුළ ජනාධිපතිවරයාගේ ආශිර්වාදය හිමිව ඇත්තේ ලක්‍ෂ්මන් සෙනෙවිරත්න අමාත්‍යවරයාට සහ හිටපු කතානායකවරයාගේ පුත් උදිත ලොකුබණ්ඩාර මහතා වෙතය. උදිත ලොකුබණ්ඩාර මන්ත‍්‍රීවරයා නාමල් රාජපක්‍ෂ මන්ත‍්‍රීවරයාට තරුණ්‍යට හෙටක් සංවිධානයේ ප‍්‍රධානියෙකු ද වේ.
ඌව මහ ඇමති ශෂින්ද‍්‍ර රාජපක්‍ෂ මහතා ද ඉදිරි මහමැතිවරණයේදී බදුල්ල දිස්ත‍්‍රික්කයෙන් සන්ධානය යටතේ තරග කිරීමට තීරණය කර ඇති තත්ත්වයක් යටතේ තම මන්ත‍්‍රීධූරය ආරක්‍ෂා කර ගැනීමට තවතවත් නාමල් පසුපස යෑමට ඩිලාන් පෙරේරා අමාත්‍යවරයාට සිදුවනු ඇති බව ආණ්ඩුවේ ජ්‍යෙෂ්ඨ අමාත්‍යවරයෙකු අප වෙත පැවසීය.
Source - lankanewsweb.com
