ෆොන්සේකා මහතා නිදහස් කිරීමට ජනාධිපතිවරයා කඩිමුඩියේ කටයුතු කළේ ඉන් අනතුරුව බවත්, ෆොන්සේකා නිදහස් කිරීමට සහතික වීමෙන් පසුව ජී.එල් පීරිස් අමාත්‍යවරයා ඇතුළු ශ්‍රී ලංකා නියෝජිත පිරිසට විසා ලැබුණු බවත් එම අමාත්‍යවරයා සඳහන් කළේය.
මෙම තත්ත්වය යටතේ ජනාධිපතිවරයා, ෆොන්සේකා මහතා ලවා ඔහු විසින් ගොනුකර තිබූ අභියාචනා සියල්ල ඉල්ලා අස්කරගනු ලැබීය.
එහෙත්, ජනාධිපතිවරණ සමයේදී නීත්‍යානුකූල නොවන අයුරින් හමුදාව හැර ගියේ සෙබළුන් දහදෙනකු රඳවාගෙන සිටි බවට චෝදනා කොට ෆොන්සේකා මහතාට එරෙහිව ගොනු කර තිබූ නඩුව රජය විසින් ඉල්ලා අස්කරගෙන නොමැත. ෆොන්සේකා මහතාට ඉදිරියේ සීමාව ඉක්මවා කටයුතු කළහොත් එම නඩුව හරහා ෆොන්සේකා මහතා යළි සිරකිරීමට ජනාධිපතිවරයා බලාපොරොත්තුවෙන් සිටින බව අප වෙත තොරතුරු දුන් අමාත්‍යවරයා වැඩිදුරටත් පැවසීය.
Source - lankanewsweb.com
