2011 අයවැය ඉදිරිපත් කරමින් ජනාධිපති මහින්ද රාජපක්ෂ මහතා ප්‍රකාශ කර සිටියේ, ජනමාධ්‍යවේදීන්ට පරිගණක ලබාදීම සඳහා එම අයවැයෙන් රුපියල් මිලියන 50ක් වෙන් කර ඇති බවයි.
එහෙත් එම මුදල වෙනත් ව්‍යාපෘතියක් වෙනුවෙන් වැයකිරීමට පිඹුරු පත් සකසමින් සිටි අමාත්‍යාංශ ලේකම් ඩබ්ලිව්.පී. ගනේගල මහතාට 2011 මුදල් වර්ෂය තුළ ඒ කිසිදු ව්‍යාපෘතියක් ක්‍රියාත්මක කර ගත නොහැකි වී තිබේ.
මෙම තත්ත්වය තුළ ජනාධිපතිවරයා විසින් 2011 වසරට වෙන් කළ එම මුදල, මෙම මුදල් වර්ෂය අවසන් වී ඇති හෙයින් යළි හරවා යැවීමට සිදු වී ඇති බවත් මෙය මාධ්‍යවේදීන්ට වූ බලවත් අසාධාරණයක් බවත් අප වෙත තොරතුරු ලබාදුන් නිලධාරියා වැඩිදුරටත් පැවසීය.
