මර්වින් සිල්වා කුවේණිගේ පියාලු
මේ දිනවල සිංහල සිනමාවේ ඉතිහාස පුවත් අඩංගු චිත්‍රපට වැඩියෙන් නිර්මාණය වීමට පටන්ගෙන තිබෙනවා.විශේෂයෙන් ජැක්සන් ඇන්තනි මහතා පණ්ඩුකාභය කුමරාගේ චරිතය ඇසුරින් නිර්මාණය කල සිනමාපටය නිසා බොහෝ දෙනෙක් එවැනි ඓතිහාසික පුවත් ඇසුරින් සැදුනු චිත්‍රපට කෙරෙහි වැඩි රුචිකත්වයක් දක්වන්නට පටන් ගත්තා.
මේ ඓතිහාසික රැල්ලේ නිර්මාණය වූ චිත්‍රපටි දෙකක් ඉදිරියේදී තිරගතවීමට නියමිතයි.ඒ කුවේණිගේ චරිතය ඇසුරින් සැදුනු "විජය-කුවේණි" හා "කුසපබා" යන චිත්‍රපටි දෙකයි.
"කුවේණි"
මර්වින් සිල්වා යක්ෂ චරිතයකට.කුවේණි චිත්‍රපටියේ කුවේණි ලෙස රගපාන්නේ දුලානි අනුරාධා වන අතර විජය කුමරාගේ චරිතය රොජර් සෙනවිරත්න රගපානු ලබනවා.එසේම මෙහි කුවේණිගේ පියා ලෙස රගපාන්නේ මර්වින් සිල්වා අමාත්‍යවරයායි.
මේ සිනමාපටය සදහා නළුනිළියන් 1700 පමණ සහභාගී වූ අතර විශාල වියදමක්ද දරා තිබෙනවා.මෙහි කුවේණිගේ චරිතයට පෙනීසිටින දුලානි අනුරාධා ඒ සදහා සිරුරේ බරද අඩු කරගත් බව සදහන් වෙනවා.
කුවේණි චිත්‍රපටියේ පුර්ව ප්‍රචාරක පටය පහතින් බලන්න.
"කුසපබා"
පුජා උමාශංකර් සමගින් ජැක්සන් ඇන්තනි.
මේ කුසපබා චිත්‍රපටය මුළුමනින්ම රූපගත කරේ රන්මිණිතැන්න සිනමා ගම්මානයෙයි.මෙහි කුස රජුගේ චරිතය කරන්නේ ජැක්සන් ඇන්තනි වන අතර පුජා උමාශංකර් පබා ගේ චරිතය රගපනවා.
මෙය අධ්‍යක්ෂණය කලේ සුනිල් ආරියරත්න මහතා වන අතර මෙහි රවින්ද්‍ර රන්දෙණිය,චාන්දනී සෙනවිරත්න,විණා ජයකොඩි,මහේන්ද්‍ර පෙරේරා වැනි නළුනිළියන් රැසක් රගපනවා.
කුසපබා චිත්‍රපටයේ පුර්ව ප්‍රචාරක පටය පහතින් බලන්න.
