Chitika Smowtion 468x60


Wednesday, March 28, 2012

තොණ්ඩමන් ෂේප්කර ගැනීමට බැසිල්ගෙන් අල්ලසක් ?


ජනාධිපතිවරයා සමඟ මතබේදයක් ඇතිකරගෙන සිටින අමාත්‍ය ආරුමුගම් තොණ්ඩමන් මහතා ආණ්ඩුව තුළ රඳවා ගැනීම සඳහා සාකච්ඡුා පවත්වන ආර්ථික සංවර්ධන බැසිල් රාජපක්ෂ මහතා පශු සම්පත් සහ ග‍්‍රාමීය ප‍්‍රජාසංවර්ධන අමාත්‍යාංශයේ කටයුතුවලට අවශ්‍ය මුදල් ප‍්‍රතිපාදන ලබා දීමට එකඟත්වය පළකර තිබේ.
ලංකා කම්කරු ක්‍රොන්ග‍්‍රසයේ නායක මුත්තුසිවලිංගම් මහතා සමඟ ඊයේ (27) පස්වරුවේ පැවති සාකච්ඡුාවේදී බැසිල් රාජපක්ෂ අමාත්‍යවරයා මෙම එකඟත්වය පළ කර තිබේ.
ඒ අනුව එහි මූලික පියවරක් වශයෙන් ඬේස්මි කන්ටැක්ටින් ඒ/එස් නම් ඩෙන්මාර්ක් සමාගමේ සහයෝගයෙන් මිල්කෝ ආයතනයේ කිරිපිටි කර්මාන්ත ශාලා නවීකරණය සඳහා අවශ්‍ය යුරෝ මිලියන 33.7ක මුදලක් සහනදායි ණයක් ලබාදීමට එකඟත්වය පළකර තිබේ. විදේශ සම්පත් දෙපාර්තමේන්තුව වෙත ඩෙන්මර්කයේ අපනයන මූල්‍ය අරමුදලෙන් එම යුරෝ මිලියන 33.7ක ණය මුදලක් මුදල් හා ක‍්‍රමසම්පාදක අමාත්‍යාංශය මගින් ලබා දීමට නියමිතය.
තවද තොණ්ඩමන් අමත්‍යාවරයා යටතේ පවතින ආයතනවල සභාපති ධුර හා වෙනත් දේශපාලන පත්වීම් තොණ්ඩමන් අමාත්‍යවරයාට අවශ්‍ය පරිදි පත්කර ගැනීමටද බැසිල් රාජපක්ෂ අමාත්‍යවරයා විසින් අනුමැතිය දී තිබේ. තමා ජනාධිපතිවරයා සමඟ කළ සාකච්ඡුාවලින් පසු එම එකඟතාවයන්ට එළඹි බව බැසිල් රාජපක්ෂ අමාත්‍යවරයා අමත්‍ය මණ්ඩලයේ කිහිපදෙනෙකුට පවසා තිබේ.
අප වෙත වාර්තාවෙන පරිදි තොණ්ඩමන් අමාත්‍යවරයා සමඟ එකඟතාවයක් ඇති කර ගැනීම සඳහා කෙළඹ ඉන්දියානු මහකොමසාරිස් කාර්යාලයේ නිලධාරීන්ද, නියෝජ්‍ය ඇමතිනී නිරූපමා රාජපක්ෂ මහත්මියගේ සැමියාවන කෝටිපති ව්‍යාපාරික තිරු නඬේසන් මහතාද දායක වී තිබේ.

Source - lankanewsweb.com

Comments

Loading... Logging you in...
  • Logged in as
There are no comments posted yet. Be the first one!

Post a new comment

Comments by

Share this article with your friends