මැදවච්චියේ විද්‍යා ගුරුවරයෙකුගෙන් ඉන්ධන නැතුව ධාවනය වන මෝටර් රථ සැලසුමක්

ඉන්ධන කිසිසේත්ම අවශ්‍ය නොවන මෝටර් රථයක් සැළසුම් කිරීමට මැදවච්චියේ විද්‍යා ගුරුවරයෙකු සමත්වී තිබෙනවා.

මැදවච්චිය මෛත්‍රීපාල සේනානායක ජාතික පාසලේ නලීන් තරංග විජේතුංග වන ඔහුගේ මෙම නිර්මාණය බුද්ධිමය දේපළ කාර්යාංශය මඟින් පිළිගෙන ඊට පේටන්ට් බලපත්‍රයද පිරිනමා තිබෙනවා.

මෙම සැලසුම් ගත මෝටර් රථය මුළුමනින්ම විදුලියෙන් ක්‍රියාත්මක වන නමුත් විදුලිය යොදවා බැටරි ආරෝපනය කිරීමක්ද සිදුකෙරෙන්නේ නැහැ.
වාහනය ගමන් කරන විට ඇදෙන සුලං බලය උපයෝගී කරගන ක්‍රියාත්මක වන ඕල්ටනේටරය පද්ධතියේ හා වහලයේ සවිකර ඇති සූර්ය කෝෂ පද්ධතියක් මඟින් එහි බැටරි චාර්ජ් වීම සිදුවෙනවා.

මෝටර් රථය අව්වේ නතර කරන විට ඕනෑවටත් වඩා විදුලිය ගබඩා වන බවත් වේගය වැඩිවන තරමට සුළං පෙති මඟින් ඩයිනමෝ ක්‍රියාත්මක වී විදුලිය සැපයෙන බවත් ඔහු පවසනවා.

සියනෑ විද්‍යාපීඨයේ ගුරු පුහුණුව ලබන යුගයේ හිතේ ඇතිවූ සංකල්පයක් අනුව මෙය නිර්මාණය කළ බව පවසන ඔහු මේ පිළිබඳාව අදහස් දක්වන්නේ මෙලෙසින්.

"දවසක් මම බස් රථයේ යන විට හිසේ තිබුනු හිස් වැසුම සුළඟට වේගයෙන් ගැලවී ඇදී ගියා. මම එදා තමයි කල්පනා කලේ වාහනයක් ගමන් කරන විට ඒ වේගයෙන්ම සුළං බලයක් ක්‍රියාත්මක වන බවත් එම ශක්තිය උපයෝගී කරගත හැකි බව.
ඒ අනුව මම පෙන්වා දෙන මෝටර් රථ ආකෘතියේ වාතය ඇතුල් වීමට විශේෂ හැඩතල සහිතව වාහන බඳ යොදා ගැනෙනවා. ඒම සුළං මඟින් කරන පීලි වල සුළං පෙති කරකවා ඩයිනමෝ ඉදිරිපස තුනකුත් පිටු පස දෙකකුත් ලෙස ක්‍රියා කරනවා.

අවශ්‍යය බලය හා විදුලි ශක්තිය ප්‍රමාණවත් බවට මා කල ගණන් සැදීම් පේටන්ට් පරීක්ෂාවේදී පිළිගෙන තිබෙනවා.

ලෝකයේ විදුලි කාර් නිශ්පාදනය කලාට ඒ සියල්ල විදුලිබලයෙන් චාර්ජ් කරන ඒවා. මම පෙන්වා දෙන්නේ ස්වභාවික ශක්තියෙන්ම, පරිසර හිතකාමී ලෙස මෝටර් රථයක් ධාවනය කරන්න පුළුවන්."

මෙය වෑන් රථයක් හෝ බස් රථයක් ලෙස වුවද නිශ්පාදනය කිරීමට හැකියාව ඇති බවත් මෝටර් රථයේ අනෙකුත් කොටස් සාමාන්‍යය මෝටර් රථයක අනුවම වන අතර අවශ්‍යතාවය මත විදුලි පද්ධතිය, හැඩය, බර ප්‍රමාණය, ගියර් පෙට්ටිය වෙනස් කල හැකි බවද ඔහු පෙන්වා දෙනවා.

මෙම න්‍යාය යටතේ මෝටර් රථයක් නිපදවීම සඳහා තමාට මූල්‍යය වත්කමක් නොමැති බැවින් ඊට කැමති කිසියම් සමාගමක් හා ඒකාබද්ද මෝටර් රථ නිශ්පාදනයට තමා බලාපොරොත්තු වන බවත් කැමති ආයතනයකට ඉදිරිපත් වන ලෙසත් ඔහු කියා සිටිනවා.

ඔහු විසින් ලබාගන ඇති පේටන්ට් බලපත්‍රය

සුළං බලයෙන් ධාවනය වන තවත් මෝටර් රථයක් පිළිබඳව මීට මාස 5කට පමණ පෙර ගොසිප්9 විසින් කරුණු හෙළි කළා.

25 හැවරිදි නිලංග සෙනෙවිරත්න ඈපා නම් තරුණයා විසින් නිර්මාණය කල එම මෝටර් රථය් එහි තිබූ බැටරි චාර්ජ් කිරීම සඳහාද විදුලිය ලබාගනු ලැබුවේද සුළං බලයෙනි.







Source: http://www.gossip9.com/2012/03/blog-post_9095.html#ixzz1ocfazLgM