කෙසේ වුවද ශ්‍රී ලංකා ආණ්ඩුව දේශපාලන වාසි ලබා ගැනීම සඳහා එල්ටීටී ඊ රැඳවියන් යොදා ගන්නා බවට එල්ලවන චෝදනාව ඔහු ප්‍රතික්ෂේප කළේය.
බීබීසී දෙමළ සේවයේ ජෙයප්‍රගාශ් නල්ලුසාමි සමඟ සාකච්ඡාවකට එක්වෙමින් අමාත්‍යවරයා එම අදහස් පළකළේ දැනට රැඳවුම් භාරයේ සිටින සියලු එල්ටීටීඊ සැකකරුවන්ට පොදු සමාවක් දෙන මෙන් සිවිල් අධීක්ෂණ කමිටුවේ මනෝ ගනේෂන් පසුගියදා කළ ඉල්ලීම පිළිබඳව ප්‍රතිචාරය පළකරමින්.
"තමිලිනීට, කරුණා අම්මාන්ට, පිල්ලෙයාන්ට, සෝමවංශ අමරසිංහට, විමල් වීරවංශට දුන්න අර සමාව මේ යට දෙන්න. එහෙම බැරිනම් ඉතිරි වෙච්ච අය අරගෙන ගිහිල්ල පුනරුත්තාපනය කරලා සමාජ ගත කරන්න," මනෝ ගනේෂන් පැවසීය.
එයට ප්‍රතිචාරය පළ කරන කරුණා අමාත්‍යවරයා තවදුරටත් කියා සිටියේ, රජයේ කටයුතුවල පාරදෘශ්‍යභාවය ජාත්‍යන්තර බලවතුන්ට පෙන්වාදීම සඳහා එල්ටීටීඊ නායකයන් නිදහස් කිරීම අවශ්‍ය කටයුත්තක් බවයි.
ඉදිරියේදී විශේෂ අධිකරණ තුනක් පත්කොට මෙම ප්‍රශ්නයට විසඳුමක් දෙන බවද ඔහු සඳහන් කළේය.
- BBC Sandeshaya
