ඔලිම්පික් නාමය යොදාගනිමින් භාණ්ඩ සපයන ආයතන පිළිබඳ ප්ලේ ෆෙයා 2012 (Playfair 2012) සංවිධානය කළ පුළුල් විමර්ශනයකදී මෙම තොරතුරු අනාවරණය කරගෙන තිබෙන බව කියා සිටින එම පුවත්පත මේ නිසා ලන්ඩන් ඔලිම්පික් උළෙලේ කිර්ති නාමය පළුදු වී ඇතයි ප්‍රකාශ කරයි.
මේ හෙළිදරව්ව සිදු කෙරුනේ බ්‍රිතාන්‍යයේ නෙක්ස්ට් ඇගලුම් වෙළදසල ඔලිම්පික් නිල ක්‍රීඩා ඇදුම් විකිණීම අරඹා දින කිහිපයකට පසුවයි.
නෙක්ස්ට් සමාගමට අයත් ශ්‍රී ලංකාවේ පිහිටි ඇඟලුම් කම්හලේ සේවකයන් 2500 ක් පමණ සේවය කරන අතර 2012 ඔලිම්පික් උළෙල සඳහා කබා, කොට කලිසම් සහ ටි ෂර්ට් මසන්නේ එම කම්හලෙයි.
ඔලිම්පික් උළෙල සඳහා භාණ්ඩ නිපදවන ලොව පුර පිහිටි කර්මාන්ත ශාලා අටක් සේවකයන්ගේ මානව හිම්කම් විශාල ලෙස උල්ලංඝනය කරන බව මෙම විමර්ශනයෙදී ප්ලේ ෆෙයා 2012 සංවිධානය විසින් අනාවරණය කරගෙන ඇති තවත් කරුණකි.
චෝදනා ප්‍රතික්ෂේප කරන නෙක්ස්ට් වෙළද සමගම සිදුවීම සම්බන්ධයෙන් පරීක්ෂණයක් ආරම්භ කර ඇතැයි පුවත්පත වාර්තා කරයි.
මෙම චෝදනා වල කිසිදු පදනමක් නැතැයි සංදේශයට අදහස් පළ කළ ශ්‍රී ලංකා ඒකාබද්ධ ඇඟලුම් සමාගම් සංසදයේ ප්‍රකාශකයෙක් කියා සිටියේය.
- BBC සංදේශය
