කවුද රාම රාවණා යුද්ධ ගැන දන්නේ? - පුරාවිද්‍යා කොමසාරිස් අසයි

වැල්ලවාය ප්‍රදේශයෙන් පසුගියදා උමං මාර්ගයක් හමුවූ අතර එය රාවණා සමයට අයත් බවයි බොහෝ මාධ්‍යය වාර්තා කළේ.

නමුත් පුරාවිද්‍ය දෙපාර්තමේන්තුව විසින් පැවසුවේ එය කිසිම පුරාවිද්‍යා වටිනාකමක් නැති උමඟක් ලෙසයි.

රාම රාවණා පිළිබඳව පුරාවිද්‍යා කොමසාරිස්වරයාගෙන් කල විමසුමකදී ඔහු පවසා ඇත්තේ "කවුද රාම-රාවණා යුද්ධ ගැන දන්නේ? රාම රාවණා යුද්ධ තිබුනා කියන්න මොනවද තියන සාක්ෂි?" යනුවෙනි. ඒ සාකච්ජාව පහතින්.

මුලිම අපි කතා බහ ගෙනයමු සාදින්නාගල කන්දෙන් මතුවූ උමඟ වෙතට. එය රාම රාවණා යුගයට අයත් වෙන බව පැවසෙනවා නේද?
මේ සම්බන්ධව පරීක්ෂණ කල කණ්ඩායම සොයාගත් පරිදි මෙහි කිසිදු පුරාවිද්‍යාත්මක වැදගත්කමක් නෑ. ඒ පිළිබඳව ස්වභාවික සාධක හමුවෙලත් නැහැ. ඒ නිසා අදාල පරීක්ෂණ වලින් බැහැර වෙන්න අපි තීරණය කලා.

නමුත් රාම රාවණා යුගයේදී පැවති යුද්ධය වෙනුවෙන් භාවිතා කල ස්ථානයක් බවට සමහරු තර්ක කරනවා. මේ ගැන ඔබේ අදහස කුමක්ද?
කවුද රාම රාවණා යුද්ධ ගැන දන්නේ? රාම රාවණා යුද්ධ තිබුණා කියන්න මොනවද තියන සාක්ෂි? ලිඛිත මූලාශ්‍ර තවම හමුවෙලා නැහැ. ඉතින් එහෙම දෙයක් වුනා කියලා කොහොමද පිළිගන්නේ? ජනප්‍රවාද, ජනකතා කියන ඒවා ඕනෑම කෙනෙකුට ගොතන්න පුළුවන්. 

නමුත් මෙම ප්‍රදේශයේ විශේෂ ආරක්ෂාවක් යටතේ පවතින බව සඳහන් කරමින් සිවිල් සංවිධාන 23ක් විසින් විශේෂ පරීක්ෂණයක් කරන්න කියලා රජයෙන් ඉල්ලීමක් පවා කර තිබුණා. විශේෂයෙන් මාධ්‍යවෙදීන්ට එය තහනම් කලපයක් බවට පත්කර ඇති බවයි ඔවුන්ගේ චෝදනාව වන්නේ. කිසිදු පුරාවිද්‍යාත්මක වටිනාකමක් නැත්නම් ඇයි මේ වගේ විශේෂ ආරක්ෂාවක් යොදවලා තියෙන්නේ?
එය පරීක්ෂා කරන විශේෂ නිලධාරීවරයාත් මට කතා කලා. මාත් විශේෂ ලියමනක් දුන්නා අපේ විරුද්ධත්වයක් නෑ පරීක්ෂා කරන්න දෙන්න කියලා. එතන ඉංජිනේරු මහත්තයා කිව්වේ නොයෙක් පුද්ගලයෝ හා සංවිධාන පැමිණිලා මෙම ව්‍යාපෘතිය කරගන යෑමට බාධාවක් ගෙනල්ලා තියන බවයි.

දෙපාර්තමේන්තුව වශයෙන් අපි ඕනෑම පරීක්ෂණයකට ඉඩ දෙනවා. අපි ඕනෑම තීරණයක් ගන්න සූදානම්.

නමුත් මෙතන පුරාවිද්‍යා වටිනාකමක් නැත්නම් අපි පරීක්ෂණ කරන්නේ මොකටද?

මොකද පුරාවිද්‍යා වටිනාකම්ක් නැත්නම් වැඩ කරන්න වෙන ආයතන තියනවා. ඒ ආයතන සමඟයි සාකච්ජා කල යුත්තේ පරීක්ෂණ කරන්න දෙන්නේ නැත්තේ මොකද කියන එක සම්බන්ධව.

මෙම ස්ථානයේ පුරාවිද්‍යාත්මක වටිනාකමක් නැති බවට ඔබගේ පරීක්ෂණ කණ්ඩායම විසින් තහවුරු කරගත් සාධක මොනවාද?
මිනිස්සු මානව ද්‍රව්‍ය භාවිතා කලා කියන්න මොනව හරි සාධක තියෙන්න ඕනේ. මිනිස්සු විසින් සකස් කලා කියන්න සාධකයක් තියෙන්න ඕනේ. එහෙම නැත්නම් භාවිතා කල මොනවා හරි තියෙන්න ඕනේ. නමුත් මෙතනින් එහෙම මොනම හෝ දෙයක් එහෙම හමුවෙලා නැහැ.

හමුවූ උමඟේ ජායාරූපයක් පහතින්. තත්පර 5ක වීඩියෝවක් මෙතනින්.

Source: http://www.gossip9.com/2012/12/blog-post_2.html#ixzz2DvufWm9x