පසුගිය සෙනසුරාදා කාල්ටන් සුපර් සෙවන් රගර් ක්‍රීඩාවලිය අවසන් විය. සිරි ලංකාවේ දරුවන්ගෙන් සියයට 30 ක් මන්ද පෝෂණයෙන් පෙළෙන බවට රජයේ සංඛ්‍යාලේඛනම පවසද්දී එය සියයට දශමයකින් හෝ අඩු කර ගැනීම සඳහා ගැසූ රගර් තරඟයක්ද? නැත. සිරි ලංකාවේ සෑම 6 දෙනෙකුගෙන්ම එකෙක් අන්ත දිලින්දෙක් බව රජයේ සංඛ්‍යාලේඛනම පවසද්දී ඉන් එකෙක් හෝ ගොඩ දැමීමට ගැසූ රගර් මැච් එකක්ද? නැත.
රාජපක්ෂලාගේ එක පුතයෙකුට 'මට කාර් රේස් ඕනෑ' යි විට මුළු කොළඹම වසා දමා රාත්‍රියේ කාර් රේස් දුවවයි. තවත් පුතයෙකුට 'මට රගර් ගහන්න ඕනෑ, හැබැයි, මම රගර් ගහනවා බලන්න ඉන්දියන් නිළියනුත් ඕනෑ. මට රගර් ගහලා පරද්දන්න සුද්දොත් ඕනෑ' යි කී විට කාල්ටන් සුපර් සෙවන් නමින් රගර් තරඟයක්ද පවත්වයි. ඉන්දියාවෙන් නිලියනුත් ගෙන්වයි. තරඟ කර පරද්දන්න සුද්දන්වත් ගෙන්වයි. දේශප්‍රේමය නම් එයයි.
හැබැයි මේ කිසිවෙක් නිකන් එන්නේ නැත. ඔවුන්ට මිලියන් ගණන් ගෙවා, ගෙන්වා පුත්තරයාගේ මන දොල සපුරවයි. අවසානයේ දී රජා යැයි සිතා සිටින තාත්තා ද පැමිණ පුතාගේ සොමිය බලා තමනුත් සොමියක් රැගෙන යයි.
මේ සියල්ලටම දේශප්‍රෙමී බලශක්ති ඇමති පොලිස් ක්‍රීඩා පිටියට මහා රාත්තිරියේ කිලෝ වොට් දහසේ ලයිට් දමා ඒකාලෝක කර දෙයි. මුලූ දවස පුරාම පට්ට අව්ව තිඛෙන රටක රෑට ලයිට් දමාගෙන රගර් ගසයි. නමුත් ගමේ ගොඩේ දරුවන්ට ගෙදර තියෙන ලයිට් එක නිවා 'කණ කොකා' වී, ගෙදර බලශක්ති ඇමැති වෙන්නයි කියා දේසනාද පවත්වයි. ලයිට් නිවනවාට තෑගිද දෙයි.
මෙහෙම රගර් ගැහිල්ලක් මෙසිරි ලංකාවේ කවදාවත් තිබුනේ නැත. මෙහි සෙල්ලම් කළ ක්‍රීඩා සමාජ මේ ලංකාවේ ඒවා නොවේ. ඒවා මැදමූලනේ නිෂ්පාදනයන්ය. අපි නම් දන්නා කාලයේ සිට 'ජැෆ්නා වොරියර්ස්' නමින් රගර් ක්‍රීඩා සමාජයක් තිබුනේ නැත. යාපනයේ රගර් ගැහුවේද නැත. නමුත් දැන් තිබේ. එහි නායකයා වන්නේ රාජපක්ෂ පුත්තරයා ය. ඒ ජැෆ්නා වොරියර්ස්ලාට යාපනයෙන් කවුරුත් නැත. නමුත් පිටරටින් තිදෙනෙක් ඇත. ඒ මදිවාට ජැෆ්නා වොරියර්ස්ලා තරඟාවලියක්ද සම සේ දිනයි. තෑගිත් ගනියි. සංවිධායකයෝත් ඔවුන්මයි. ලාඛෙත් ඔවුන්ටමයි. මළ කෙලියයි. මේ අස්සේ ජාතික රගර් කණ්ඩායමේ නායකයෙක්ව සිටි ක්‍රීඩකයෙක් කාර් රථය තාප්පයක හැපුනු සැනින් රථය පිටින් ගිනිගෙන එතුල රෝස් වී මිය යයි.
රගර් ක්‍රීඩා සමාජ හදා ක්‍රීඩකයන් පිටරටින් ආනයනය කරයි. ඒ මදිය, නරඹන්නට නිළියන් ද ආනයනය කරයි. ඒ මදිය, තරඟ කරන විට හුරේ දමන්නට ලස්සන කෙල්ලන්ද ආනයනය කරයි. ඒත් මදිය, නවසීලන්ත රගර් ක්‍රීඩකයන්ගේ සම්ප්‍රදායක් වන 'හකා' නම් මඕරි ගෝත්‍රික නැටුමද ආනයනය කරයි.
ඒත් මදිය, රාජපක්ෂලා මේ රටේ පිස්සු කෙළියා තව මදිය..
හැබැයි මොවුනට මදියි නොකියන්නට මේ රටේ ජනතාව 'ඛෙදන' දිනයද වැඩි ඈතක නැතිය.
(සේයාරූ ස්තූතිය -ධාන්‍යා වීරසිංහට )
Source - http://www.facebook.com/lankaenews
