ජනාධිපතිවරයාගේ ප්‍රධානත්වයෙන් පසුගිය 28 වැනිදා අරලියගහ මන්දිරයේදී පවතී ශ්‍රී ලංකා නිදහස් පක්ෂයේ මධ්‍යම කාරක සභා රැස්වීමේදී මෙම තීරණය ගෙන තිබේ. මාධ්‍යවල පළවුයේ තමන් විසින් පවසන ලද දේවල් නොවන බවත් තමන් එවැනි ප්‍රකාශ නොකළ බවත් මර්වින් සිල්වා මෙහිදී මධ්‍යම කාරක සභාවට ලිඛිතව දන්වා තිබේ.
එහිදී පවිත්‍රා වන්නිආරච්චි ඇමතිවරිය මර්වින් සිල්වා මහතා වෙනුවෙන් කතා කරමින් පත්තරවල පලවන සියලු දේ සත්‍ය ලෙස ගත නොහැකි බවත් පුවත් පත් වාර්තා අනුව කෙනෙකුට දඬුවම් කිරීම සුදුසු නොවන බවත් පෙන්වා දී තිබේ.
ඊට පිළිතුරු වශයෙන් මර්වින් සිල්වා ඇමතිවරයා පවසා ඇත්තේ තමාට ලැබී ඇත්තේ කිසිම වැඩකට නැති ඇමති ධූරයක් නොවන බවත් එවැනි චෝදනා කරන අය නොදන්නා බවය.
මේ අනුව මර්වින් සිල්වා ඇමතිවරයා විසින් ඉදිරිපත් කරන ලද නිදහසට කාරනා දැක්වීමේ ලිපිය පිළිගැනීමටත් මින් ඉදිරියට ඒ සම්බන්ධයෙන් තවදුරටත් ක්‍රියා නොකිරීමටත් ශ්‍රී ලංකා නිදහස් පක්ෂ මධ්‍යම කාරක සභාව තීරණය කර තිබේ.
Source - lankanewsweb.com
