සෙවනගල සීනි පවරාගැනීම ගැන පෙත්සම ලන්ඩන් අධිකරණය විභාගයට ගනියි

ඌන උපයෝජිත පනත යටතේ සෙවනගල සීනි කම්හල ආණ්ඩුවට පවරා ගැනීම සම්බන්ධයෙන් ශී‍්‍ර ලංකා ආයෝජන මණ්ඩලයට එරෙහිව ගොනු කොට ඇති පෙත්සමක් විභාගයට ගැනීමට ලන්ඩන්හි පිහිටි බේරුම්කිරීමේ ජාත්‍යන්තර අධිකරණය තීරණය කරයි.

ඉහත කරුණ සම්බන්ධයෙන් රු. බිලියන 14ක වන්දි ඉල්ලා දයා සමූහ ව්‍යාපාරයට අයත් සෙවනගල සීනි කර්මාන්ත සමාගම මාර්තු 16 වැනිදා ආයෝජන මණ්ඩලයට යැවූ එන්තරවාසියට ප‍්‍රතිචාරයක් නොලැබීම හේතුවෙන් එම පෙත්සම ගොනු කොට ඇත.

සමාගමේ සභාපතිවරයා හා ප‍්‍රධාන කොටස්කරුවා එක්සත් ජාතික පක්‍ෂයේ ප‍්‍රධාන පෙලේ කි‍්‍රයාකාරිකයෙකු වීම නිසා සෙවනගල සීනි කම්හල ආණ්ඩුවට පවරාගත් බවට එමඟින් චෝදනා කර තිබේ.