1992- 1993 වකවානුවේදී අනුරුද්ධ රත්වත්තේ මහතා විසින් ක‍්‍රියාවට නංවන ලද ශ‍්‍රිලනිප ප‍්‍රතිසංවිධාන වැඩසටහනට අනුව මෙවර ප‍්‍රතිසංවිධාන වැඩපිළිවෙළද ක‍්‍රියාවට නැංවෙන අතර, ඒ අනුව එම දෙදින තුළ අනෙක් දිස්ත‍්‍රික්කවල ආසන සංවිධායකයින් හා ක‍්‍රියාකාරිකයින් අනුරාධපුර දිස්ත‍්‍රික්කයේ ඡන්දපොළ කොට්ඨාශ මට්ටමින් එම ව්‍යාපෘතියට සහභාගී කරවීමට කටයුතු යොදා තිබේ.
මෛත‍්‍රීපාල සිරිසේන මහතාගේ මූලිකත්වයෙන් ක‍්‍රියාවට නැංවෙන, ශ‍්‍රීලනිපය බේරා ගැනීමේ ප‍්‍රතිසංවිධාන වැඩපිළිවෙළට පක්ෂයේ ජ්‍යෙෂ්ඨයින්ගේ ප‍්‍රසාදය හිමිව තිබේ. මහින්ද රාජපක්‍ෂ මහතා ජනාධිපතිධූරයට පත්ව ශ‍්‍රී ලංකා නිදහස් පක්ෂයේ නායකත්වයට පත්වීමෙන් පසුව විමල් වීරවංශ, චම්පික රණවක හා එක්සත් ජාතික පක්ෂයෙන් පැමිණි පිරිස්වල පාලනයට පක්‍ෂය යට වී ඇති බවට ශ‍්‍රිලනිප ජ්‍යෙෂ්ඨයින් තුළ බලවත් විරෝධයක් මතුව තිබේ.
Source - lankanewsweb.com
