මාස කිහිපයක සිට ලංකාව පුරා සැරිසරමින් කොරියානු ජාතිකයන් කණ්ඩායම් කිහිපයක් Samsung S3, Sony Ericsson Xperia සහ තවත් බොහොමයක් ඉහල ඉල්ලුමක් පවතින ජංගම දුරකථන වර්ග විකුණන මුවාවෙන් තත්වයෙන් බාල ජංගම දුරකථන විකුණමින් සිටින බවට අපට වාර්තාවේ.මෙම දුරකථන පෙනුමෙන් එක සමාන වන අතර දුරකථන පිලිබඳ හොඳ අවබෝදයක් නොමැති ඕනෑම කෙනෙක් මෙවැනි දුරකථන වලට රැවටේ. මෙලෙස විකුණනු ලබන දුරකථන තවත් එක් ව්‍යාජ චීන නිමවුමක් පමණක් වන අතර මාස කිහිපයක් වත් නිසිලෙස භාවිතා කල නොහැකි සේම බලාපොරෝත්තුවූ ක්‍රියාකරිත්වයක්ද නොමැත.
Samsung S3 වර්ගයේ ව්‍යාජ නිමවුමක් තොග වශයෙන් මිලදීගැනීමේදී රුපියල් 3,000 පමණ මුදලකට චීනයෙන් ලබාගත හැකිය. කෙසේවෙතත් මෙම කොරියානු ජාතිකයන් ව්‍යාජ Samsung S3 දුරකථනයක් රුපියල් 15,000 - 20,000 අතර මුදලකට විකුණනු ලබයි. නියම Samsung S3 දුරකථනයක වෙළඳපොල මිල රුපියල් 100,000 පමණ වේ. ඉතා අඩු මුදලට මිලදීගත හැකිබවින් බොහෝ පිරිස් කිසිත් නොසයා නොබලා පොරකමින් මේවා මිලදී ගන්නා බව අපට වාර්තාවේ.
මෙලෙස ප්‍රමිතියක් නොමැති ජංගම දුරකථන භාවිතාය පිලිකා ඇතුළු බොහොමයක් රෝගී තත්ව වලටද හේතුවේ. මිට පෙරද ව්‍යාජ අත් ඔරලෝසු, ලැප්ටොප්,කැමරා ආදිය විකුණමින් මුදල් වංචාවේ යෙදුනු චීන සහ කොරියානු ජාතික කණ්ඩායම් පිළිබඳව අප වෙත වාර්තාවිය. සංචාරක වීසා බලපත්‍ර යටතේ ලංකාව තුල රැඳී සිටිමින් වෙළදාම් කිරීම හෝ රැකියා කිරීම මෙරට නීතිය යටතේ තහනම්වේ. එමනිසා මෙවැනි සිදුවීම් දුටුවිට පොලිසියට වාර්තා කිරීමට ඔබට අයිතියක් සේම යුතුකමක් පවතියි.
මේ අතර සංචාරක වීසා වලින් පැමින ජංගම දුරකථන විකුණමින් සිටි චීන ජාතික කාන්තාවක්ද අද මහනුවර ප්‍රදේශයේදී අත් අඩංගුවට පත්වී තිබේ.
IMEI/MEID numbers පරික්ෂාව සඳහා මුලික ක්‍රම 2 පවතින අතර ඒ අතරින් පළමු ක්‍රමය වඩාත් විශ්වාස දායකවේ.
1.*#06# දුරකතනයේ Dial කිරීම.
2. දුරකථනයේ බැටරිය ගලවා එය පිටුපස ඇති ස්ටිකරය පරික්ෂා කිරීම.
කෙසේ වෙතත් IMEI/MEID භාවිතයෙන් පමණක් දුරකථනයක් ව්‍යාජ එකක්ද යන්න වග නිගමනය කල නොහැක. ඒ සඳහා ක්ෂේත්‍රයේ පළපුරුද්දද අවශ්‍ය වේ.
Source: http://www.gossip9.com/2012/11/blog-post_4687.html#ixzz2DGv0Lx00
