හිරුණිකාගේ මැයි දින සටන ජනපතිවරයා වලක්වයි

ශ්‍රී ලංකා මහජන පක්ෂයේ උපසභාපතිවරයකුවන හිරුණිකා ප්‍රේමචන්ද්‍ර මෙනවිය එම පක්ෂයේ බැනරය යටතේ මැයි දින පෙළපාලියට සහභාගි වී, එම පෙළපාලිය එක්සත් ජනතා නිදහස් සන්ධානයේ මැයි දින රැළිය පැවති නගර සභා ක්‍රීඩාංගනයට ඇතුළුවීමත් සමඟ පිටව යෑමට තීරණය කර තිබුණද ජනාධිපතිවරයාගෙන් ලැබුණු නියෝගයක් මත ඇයගේ එම මැයි දින විරෝධය වැලකී ගොස් තිබේ.

ඇයගේ එම මැයි දින වැඩසටහනට මහජන පක්ෂයේ එකඟතාවය පළ වී තිබූ නමුත්, ඒ පිළිබඳව ජනාධිපතිවරයාට වාර්තාවීමත් සමඟ ඔහු හිරුණිකාගේ මව කැඳවා දියණියගේ වැඩසටහන වලක්වන ලෙස නියෝග කොට තිබේ.

භාරත ලක්ෂ්මන් ප්‍රේමචන්ද්‍ර මහතා ඝාතනයට ලක් වීමෙන් පසු ආර්ථීක වශයෙන් ඇදවැටුණු එම පවුල නඩත්තු කිරීම සඳහා ඔහුගේ බිරිඳ ජනාධිපතිවරයාගේ බලපෑම් මත ජනාධිපති සම්බන්ධීකරණ නිලධාරියෙකු ලෙස පත්වීම බාරගනු ලැබීය. එසේ කටයුතු නොකළහොත් භාරත ලක්ෂ්මන් ප්‍රේමචන්ද්‍ර මහතාට ලබා දී තිබූ සමිට් මහල් නිවසින් ඉවත් කරන බවටත්, පෞද්ගලික පරිහරණය සඳහා ලබා දී තිබූ වාහනය යළි පවරා ගන්නා බවටත් ජනාධිපතිවරයා භාරත මහතාගේ බිරිඳට දැනුම් දී තිබිණ. ඒ අනුව හිරුණිකා ඇතුළු භාරත ලක්ෂ්මන් ප්‍රේමචන්ද්‍ර මහතාගේ ඥාතීන් සියලූ දෙනා පාහේ විරුද්ධ වෙද්දී ඇයට තම දරුවන් දෙදෙනා වෙනුවෙන් එම තනතුර බාර ගැනීමට සිදු විය.

භාරත ලක්ෂ්මන් ප්‍රේමචන්ද්‍ර මහතාට හිමි කොලොන්නාව නිවස අබලන් වී තිබීමත්, වෙනත් කිසිදු නිවසක් ඔවුන්ට නොතිබුණු නිසාත්, වෙනත් පෞද්ගලික වාහනයක් නොතිබුණු නිසාත්, හිරුණිකා සහ ඇයගේ සොහොයුරා නඩත්තු කිරීමේ අභියෝගයක්ද ඇයට තිබිණ.

කෙසේ වුවද එම තනතුර භාර ගැනීමෙන් පසු හිරුණිකාගේ දේශපාලන කටයුතු මෙල්ල කිරීම සඳහා ජනාධිපතිවරයා භාරතගේ බිරිඳට බලපෑම් කරමින් සිටී. එම තත්ත්වය යටතේ හිරුණිකාගේ මව හ~ා දොඩා හිරුණිකාගේ මැයි දින වැඩසටහන වලක්වා ඇත. ජනාධිපතිවරයාගේ බලපෑම් හේතුවෙන් භාරතගේ බිරිඳ හා දියණිය අතර පසුගිය මාස කිහිපය තුළද දිගින් දිගටම මත ගැටුම් ඇති වී තිබේ. පසුගිය දා එවැනි ගැටුමක් උත්සන්න වී ඇති අතර එයින් සිත්තැවුලට පත් හිරුණිකා මෙනවිය, කිසිවෙකුටත් නොදන්වා පෞද්ගලික බස්රථයක නැග අනුරාධපුරයට ගොස් යළි පැමිණ තිබේ.

Source - lankanewsweb.com