අපොස උසස් පෙළ ප්‍රතිඵලවල දිස්ත්‍රික් මට්ටම විශ්වවිද්‍යාල ප්‍රවේශයට බල නොපාන බව උසස් අධ්‍යාපන අමාත්‍යාංශ ලේකම් ආචාර්ය සුනිල් ජයන්ත නවරත්න මහතා පවසයි.
ආන්දෝලනයට තුඩු දී තිබෙන අපොස උසස් පෙළ ප්‍රතිඵල, මෙවර විශ්වවිද්‍යාල ප්‍රවේශයට කෙසේ බලපායි ද යන්න පිළිබඳ ව උසස් අධ්‍යාපන අමාත්‍යංශයේ ලේකම් ආචාර්ය සුනිල් ජයන්ත නවරත්න මහතාගෙන් රජයේ නිල පුවත් වෙබ් අඩවිය කළ විමසුමක දී ඔහු මේ බව පැවසී ය.
උසස් අධ්‍යාපන ලේකම්වරයාට අනුව, zස්කෝර්වල වෙනසක් සිදු වී නැති බවත් ප්‍රතිඵලවල වෙනසක් සිදු නොවන බවත් දිස්ත්‍රික් මට්ටම් සඳහා තාක්ෂණික ගැටලුවක් බලපා තිබෙන බවත් එය ද හැකි ඉක්මනින් නිවැරදි කෙරෙන බවත් පැවසී ය.
