ප‍්‍රාදේශීය සභා සභාපතිවරයෙකු විසින් තංගල්ලේ සංචාරකයෙකු වෙඩිතබා කපා කොටා ඝාතනය කිරීමෙන් පසු හම්බන්තොට දිස්ත‍්‍රික්කයේම සංචාරක ව්‍යාපාරය බිඳවැටී ඇතැයි තංගල්ල සංචාරක ව්‍යාපාරිකයන්ගේ සංගමයේ සභාපති කීර්ති වෙදආරච්චි මහතා මාධ්‍යයට ප‍්‍රකාශ කර ඇත.
මෙම සංගමයට ලියාපදිංචි හෝටල් 48 ක් හා ලියාපදිංචි නොකළ හෝටල් 16 ක් අයත් වේ.
සිද්ධියට පෙර එම හෝටල් වල සංචාරකයන් 450 ක් පමණ සිට ඇති අතර දැන් එය 200 කට වඩා අඩු ගණනකට වැටී ඇත. බියට පත් සංචාරකයන් ඉවත්වීම නිසා ප‍්‍රදේශයේ සංචාරක ව්‍යාපාරය කඩා වැටී ඇති අතර සැකකරුවන් අත් අඩංගුවට නොගැනීමෙන් තත්ත්වය වඩා අයහපත් තත්ත්වයට පත් වු බවද කීර්ති වෙදආරච්චි මහතා පවසා ඇත. දැනට ඉන්නා සංචාරකයන් ද රාත‍්‍රී කාලයේ කාමරයකින් එළියට නොබහින බවත් සාද සියල්ල අවලංගු කර ඇති බවත් කීය.
ප‍්‍රදේශයේ බිඳවැටුනු සංචාරක ව්‍යාපාරය යළි නගා සිටුවිය හැකි යැයි විශ්වාස නොකරන බව කී ඔහු මීට වසර කිහිපයකට පෙර රැුකව ප‍්‍රදේශයේදී සංචාරකයෙකු මේ අකාරයෙන්ම ඝාතනයට ලක්වූ බවත් ඒ නිසා අද වනතුරු සංචාරකයන් එම ප‍්‍රදේශයට නොයන බවත් පවසා ඇත.
